Archive | March 6, 2014

የአቶ አለማየሁ ኦቶምሳ ድንገተኛ እና ከባድ የጤና መታወክ የእሳቸው አቋም የሚቃወሙ ግለሰቦች (ባለስልጣናት) እጅ እንዳለበት በክልሉ ውስጥ በስፋት ሲነገር ቆይቷል

የአቶ አለማየሁ አስከሬን ዛሬ ምሽት ቦሌ ዓለም አቀፍ ኤርፖርት ይገባል ተብሎ ይጠበቃል፡፡ / Alemayehu’s body to arrive today.• በአንድ ወቅት ጠቅላይ ሚኒስትር መለስ ዜናዊ ‹‹ሲታመሙ መታከሚያ ገንዘብ እንኳ የሌላቸው እንደነ አለማየሁ አቶምሳ ያሉ ፖለቲከኞች አሉ›› ሲሉ ገልፀዋቸዋል፡፡

• አቶ አለማየሁ አቶምሳ በታይላንድ ባንኮክ በህክምና ሲረዱ ቆይተው በተወለዱ በ45 ዓመታቸው ትላንት ለሊት ሰባት ሰዓት ላይ ያረፉት። የሦስት ልጆች አባት ነበሩ፡፡

• አቶ ሙክታር ከድርና ወ/ሮ አስቴር ማሞ እየታከሙ ከነበረበት ‹‹ባንኮክ›› ከቤተሰባቸው ጋር ‹‹አስከሬናቸውን›› ሊያመጡ እዚያው መገኘታቸውም ተነግሯል፡፡

• ከ1988 እስከ 1994 ድረስም የኦህዴድ ማዕከላዊ ጽህፈት ቤት እና የድርጅቱ የፖለቲካ ዘርፍ ኃላፊ በመሆን አገልግለዋል። ከ2002 ዓ.ም ጀምሮ የኦህዴድ ሊቀመንበር ነበሩ፡፡ ከ2003 ዓመተ ምህረት ጀምሮ ደግሞ የኦሮሚያ ብሔራዊ ክልላዊ መንግሥት ርዕሰ መስተዳድር በመሆን ሠርተዋል።

• ‹‹ኦቦ አለማየሁ ኦቶምሳ መስዋእት ሆኑ››። ያሉም አሉ፡፡

• በሥልጣን ቆይታቸውም በክልሉ ተንሰራፍቶ ባለው ሙስና ላይ በሚያሳዮት ቆራጥ አቋም የተመሰገኑትን ያህል በአንዳንድ ወገኖች ዘንድ የጎሪጥ እንዲታዩ እንዳደረጋቸውና ሥልጣን ጨብጠው ወደ እርምጃ ከመግባታቸው ለደረሰባቸው ድንገተኛ እና ከባድ የጤና መታወክ የእሳቸው አቋም የሚቃወሙ ግለሰቦች (ባለስልጣናት) እጅ እንዳለበት በክልሉ ውስጥ በስፋት ሲነገር ቆይቷል።

• የኦህዴድ ማዕከላዊ ኮሚቴ ጽህፈት ቤት ባወጣው መግለጫም ‹‹በ1981 ዓመተ ምህረት የደርግን ስርዓት ለመገርሰስ ሲካሄድ የነበረውን የትጥቅ ትግል ተቀላቅለዋል። … ላለፉት 24 ዓመታት የኦሮሞ ህዝብ እና መላው የአገሪቱ ህዝቦች ዛሬ ለደረሱበት የሰላም፣ የዴሞክራሲና የልማት ተጠቃሚነት እንዲበቁ በቁርጠኝነት የታገሉ ነባር ታጋይ ነበሩ›› ብሏል።

• ኦቦ አለማየሁ አቶምሳ እውነት ባደረበት ህመም ነው ወይስ ባሳደሩበት ህመም ነው በህክምና ሲረዳ ቆይቶ የሞተው ? ብለው ይጠይቃሉ፡፡

• አሟሟታቸው ለሙስና መዋጋት ባሳዩት ጽኑ እምነትና ቆራጥነት የተሞላው አመራር የተነሳ በምግብ መመረዝ ምክንያት እንደሆነ የሚወራው ወሬ ኢህአዴግ ውስጥ ከዚህ በኋላ እንደሳቸው ዓይነት ጠንካራ አመራር እንዳይፈጠርና ሌሎች የድርጅቱ የአመራር አባላት ላይ ጫና ለመፍጠር የሚደረግ ተራ አሉባልታና ወሬ መሆኑን መገንዘብ አለብን። በማለት የሚያሳስቡም አሉ፡፡

• ‹‹የለም! የለም! ለዚህ ስቃይና ህልፈት ያበቋቸው ሰዎች በምድር ብቻ ሳይሆን በሰማይም ፍርድ ይጠብቃቸዋል፡፡ እግዚአብሔር የገነባውን ግንብ አፍርሰዋልና›› የሚሉ አስተያየቶችም ተበራክተዋል፡፡

• የቀብራቸው ቦታና ሰዓት እስከ አሁን ድረስ አልተገለጸም፡፡

• በኢትዮጵያ ሬዲና ቴሌቪዥን ድርጅት ከ1998ዓ.ም እስከ 2002ዓ.ም ድረስ በዋና ሥራ አስኪያጅነት ሠርተዋል፡፡ በሠራተኞች ስብሰባ ላይ እንዲህ ተናግረው ነበር …

‹‹ሰዎች ያልፋሉ፤ አገር ግን ትኖራለች!››

ነፍስ ይማር! Rest in Peace Sir!

በ Getu Temesgen – (ጌጡ ተመስገን)

1981854_626949727360522_120767145_n