100ሺ አባላት ያሉት ዘመናዊ እቁብ ተጀመረ


money 

       በየወሩ 350 ብር በማዋጣት የከፍተኛ ንብረት ባለቤት ለመሆን የሚያስችል ዘመናዊ የእቁብ ፕሮግራም መጀመሩ ሰሞኑን ተገለፀ፡፡ የእቁብ ፕሮግራሙ፤ ዝቅተኛና መካከለኛ ገቢ ያላቸው 100 ሺ አባላት ሲኖሩት በሰባት ዓመት ወይም በ90 ወራት ጊዜ ውስጥ ሁሉም አባላት ባለእድል ሆነው ይጠናቀቃል ተብሏል፡፡
አንድ መቶ ሺህ አባላት በአንድ ወር ጊዜ ውስጥ እንዲመዘገቡ ተደርጎ የመጀመሪያዎቹ 40 ያህል እጣዎች የሚወጡ ሲሆን የመጀመሪያው እጣም ከአንድ ወር በኋላ በሸራተን አዲስ ሆቴል እንደሚወጣ ተገልጿል፡፡
የእቁብ ፕሮግራሙን የሚያከናውኑት “ጎጆ እቁብ” እና “ዋይኤችኤ ኢንዱስትሪያል” ሲሆኑ በእጣ ማውጣት ስነ ስርአቱ ላይ የሚሳተፈው ደግሞ “ሲምቦል ቴክኖሎጂ” እንደሆነ ታውቋል፡፡  ከትናንት በስቲያ በድርጅቶቹ የውል ስምምነት ፊርማ ላይ እንደተገለፀው፤ “ዋይኤችኤ ኢንዱስትሪያል” ለባለዕድለኞች የሚሰጡ ንብረቶችን ከኩባንያዎች ጋር በመሆን ያቀርባል፡፡
በየወሩ 350 ብር እየከፈሉ አባል የሚሆኑ እቁብተኞች በ90 ወራት ውስጥ 31 ሺህ 500 ብር የሚያዋጡ ሲሆን በዚህ ገንዘብ በእጣው ከተካተቱት የጭነት መኪና፣ ከባድ ማሽኖች፣ መኖሪያ ቤት፣ ሚኒባስ፣ ሎደር ግሬደርና ኤክስካቫተር  የመሳሰሉት ንብረቶች ተጋሪ ይሆናሉ ተብሏል፡፡
በእጣው ለባለ እቁብተኞች የሚሰጡ ተሽከርካሪዎች እንደ ሞኤንኮ፣ ሬስ ኢንጂነሪንግ፣ ኒያላ ሞተርስና አምቼ ባሉ ኩባንያዎች የሚቀርቡ ሲሆን የመኖሪያ አፓርታማ በማቅረብ ደግሞ በላከማል እና የቻይና ቤት አልሚ ድርጅት እንደሚሳተፉ ተገልጿል፡፡
እቁቡ እንደማንኛውም ባህላዊ እቁብ ዳኛ፣ ዋና ፀሐፊና አቃቢ ነዋይን ጨምሮ ህጋዊ መተዳደሪያ ደንብ እንደሚኖረው የጠቆሙት የፕሮግራሙ ከዋኞች፤ የሚሰበሰበው ገንዘብ የስራውን ሂደት በሚመሩት ቡና ኢንተርናሽናል ባንክ፣ አዋሽ ኢንተርናሽናል ባንክ፣ ንብ ኢንተርናሽናል ባንክና አቢሲኒያ ባንክ በተከፈተ የሂሳብ መዝገብ ይቀመጣል ብለዋል፡፡
የእቁቡን አሰባሰብ ሂደት ያብራሩት የ“ጎጆ እቁብ” መስራችና ስራ አሥኪያጅ አቶ ናደው ጌታሁን፤ ምዝገባ እንደተጠናቀቀና የመጀመሪያው ዙር ባለዕጣዎች (እድለኞች) እንደታወቁ በ5 የስራ ቀናት ጊዜ ውስጥ በገንዘብ ገቢ ያደርጋል፤ የእጣ ቁጥሩም በአጭር የሞባይል መልዕክት ይነገረዋል ብለዋል፡፡
ይህ አይነቱ ዘመናዊ እቁብ እንደ ቻይናና አሜሪካ ባሉ ያደጉ አገራት እንደሚሰራበት የጠቆሙት አቶ ናደው፤ድርጅታቸው ከስራ ሂደቱ 2 በመቶ ኮሚሽን እንደሚያገኝ አስታውቀዋል፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s