Archive | October 2014

”የመናፍቃኑ ተላላኪዎች መሠረተ ቢስ ውንጀላ ከአገልግሎታችን አንዲት ጋት ወደ ኋላ እንደማይመልሰን እንዲታወቅልን እንፈልጋለን” -ማኅበረ ቅዱሳን

“ምንም እንኳ በለስም ባታፈራ፥ በወይንም ሐረግ ፍሬ ባይገኝ…በእግዚአብሔር ደስ ይለኛል ትን.ዕንባ.3፡17-19″ አትም ኢሜይል

በእግዚአብሔር ፈቃድ በቅዱስ ሲኖዶስ ይሁንታ የቤተ ክርስቲያንን አገልግሎት ለመደገፍና ለማጠናከር የተመሠረተው ማኅበረ ቅዱሳን ከተቋቋመበት ጊዜ ጀምሮ አያሌ ፈተናዎችን እያሳለፈ 22 ዓመታት ተጉዟል፡፡

ማኅበረ ቅዱሳን በዓመታት ጉዞው ባከናወናቸው መልካም ተግባራት ታላላቅ የቤተክርስቲያን አባቶችን ጨምሮ እጅግ በርካታ ወዳጆችን እንዳፈራ ሁሉ ጥቂት በተቃራኒው የቆሙ ስሙን በየጊዜው በክፉ የሚያነሱ ቡድኖችም ተነሥተውበታል፡፡

ወዳጆቹ የቤተ ክርስቲያን ወዳጆች ናቸውና በአገልግሎቱ ተማርከው በሚሠራቸው መልካም ሥራዎች ተስበው ቤተ ክርስቲያን ያለባትን የአገልግሎት ክፍተት ለመሙላት በጋራ ከማኅበሩ ጋር በመሥራት ሲተባበሩ፤ በአንጻሩ ጠላቶቹ ደግሞ የተለያዩ አጋጣሚዎችን እያስታከኩ ማኅበሩን ለመወንጀል እየተጣጣሩ ይገኛሉ፡፡

ማኅበረ ቅዱሳን እንዴት ወዳጆች አፈራ? ጠላቶችስ ለምን ተነሡበት?

ማኅበረ ቅዱሳን እግዚአብሔር ፈቅዶ ከተመሠረተበት ጊዜ አንሥቶ ወጣቶችን በተለይም የከፍተኛ ትምህርት ተቋማት ተማሪዎች ከመደበኛው ትምህርታቸው ጎን ለጎን በየአካባቢው ወደሚገኙ አጥቢያ አብያተ ክርስቲያናት ሔደው መሠረታዊውን የቤተ ክርስቲያን ትምህርት እንዲማሩ በማድረግ ሃይማኖታቸውን ጠንቅቀው እንዲያውቁና ቤተ ክርስቲያናቸውን እንዲጠብቁ እንዲሁም በዕውቀታቸው፣ በገንዘባቸውና በጉልበታቸው እንዲያገለግሉ በማድረግ፤ በተጨማሪም ወጣቱ ሀገሩንና ሕዝቦቿን አክባሪ፣ በሥነ ምግባር የታነጸ እንዲሆን በማስቻሉ ብዙ ወዳጆችን አግኝቷል፡፡

ከዚህም ሌላ የመናፍቃኑንና ቤተ ክርስቲያኒቱን እናድሳለን ብለው የተነሡትን የመናፍቃኑ ተላላኪ ቡድኖችን ሴራና የአክራሪ እስልምናውን እንቅስቃሴ በመረጃ አስደግፎ በማጋለጡ፣ ከክፉ ትምህርታቸው መመለስ ያልፈለጉ የተሐድሶ ቡድን አባላት ከቤተ ክርስቲያን እንዲወጡ ስለተወሰነባቸው እና ሌሎችንም የቤተ ክርስቲያኒቱን ችግሮች እየተከታተለ ለዕድገቷና ለብልጽግናዋ በመሥራቱ በሚሊዮኖች የሚቆጠሩ የቤተ ክርስቲያን ወዳጆችን አፍርቷል፡፡

Mhbere Kidusanከዚህ በተቃራኒው የተሰለፉት ወገኖች ደግሞ ወጣቱን እንደጠፍ ከብት ወደ ማያውቀው የመናፍቃን አዳራሽ የመንዳት ልምዳቸው በመቋረጡና በቤተ ክርስቲያን ውስጥ በመግባት የሚያደርጉት ሥርዓቷን የማፋለስ እንቅስቃሴ፤ እንዲሁም አገልጋዮቿንና ምእመናኖቿን የማስኮብለሉ አካሔድ ማኅበሩ በክትትል በተለያዩ መረጃዎች ስለገለጠባቸው ማኅበረ ቅዱሳንን በጠላትነት በማየት ማኅበሩ እንዲፈርስ የማይቧጥጡት ዳገት የማይፈነቅሉት ድንጋይ የለም፡፡

እነዚህ የቤተ ክርስቲያን የውስጥ ጠላቶች ለጥቂት ጊዜ ጋብ ብለው የነበሩ ቢሆንም አሁን ባገኙት አጋጣሚ በቤተ ክርስቲያን ውስጥ እንጀራዋን እየበሉ የሚኖሩ ወዳጆቻቸውን በማጠናከርና በማስፋፋት በሚሊዮን የሚቆጠር በጀት ከወዳጆቻቸው ተመድቦላቸው የቤተ ክርስቲያኒቱን ሥርዓት ለማዛባትና በጎቿን ለመበታተን ሌት ከቀን እየሠሩ ነው፡፡

ይኼ ዕቅዳቸው የሚሳካው እንደ ማኅበረ ቅዱሳን ያሉ ለቤተ ክርስቲያኒቱ እምነትና ሥርዓት መጠበቅ የሚቆረቆሩ ማኅበራትን ባገኙት አጋጣሚ ሁሉ አጀንዳ በማድረግና እንዲበተኑ ክፉ ሥራ በመሥራት ነው፡፡ እነዚህ የቤተ ክርስቲያን ጠላቶች ይሔንን ከንቱ ቅዠታቸውን እውን ለማድረግም በቤተ ክርቲያኒቱ የተለያየ ሓላፊነት ላይ የሚገኙትን የዓላማቸው አስፈጻሚዎች ሁሉ እየተጠቀሙ እንደሚገኙም ይታወቃል፡፡

ከዚህም ሌላ ድብቅ ዓላማቸው እንዲሳካ ተላላኪዎቻቸው በቤተ ክርስቲያኒቱ ሥር የሚሆን ነገር ግን ስውር ዓላማ ያለው ማኅበር እንዲመሠርቱና ከዚህ በፊት ከንቱ ተግባራቸው ታውቆ በቤተ ክርስቲያኒቱ ታግደው የነበሩ ማኅበራት ሁሉ ከሞቱበት እንዲቀሰቀሱ እየሠሩም እያደረጉም ይገኛሉ፡፡

በቤተ ክርስቲያን ስም ድብቅ ዓላማቸውን ለማስፈጸም ያቋቋሟቸውና የሚያቋቁሟቸው፣ ማኅበራትንም ሕጋዊ ዕውቅና ለማሰጠት እንዲያመቻቸው ማኅበረ ቅዱሳን ለቤተ ክርስቲያን አገልግሎት ከኔ ሌላ ሌሎች አያስፈልጉም የሚል አቋም ያለው ማኅበር እንደሆነ ያስወራሉ፡፡

በእርግጥ ማኅበረ ቅዱሳን በትክክል የቤተ ክርስቲያኒቱን ሥርዓትና ደንብ ተከትለው በሚቋቋሙት ማኅበራት ላይ የማኅበሩ ጠላቶች ከሚያወሩትና ከሚያስወሩት አሉባልታ የተለየ አቋም አለው፡፡ የኢትዮጵያ ኦርቶዶክስ ተዋሕዶ ቤተ ክርቲያን የሁለት ሺሕ ዓመታት ታሪክ ያላት ጥንታዊት ቤተ ክርስቲያን ትሁን እንጂ መንበሯ ከሊቀ ጵጵስና ደረጃ ወደ ፕትርክና ለማሳደግ አንድ ሺሕ ስድስት መቶ መራራ ዓመታትን አሳልፋለች፡፡ በዚህ ማለፏ ደግሞ ሌሎች አኀት አብያተ ክርስቲያናት የደረሱበት ዘመናዊ የአደረጃጀት ደረጃ ላይ ለመድረስ አልቻለችም፡፡ ልጆቿንም ጊዜው በሚጠይቀው መንገድ ለመምራት ሳትችል ስለቆየች እነዚህን ክፍተቶች የሚሞሉ አንድ አይደለም በርካታ ማኅበራት እንደሚያስፈልጓት ማኅበረ ቅዱሳን ያምናል፡፡ ነገር ግን እኩያኑ እንደሚሉት ሳይሆን እነዚህ ማኅበራት ሲቋቋሙ ለአንዲት ቤተ ክርስቲያን ዕድገትና የአገልግሎት ሥምረት የሚንቀሳቀሱ ተልእኮአቸውና ዓላማቸው ተለይቶ የሚታወቅ፣ መንፈሳዊ ተግባርን ብቻ የሚፈጽሙ፣ የሚናበቡና በስልት ለአንድ ውጤት የሚተጉ ሊሆኑ ይገባቸዋል የሚል ጽኑ አቋም አለው፡፡

ይሔንን አቋሙን ደግሞ በርካቶች የሚደግፉት እንደሆነ ማኅበረ ቅዱሳን ያምናል፡፡ ምክንያቱም እነዚህ የመናፍቃኑ ተላላኪዎች በቤተ ክርስቲያን ስም ያቋቋሟቸው ማኅበራት ከዚህ በፊት በቤተ ክርስቲያን ላይ ጥለውት የሔዱት ጠባሳ የሚታወቅ ስለሆነ ማኅበረ ቅዱሳን በማኅበራት ላይ ግልጽ አቋም አለው፡፡ ከዚህም ሌላ እነዚህ የውስጥ ዐርበኞች ይኽ ስውር ዓላማቸው ያልታወቀባቸው ይመስል ማኅበሩን ለመወንጀል የማይለጥፉለት ታፔላ፣ የማይለፍፉት ወሬ የለም፡፡ ነገር ግን እነዚህ የቤተክርስቲያን ጠላቶች ስለማኅበሩ የሚያወሩት ሁሉ ከእውነት የራቀ እና ሁሉም የሚገነዘበው ግልጽ እውነታ መሆኑን ባለማወቃቸው እናዝናለን፡፡

ማኅበረ ቅዱሳን ምንም ስውር ዓላማ የለውም፤ ከማንኛውም የፖለቲካ አስተሳሰብ የጸዳና በቅዱስ ሲኖዶስ ጸድቆ በተሰጠው መተዳደሪያ ደንብና መመሪያን ሳያዛንፍ እየሠራ ያለ፤ በተሰጠውም መተዳደሪያ ደንብና ሓላፊነት መሠረት ከአባላቱ የሰበሰበውን የገንዘብ መዋጮ ገቢና ወጪ እያሰላ በውስጥ ኦዲተሮችም እያስመረመረ በመሥራት ተጨባጭ ለውጥ ያመጣ ማኅበር እንጂ በወሬ የሚኖር አይደለም፡፡ ይሔንን አሠራሩንም ቀርቦ ማየት ይቻላል፡፡ አባላቱም በገንዘባቸው፣ በዕውቀታቸው በጉልበታቸውና በመላ ሕይወታቸው ቤተ ክርስቲያንን የሚያገለግሉ እንጂ እንደ መናፍቃኑ ተላላኪዎች ለሆዳቸው ያደሩ፣ ሆዳቸው አምላካቸው የሆነባቸው እዚህም እዚያም ደሞዝ የሚቀበሉ አይደሉም፡፡

ማንኛውም አካል እንዲያውቅልን የምንፈልገው ሐቅ ማኅበረ ቅዱሳን ቅዱስ ሲኖዶስ ለሰጠው ሓላፊነትና አባላቱም ለገቡለት ቃል ኪዳን ሃይማኖታቸው የሚፈቅደውን መስዋዕትነት ለቤተ ክርስቲያን ልዕልናና ክብር ለመክፈል የተዘጋጁ እንጂ በተዛባ አመለካከት ወደ ኋላ የሚያፈገፍጉ አለመሆናቸውን ለመግለጽ እንወዳለን፡፡

ማኅበረ ቅዱሳን አገልግሎቱ የሚታይ አሠራሩም ግልጽ ነው፡፡ ስለዚህም የመናፍቃኑ ተላላኪዎች መሠረተ ቢስ ውንጀላ ከአገልግሎታችን አንዲት ጋት ወደ ኋላ እንደማይመልሰን እንዲታወቅልን እንፈልጋለን፡፡ ርእይና ተልእኮአችንን ለማሳካት ዛሬም ነገም እንሠራለን፤ ትናንትን ያሻገረን እግዚአብሔር ዛሬንም ያሳልፈናልና፡፡
ይህ ጽሑፍ ግንቦት 16 ቀን 2003 ዓ.ም ወጥቶ የነበረና ታርሞ በድጋሚ የቀረበ ነው፡፡

Ethiopia sentences three magazine owners to jail

Ethiopia's Minister of Government Communication affairs Redwan Hussein speaks to journalists on February 17, 201

Addis Ababa (AFP) – Ethiopia has sentenced three magazine owners in absentia to more than three years in prison, a government spokesman said Wednesday, as a leading media rights group condemned the “shocking” ruling.

Reporters Without Borders (RSF) named the three as Endalkachew Tesfaye of the Addis Guday magazine, Gizaw Taye of Lomi, and Fatuma Nuriya of Fact.

“The three have all been sentenced for three years and some months,” government spokesman Redwan Hussein told AFP.

RSF said the magazine owners, who are all outside the country, were found guilty on Tuesday of “inciting violent revolts, printing and distributing unfounded rumours and conspiring to unlawfully abolish the constitutional system of the country.”

Rights groups routinely accuse Ethiopia of using anti-terrorism laws to silence dissent and jail critics.

“The clearly outrageous grounds for their conviction are indicative of how a very authoritarian regime is manipulating the justice system,” RSF said in a statement.

“This type of persecution amounts to banning independent media in Ethiopia altogether.”

Several journalists have been jailed in Ethiopia, many under terrorism laws.

Those include two Swedish journalists sentenced to 11 years in prison in 2012. They were pardoned after serving 15 months.

Dissident blogger Eskinder Nega is currently serving an 18-year sentence for alleged links to the outlawed Ginbot 7 group, which calls for the violent overthrow of the ruling party.

በደቡብ ጀርመን የሚገኙ ስደተኞች እጣ

በሺ የሚቆጠሩ ስደተኞች በየሳምንቱ በሊቢያ በኩል አድርገው ወደ አውሮጳ ለመግባት ይሞክራሉ። የአንዳንዶቹ እጣ ፋንታ በሜዲትሪያን ባህር ሰምጦ መሞት ሲሆን በህይወት የተረፉት ደግሞ በስፓኝ፣ በማልታ፣ በግሪክ አብዛኛውን ጊዜ ደግሞ በኢጣሊያ አድርገው ወደሰሜን አውሮጳ ለመግባት ይሞክራሉ።

Verhaftung von Flüchtlingen auf dem Rosenheimer Bahnhof

ካለፈው ጥር ወር አንስቶ ከ100 000 በላይ ስደተኛ በተቀበለችው ጣሊያን በርካቶች የሥራም ይሁን የኑሮ ተስፋ ስለማይታያቸው ወዲያው ወደ ሌሎች በሰሜን አውሮጳ የሚገኙ ሃገራት መጓዙን መርጠዋል። ስለሆነም የጀርመን ፌደራላዊ ድንበር አስከባሪ ፖሊሶች ቁጥጥራቸውን አጠናክረው በየቀኑ በርካታ ስደተኞችን ደቡብ ጀርመን በምትገኘው ሮዝንሀይም ከተማ በቁጥጥር ሥር ያውላሉ።

ፖሊስ ሮኒ እና ፖሊስ ያኮ፤ ሥራ የሚጀምሩት ከጠዋቱ 11 ሰዓት ነው። ደቡብ ጀርመን፤ ሮዝንሀይም ከተማ በሚገኘው የፌደራል ድንበር አስከባሪ ፖሊስ ጣቢያ ያገለግላሉ። በጀርመን እና ኦስትሪያ ድንበር አቅራቢያ 30ኪ ሜ ስፋት ባለው አካባቢ ፤ በሕገ ወጥ መንገድ ወደ ጀርመን የሚገቡ አደንዛዥ እፆች፣ የጦር መሣሪያዎች እንዲሁም ሰዎችን ይፈልጋሉ።

Flüchtlinge in Rosenheim ሮዝንሀይም ከተማ የሚገኘው የፌደራል ድንበር አስከባሪ ፖሊስ ጣቢያ በቀን

ውጭው ገና ጨለማ ነው። ወደ ደቡብ ጀርመን ዋና ከተማ ሙኒክ የሚያመራው አዉራ ጎዳና ላይ ግን በርካታ ተሽከርካሪዎች ይጓዛሉ። ብርማ ቀለም ባለው BMW መኪና ውስጥ የተቀመጡት ፖሊሶች አጥፍጠው አንድ ጥግ እንደቆሙ፤ አንድ የኢጣሊያ መለያ የሰሌዳ ቁጥር ያለው አውቶብስ ዐይናቸው ውስጥ ገባ፤ እነሱም ተከታትለው ሹፌሩ እንዲቆም ምልክት ሰጡት።

የደንብ ልብስ ያለበሱት ፖሊሶች መታወቂያቸውን ለአሽከርካሪዉ አሳይተው ወደ አውቶብሱ በመግባት እንቅልፍ የተጫጫናቸውን መንገደኞች መቆጣጠሩን ተያያዙ። አውቶብሱ ውስጥ ጥቂት አፍሪቃውያን ተቀምጠዋል። ከነዚህም ውስጥ ፖሊሶቹ ሁለቱን ይዘው ወረዱ። ናይጄሪያውያን ናቸው። አንደኛው ወደ ጀርመን የመጣሁት «መኪና ገዝቼ ወደ አፍሪቃ ልልክ ነው» አለ። የመጓጓዣ ሰነድ ማለትም (ፓስፖርት)ግን አልያዘም ፣ ከኢጣሊያ ያገኘው የመቆያ ወረቀትም ቢሆን ፖሊሶቹ አጣርተው ሲደርሱበት ጊዜው ያለፈ ነው። ፖሊሶቹ እንደሚሉት፤ « ይህ በጀርመን ሕግ መሠረት ወንጀል ነው።» ሌላኛው፤ ኬኔዲ እባላለሁ ያለው ናይጄሪያዊ ደግሞ ትንሽ ካመነታ በኋላ፤ ወደ ጀርመን የመጣሁበት ምክንያት አለ፤«ህይወቴን ለማሻሻል ወደእዚህ መጥቼ ጥገኝነት ብጠይቅ ያዋኛል ብዬ ነው አሰብኩ። በዚህ አጋጣሚ የጀርመን መንግሥት ያለሁበትን ሁኔታ ከግንዛቤ እንዲያስገባው እጠይቃለሁ። እኔ እዚህ የመጣሁት ዕርዳታ ለማግኘት ነው»

ኬኔዲ ፤ በሊቢያ አድርጎ ወደኢጣሊያ እንደተጓዘ ይናገራል። እሱ እንደሚለው ኢጣሊያ ለ 3 ዓመት ያህል ሲቀመጥ ሥራ ሊያገኝ እና ኑሮውን ሊያሻሽል አልቻለም። የጀርመን ፖሊሶች እሱን በቁጥጥር ሥር ማዋላቸው ብዙም አልረበሸውም። ሆነም ቀረ ሙኒክ ሄዶ ጥገኝነት ለመጠየቅ በጉዞ ላይ እንደነበር ፤ ዘና ብሎ ያስረዳል።

Flüchtlinge in Rosenheim ፖሊስ አሻራ ሲወስድ

ሁለቱም ናይጄሪያውያን፤ ሮዝንሀይም ከተማ ወደሚገኘው የፌደራል ድንበር አስከባሪ ፖሊስ ጣቢያ ሲደርሱ፤ የጣት አሻራ እና ሰፊ ቃለ መጠይቅ ይጠብቃቸዋል። ኋላም በአውሮፓ ከዚህ ቀደም አሻራ ሰጥተው መሆኑ ይጣራል። እነዚህን የሥራ ሂደቶች ፖሊሶቹ ከፈፀሙ በኋላ ቀጣዩ ኃላፊነት የስደተኞችን ጉዳይ የሚመለከተው የስደተኞች እና ተገን ጠያቂዎች ምክር ቤት ይሆናል።

ነገር ግን ፖሊስ ጣቢያ ሲደረስ ሁሉም መጠበቅ ነበረባቸው። የሮኒ እና የያኮ ባልደረቦች፤ ሰባት የሶርያ ስደተኞን እና እነሱን ይዞ በመጓዝ ላይ የነበረ ደላላን በቁጥጥር ሥር አውለው ክፍሎቹ በሰዎች ተሞልተዋል። ፖሊስ ያኮ «አሁን አሁን የዕለት ከዕለት ውሎዋችን ብዙም አስደሳች አይደለም። ሁሉም ከአቅማችን በላይ ሆኗል። በየቀኑ ከ 20-30 ከዚያም በላይ የሆኑ ያለ ሕጋዊ ሰነድ ወደ ጀርመን የሚገቡ ሰዎች ያጋጥሙናል። ብዙዎቹ በባቡር የተወሰኑት ደግሞ በአውቶብስ ነው የሚመጡት ።

በመስከረም ወር ብቻ የሮዝንሀይም ፖሊሶች 700 የሚጠጉ ስደተኞችን ይዘዋል። አብዛኞቹ ከሶርያ፣ ኤርትራ፣ ሶማሊያ፣ አፍጋኒስታን እና ናይጄሪያ የመጡ ናቸው። ወደጀርመን የተለያዩ ግዛቶችና ወደሰሜን አዉሮጳ ሃገራት የሚወስዱ እና ደቡብ ጀርመን ሮዝንሀይም ከተማ ላይ የሚገናኙ ሁለት ዋና መንገዶች አሉ። አንዱ በአፍጋኒስታን እና በባልካን ሀገራት አድርጎ ጣሊያን እና ኦስትሪያን አቋርጦ ወደ ጀርመን የሚያስገባ አዉራ ጎዳና፤ ሲሆን ሌላኛው ከአፍሪቃ በሜዲትራኒያን በኩል አድርጎ ወደ ኢጣሊያ እና ኦስትሪያ የሚወስደዉ ነው።

ሞሀመድ ኢድሪስ ከሳምንታት በፊት አንስቶ ከሮዝንሀይም ትንሽ ወጣ ብላ በምትገኘው ከተማ ፍራስዶርፍ ከሌሎች 14 ስደተኞች ጋር ይኖራል። ከሀገሩ ኤርትራ ተነስቶ በሱዳን በኩል አድርጎ ነው ሊቢያ የገባው።« ሊቢያ ዉስጥ ከባድ ነበር። ለአንድ ወር ያክል ታስሬ ነበር። ከዛም ከሊቢያ በባህር አድርገን ወደ ኢጣሊያ መጣን።»

Flüchtlinge in Rosenheim በፖሊሶች ቁጥጥር ሥር የዋሉ የደላላ ተሽከርካሪዎች

ሮኒ እና ያኮ በሚሰሩበት ፖሊስ ጣቢያ ብቻ ካለፈው ጥር ወር አንስቶ ከ 5,800 በላይ ስደተኞች ተመዝግበዋል። በጎርጎሮሳዊዉ 2013 ዓ ም በጠቅላላ በፖሊስ ጣቢያዉ የተመዘገበው ስደተኛ ቁጥር 4000 ነበር። ይህ የሚያመለክተዉ በፖሊስ የተያዙትን ሲሆን በድብቅ የገቡት ስደተኞች ቁጥር ጥቂት እንደማይሆንም ይገመታል። ፖሊስ ሮኒ እና ያኮን የሚያሳስባቸው ግን በሕገ ወጥ መንገድ የገቡት ስደተኞች ብቻ ሳይሆኑ እነሱን ከሀገር ወደሀገር የሚያሸጋግሩ ደላላዎች ናቸው። በፖሊስ ጣቢያው ውስጥ ከ 60-80 የሚደርሱ በፖሊሶች ቁጥጥር ሥር የዋሉ የደላላ ተሽከርካሪዎች ቆመዋል። አብዛኞቹ ከኢጣሊያ ሲሆኑ አንዳንዶቹ ደግሞ የተለያየ የሰሜን አውሮፓ ሃገራት የሰሌዳ መለያ ያላቸው መኪናዎች ናቸው። የፖሊስ ጣቢያው ቃል አቀባይ ራልፍ ሻርፍ ቃላቸውን ከሰጡ ስደተኞች እንደሰሙት ደላሎቹ በሺ የሚቆጠር ገንዘብ ይጠይቃሉ።«ከአፍሪቃ የሜዲትራያንን ባህር ለማሻገር ከ 3,000- 30,000 ዶላር ይጠይቃሉ። ብዙ ሰዎች ለእነዚህ ሕገ ወጥ የሰዉ አሸጋጋሪ ደላላዎች ለመክፈል ሲሉ ያላቸውን ንብረት ያጣሉ። ከኢጣሊያ ወደ ጀርመን ወይም ስካንዴኔቪያን ሃገራት ለመውሰድ ደግሞ ወደ 500 እና700 ዶለር የሚጠይቁ አሉ።»

የ17 ዓመቱ ሶማሊያዊ አሊ አህመድ 3,000 ዶላር ለሕገ ወጥ ደላሎች እንደከፈለ ይናገራል። ሮዝንሀይም ከተማ ከገባ ገና ሶስት ሳምንቱ ነው።«ብዙ ሰዎች አሉ ገንዘብ ተቀብለው ሰዎችን ወደ አውሮፓ ለማሻገር የሚተባበሩ። ይህ ቀላል ነው። ቀላል ያልሆነው ነገር ግን ባህር ላይ መሞት አለ። እኔ ግን ዕደለኛ ስለነበርኩ ይሄው እዚህ አለሁ።

አሊ ጀርመን መቅረት ዓላማው አልነበረም። ወደ ኖርዌይ በጉዞ ላይ ሳለ ነው በጀርመን ፖሊስ የተያዘው። በኋላም ለመጀመሪያ ጊዜ አሻራ በሰጠበት ጀርመን ጥገኝነት ጠይቆ መኖር ጀምሯል።

Karte Rosenheim Bayern Deutschland

ቀስ እያለ ለሮዝንሀይም የፌደራል ድንበር አስከባሪ ፖሊሶች እኩለ ቀን ሆነ። የጀርመን-ኦስትሪያን ድንበር ተሻግረው ፖሊሶቹ ፤ ከኦስትሪያ በኦይሮሲቲ 88 ፈጣን ባቡር ውስጥ ተሳፈሩ። ከጥቂት ደቂቃዎች በኋላ የጀርመንን ድንበር ባቡሩ አቋረጠ። እነሱም ሥራቸውን ጀመሩ፤ፖሊሶቹ ገና ከኦስትሪያ ሲሳፈሩ በር ላይ አንድ ወጣት ሱዳኒያዊ ቆሟል። ፖሊሶቹ የደንብ ልብስ ባለመልበሳቸው ከጎኑ የቆሙት መንገደኞች ከጥቂት ደቂቃ በኋላ የጉዞ ሰነድ ወይም መታወቂያ እንዲያሳይ ሲጠይቁት ይበልጥ ግራ ለተጋባው አፍሪቃዊ ፤ የጀርመን ፖሊሶች መሆናቸውን በተደጋጋሚ ግልፅ ካደረጉ በኋላ መሣሪያም ሆነ ሌላ የሚጎዳ ነገር ይዞ እንደሁ ፈተሹት፤ ወጣቱ ግን በኪሱ ይዞት ከነበረ ወረቀት በስተቀር በኪሱ ምንም አላገኙም። ተቀያሪ ልብስ እንኳን አፍሪቃዊው አልያዘም። በኪሱ ስለተገኘው ወረቀት ፖሊስ ሮኒ ያስረዳሉ፤«ይህ የኦስትሪያ ፖሊስ ይዞት እንደነበር የሚያሳይ ማስረጃ ነው። ዛሬ ምናልባትም የጣሊያንን ድንበር ተሻግሮ ኦስትሪያ እንደገባ ይዘዉት እንደነበር ያመላክታል። »

ኦስትሪያ ከምትገኘው የኩፍሽታይን ከተማ የጀርመኗ ሮዝንሀይም ከተማ ለመድረስ በፈጣን ባቡር 20 ደቂቃ ይፈጃል። ሁለቱ ፖሊሶች ከዚሁ ባቡሩ ሌላ ተጨማሪ ሱዳናዊ ይዘው ሲወርዱ፤ ከባቡሩ ሙኒክ ከተማ የደረሰ መስሎት የወረደ አንድ ጋምቢያዊ ነኝ ያለ እና ምንም አይነት ማስተጃ ያልያዘ አፍሪቃዊን ጨምሮ፤ ሶስት ስደተኞችን በቁጥጥር ሥር አዋሉ። ፖሊሶቹ ከዚህም በላይ ያለ ሕጋዊ የይለፍ ሰነድ የሚጓዙ ባቡሩ ውስጥ ይኖራሉ በሚል ዕምነት፤ ሙኒክ ለሚገኙት ባልደረቦቻቸው መረጃ አስተላለፉ። ባቡሩ ቀጥሎ የሚቆመው እዛው ነው።ከዚሁ ባቡር ከኢጣሊያ የተሳፈሩ እና ሮዝንሀይም የወረዱ አንዲት ጀርመናዊት፤ ስደተኞቹ ስላሉበት አስከፊ ሁኔታ ጣልቃ ገብተው ይናገሩ ጀመር። «ደቡብ ቲሮል ቦልዛኖ ውስጥ በርካታ ሰዎች ባቡር ጣቢያ ተቀምጠዋል። ባቡሩ በሰው ተሞልቷል። በሙሉ ጥቁሮች ናቸው። እንደሚመስለኝ እየተደበቁ ነው። እንዳው በጣም የሚያሳዝን ነው።»ወ/ሮዋ እንባ ባቀረረ ዐይናቸው ፖሊስ በቁጥጥር ሥር ያዋላቸውን ስደተኞች አልፈው መንገዳቸውን ቀጠሉ።

ልደት አበበ

ሸዋዬ ለገሰ

http://www.dw.de

”አታምጣው ስልው አምጥቶ ቆለለው!” (Abe Tokichaw)

ትላንት ለንደን ነበርኩ። እኔ ካለሁበት ማንችስተር ከተማ ለንደን ለመሄድ ወደ ስምንት መቶ ሰው ጭኖ በሰዓት እስከ ሁለት መቶ ኪሎ ሜትር ድረስ በሚወነጨፈው ቨርጂን ባቡር የፈጀውን ይፍጅ ብዬ ከተሳፈርኩ ሁለት ሰአት ከ ሃያ ደቂቃ ብቻ ነው የሚወስድብኝ።

የፈጀውን ፈጅቶ በሁለት ሰዓት ከሃያ ደቂቃዎች ለንደን አናቷ ላይ ጉብ አልኩ። ወድያው የገጠመኝ ታድያ አናት የሚያዞር ሙግት ነበር። አናት አዟሪው ሙግት፤ ማንም መገመት እንደሚችለው የሀገራችን ፖለቲካ ነበር። በምድር ላይ ከእንክርዳድ ቀጥሎ አናትን እነደበሶ የሚበጠብጥ ጉዳይ ቢኖር የኢትዮጵያ ፖለቲካ ነው። በተለይ የብሄር ነገር ካለበት ከእንክርዳድም አልፎ አጠፋሪስ (እጸ ፋሪስ) እንደገባበት ጠላ ”አብሾ” ሆኖ ቀውስ ሊያደርግ ይዳዳዋል።

ቢሆንም ግን አናት ያዞራል ተብሎ ሳይጠጣ አይዋልምና ከወዳጄ ጋር በኮስታ ካፌ ቁጭ ብለን ፖለቲካችንን መጠጣት ጀመርን።

577634_559213234123423_137929150_n

የለንደኑ ወዳጄ ትንሽ ከተንደረደረ በኋላ የኢትዮጵ ህዝብ ዋና ጠላት ትግሬዎች ናቸው! ሲል ፈረጠም ብሎ ነገረኝ።

በሆዴ (የመድሃኒያለም ቁጣ!) እያልኩ በአንደበቴ ህውሃትን ማለትህ ነው ወይስ ጠቅላላ ትግሬዎች… ስል ጠየኩት። እርሱም፤ ”ህውሃትን ለዚህ ያበቃው የትግራይ ህዝብ ነው። ዛሬ ህውሃት በኢትዮጵያ ህዝብ ላይ የሚፈጽመውን በደል እንዲፈጽም የልብ ልብ ያገኘው ከትግራይ ህዝብ ነው!” አለኝ። ….እንዲህ እንዲህ እያለ በርካታ ማስርጃ የሚላቸውን ነገሮች እየጠቃቀሰ የትግራይ ህዝብ ከሌላ የኢትዮጵያ ህዝብ ተለይቶ እንዴት የበርካታ ጥቅማ ጥቅሞች ባለቤት እንደሆነ፣ ትግራይ ክልል ከሌላው ተለይታ እንዴት እንደበለጸገች እና እንዳማረባት፤ የነ ኦልማ እና አልማ ኪሳራ እንዲሁም የ ትልማ ውጤታማነት፣ የነ ኢፈርትን ትርፋማነት፣ ዲንሾ እና መሰል የሌሎች ክልል ኩባንያዎች ክስረት፣ የወታደሩ ቤት በጅምላው በትግራይ ጀነራሎችን መሞላቱን በሀገሪቱ ውስጥ ያሉ ትልልቅ ሀብቶች እና ትላልቅ ሹመቶች በሙሉ በትግራይ ተወላጆች እጅ መያዛቸውን አጠቃላይ የትግራይ ህዝብ ታላቋን የትግራይ ሪፐብሊክ ለመመስረት እነ መለስ ዜናዊ የነደፉለትን ትልም ይዞ ሌላው ህዝብ ሲነደፍ ዝም ብሎ የሚያይ መሆኑን… በስሜት ተውጦ ነገረኝ። ከነገረኝ በኋላ ”…እነርሱ… ህ…ም!” ብሎ ውሃውን ተጎነጨ።

እኔም በበኩሌ በወዳጄ ውስጥ የሚንቀለቀለው የእልህ ስሜት ምን ያህል ኢትዮጵያውያን ውስጥ ይሆን ያለው… እያልኩ እያንሰላሰልኩ፤ ህዝብ በጅምላው በዳይ በጅምላውም ተጠቃሚ ነው ብሎ መደምደም ደግሞ ደጋግሞ መገምገም ያለበት ሀሳብ መሆኑን፤ በዘመዶቹ አጥፊነት የተነሳ አንድን ህዝብ ለይቶ ”እነርሱ… ህ…ም!” ብሎ ጥርስ መንከስ በቀጣይ ለምናስባት ኢትዮጵያ ከፍተኛ አደጋ መሆኑን፤ እንደ ሁላችን ሁሉ፤ በትግራይ ውስጥ በርካታ የህውሃት ብልግና አስተዳደር ሰለባዎች መኖራቸውን ለአብነት ያህልም እነ አብርሃ ደስታ፣ እነ አስገደ ገብረስላሴ ከነቤተሰባቸው፤ ወይዘሮ አረጋሽ እና ሌሎችም ስማቸውን የማናውቃቸው በርካታ ትግሬዎች የሀውሃት ነገር ”ወይ አነ ግዲ….!” እያሰኛቸው ገሚሱም ከነ ትድሄም ጋር ጠብመንጃ ይዞ፤ ገሚሱም ከነ አረና ጋር በሰላማዊ ትግል ሀውሃትን እና መላው ኢህአዴግን ሉጋም ሊያበጅ ከሌላው ኢትዮጵያዊ እኩል አበሳውን እያየ መሆኑን ተናገርኩ።

ይሄን ሁሉ ብዬ የለንደኑ ወዳጄ ያለኝ ነገር ”አንተ የዋህ ነህ… ልጄ! እንደዚህ እያለን ነው እየታሸን ያለነው” የሚል መልስ ነው።

ይሄ ያልኩት ነገር የዋህነት ከሆነ፤ እንግዲያስ እላለሁ ለዝች ሀገር የወደፊት እጣ ፈንታ የሚያወጣው የዋህ መሆን ነው። ህው ሃትም ሆነ መላው ኢህአዴግ እርስዎ ትግሬ ቢሆኑም ኦሮሞ ቢሆኑም ከተመቹት ይመቻል ከደሉት የደላል። እርስዎ አነስተኛ እና ጥቃቅን ለመሆነ ከተዘጋጁ ኢህአዴግዬ አነስተኛ እና ጥቃቅን ድጎማ ማድረጉ አይቀሬ ነው። ኢህአዴግዬም ሆነች ህውሃት አንቺ ያልሽው ብቻ ትክክል መገን ባንቺ መጀን! ብለው ድቤ ከመቱላት ዱቤ ታበላለች ነጻ ታጠጣለች!

በጥቅሉ ኢህአዴግ ዘመድ የለውም የኢህአዴግ የስጋ ዘመዶች ስጋቸውን የወደዱ ሆዳችን ከራሳችን ይበልጣል ያሉ ናቸው። እንዲህ ብሎም በጅምላ መናገር አይቻልም ይሄኔ አንዳንድ ወገኖች የኢህአዴግዬ የፖለቲካ መስመር ለሀገሪቱ ጥቅም ይበጃል በሚል የዋህነት ከመንግስት የተዛመዱ ሊሆኑም ይችላሉ።

እና፤ በጅምላ መጥመድ እና በጅምላ ማረስ የደቦ እርሻን ያሳምር እንደሆነ እንጂ የሀገር ፖለቲካን አያቀናም! እንላለን!

ብዬ ፖስት ላደርግ ስል በፌስቡክ ገጼ የውስጥ መስመር፤ Robel Alex የተባለ ሰው እንዲህ የሚል መል ዕክት አስቀምጦልኝ አገኘሁ።

Robel Alex
Oct 3rd, 1:44pm
abe zeregna leba feri ensisa neh. mechem mechem mechem ye tigray hizb ayitefam yatefehal enji donkoro. feri fertiteh yekobelelk. tigray will live forever forever forever forever forever

”አታምጣው ስልው አምጥቶ ቆለለው!” ይሉዎታል ይሄ ነው!

በመጨረሻም

እነደ Robel Alex ለሚያስቡ ትግሬዎችም እንደ ለንደኑ ወዳጄ የሚያስቡ ሌሎችም፤ ኢህአዴግ የምታሳየንን አበሳ ስፖንሰር የሚያደርጉ ናቸውና ይፈወሱ ዘንድ አብዝⶬ እጸልያለሁ!

”ማነው ሚለየው ሚደፍረው ይሄ ትውልድ ፍም እሳት ነው!”

ቴዲ አፍሮ…..!

ስንት ብርሃን ወጣ…..ስንት ፅልመት ተሸነፈ ……ስንት ተራራ ተናደ …..ስንት ቁልቁለት ተሞላ ….ስንት አደይ አበባ አብቦ ስንት አደይ አበባ ከሰመ……ስንት ደመራ ተለኩሶ ሰንት እምነት ተፈተነ …..ስንት ስብሰባ ተሰብስበን ተበተንን …..ስንተ መወድስ ለባለስልጣኖቻችን አቀረብን….. ስንት ቅኔ አፈሰስስን …..ስንት መነዋወፅ ሆነ …..ስንት ግሩምሩምታ ተከሰተ …..ስንት ጊዜ ሰማዩ ዳመነ ….ስንት ጊዜ ሰማዩ ደፈረሰ ግፍንም አሳበቀ ….. ስንት ሰው ተራበ….. ስንት ሰው ተጠማ ….. አንድ ሆነን እንደ ሺሕ ተለያየን ….ማሰብ ….ማወቅ ….መረዳት እየቻልን እንደ አላዋቂዎች ስንት ጊዜ እንጠፋለን…… ስንት ጊዜስ ጠፋን…… በዝምታ ተነዳን….. ባለመናገር ተጎተትን…… ወዴት ነው እየሄድን ያለነው…… መዳረሻችን የት ነው…… ምኞታችን ምንድነው…. በየጥጋጥጉ እየተሞጋገስን …… በየመታጠፊያው እየተሞጋገስን…… ስንት ጊዜ ነው የዛልነው….. የደከምነው ……ስም ሳይኖራቸው ስም የሰጠናቸው….. አንቱ የሚያስብል ስራ ሳይኖራቸው አንቱ ያልናቸው….. የማይጠቅም አሸንክታብ ያንጠለጥንላቸው ስንት ጊዜ ነው…… ፍየል ከመድረሷ ቅጠል መበጠሷ እየተባለ የሚዘፈንልን እስከ መቼ ነው….. ሳንማር የምንጠመጥመው እስከመቼ ነው

Teddy4

በዘመናችን…… በኖርንበት የዘመን ስሌት ብዙ ውጣውረዶች ተከስተዋል….. ፍቅር አጥተን የተሰደድንባቸው ……ፍቅርን የፈራንበት….. አንድ መሆንን የጠላንበት…… ብዙ ወቅቶች ተፈራርቀዋል
ብርሃን በብርሃን ላይ ሲወጣ……ተራራ እየተናደ ሲደለደል ……ቁልቁለት ገደሉ ሲሞላ …..አደይ አበባ ከስሞ አደይ አበባ ሲፈነዳ …..አንድ ያይደል ሺሕ ደመራ ቆመን የለኮስን ሕዝቦች ……ነገር ግን ፍቅር የሌለን… መዋደድ የሌለን …. አፍአዊ በሆነ መዋደድ የምንሞጋገስ ስንቶች እንሆን….. እንደ ኢትዮጵያዊ ለማሰብ የማንፈቅድ….. ብሔራችን እንጂ ኢትዮጵያቂነታችን ግድ የማይሰጠን….. ባለፉት ሺሕ ዓመታቶች ውስጥ ያሳለፍነው ስቃይ…… ያሳለፍነው መከራ…… ያሳለፍነው ሰቆቃ ….ያሳለፍነው የጦርነት ታሪክ ምንም ያልመሰለን….. ከብዙ ሺሕ ዓመታት የእርስ በእርስ መናናቅ…… እኔ ከአንተ እሻላለሁ ከሚለው ትምክሕተኛ አስተሳስብ ያልወጣን….. መኖራችን እንጂ መሞታችን የማናስተውል….. መቆማችንን እንጂ መውደቃችን የማንመለከት እኛ….. ታሪክ ማንበብ እንጂ ከታሪክ መማር ያቃተን እኛ……. እሰከ መቼ ነው እንደ ጅብ መንጋ ተጠባብቀን የምንሄደው…… ቴዲ አፍሮ ዘፈን ዘፈነ ተብሎ የኢትዮጵያዊነትን የሞራል እና ልዕልና ገሎ ባንዲራ ላይ ማላገጥ …… ባንዲራ ላይ ያልተገባ ምስል መለጠፍ….. መቼ የመጣ አስተምሕሮ ነው ……ያሳለፍናቸው የታሪክ ዳራዎች ይበቁናል…… ያቃጠልናቸው እና የዘረፍናቸው የታሪክ መዳረሳቻችን ይበቁናል …… ታሪካች እንዲሕ ነው የሚያወራው …..እገሌ የተባለ ንጉስ ተነስቶ በዚሕ አካባቢ ያሉት ቤተክርስቲያኖችና መስጊዶችን አቃጠለ…… እጅ ቆረጠ….. በጦር ተሸነፈ…. ድል አደረገ …..ብረት አንስቶ ታገለ ……ወዘተ….. ሀገርና ሕዝብ ዘለዓለም ይኖራል….. ሌላው በሙሉ ያልፋል….. የማያልፍ ታሪክ ለትውልድ ማስቀረት ግን የሚበጅ ስራ ነው….. በየጥጋጥጉ ፍቅር አጥተን ተሰደናል
ፍቅራችን የት ነው የተሰደደው ……ማንስ ነው ያሳደደው ….. ማንስ ነው ማንነታችንን የሰለበን ……ማን ነው ኢትዮጵያዊነታችንን አሰትቶ አንድ ባንዲራችንን አስጥሎ…..ዘጠኝ ባንዲራ በየክልላችን አቁም እንድንኮራ ያደረገን የቱጋር ነው…… የተሰለብነው የቱ ጋር ነው…..የቱ ጋር የተሸለት ነው….. አረንጓዴ ቢጫ ቀይ የሆነውን ባንዲራ ምዕራብ አፍሪካዊያን የነፃነት ጎሕ መሆኑን ተረድተው ……የድል አርማ መሆኑን አውቀው …..ብዙዎቹ ሀገራት ከኢትዮጵያ የተቀዳ ባንዲራ ለሀገራቸው ሲያቀናጁ….. እኛ እኛነታችንን ንቀናል….. ተሰለብን የቱ ጋ ነው….. የእኛ የሆነው ንቀን ርቀን የተጓዝነ መቼ ነው….. አንድ መሆን ፈርተን የተናናቅነው መቼ ነው …. ችግሩ ምንድን ነው…… አንድ ብንሆን ምንድነው ችግሩ ……ኢትዮጵያዊነት እንጉርጉሮ የሆነብን ለምንድነው
በፊት ልጅ እያለን ….እኔ እና አንቺ….. እኔ እና አንተ …. ስለምንም ነገር ሳናስብ ስለምንም ነገር ሳንጨነቅ ተቃቅፈን ነበር የምንውለው….. ሀገራችን ብለን የምናስባት ያቺ ኳስ የምንጫወትባትን ትኝሿን ሜዳ….. ሻይ የምንጠጣበትብ ሻይ ቤት…… የምንማርባትን ትምሕርት ቤት….. ከሁሉ በላይ ደግሞ ሀገር ብለን የምናስባት ብሔራዊ መዝሙር ሲዘመር ሽቅብ ለመስቀል የምንሽቀዳደመው ባንዲራዋን ነበር …….ዛሬ ግን እያደግን ስንመጣ(በአካል መጠን ነው ግን ያላደገው አዕምሮአችን የሆነ ቦታ ማሰብ ማሰላሰሉን አቁሟል ስታክ አድርጓል)….. እየጎለመስን ስንመጣ…… የተቃፍንባቸውን እጆች ለመፈራረጅ ሰነዘርነው….. አንዳችን በአንዳችን ላይ የቂም ቋጠሮ ለመያዛችን አመላከትንበት…… በፍቅር ትናጋችችን እስኪነቃ የሰቀልናት ባንዲራ ላይ ዘበትንባት አሾፍንባት……. ይሕ የሆነው ምሁራን ናቸው ብለን ማዕረግ ባሸከምናቸው…… ዶክተሮች….. ኢንጅነሮች…. የፖለቲካ አቀኝቃኞች ነው…… ባለመዕረግተኞቹ የራሳቸው ባንዲራ ብቻ ይዘው ሸለሉ….. ፎከሩ ………ግን ለምን
በቅርቡ ቴዲ አፍሮ በሆላንድ ሀገር የዘፈናትን የዘፈን ግጥም በመቃወም ብዙዎች አቀንቃኙን ሰደቡት ……የኢትዮጵያን ባንዲራ እስኪበቃቸው ድረስ አበሻቅጠው ጣሉት …..ባንዲራው ላይ አግባብ ያልሆነ ነገር አሳዩ…… ይሕ ያሳዝናል….. ባንዲራችን አረንጓዴ ቢጫ ቀዩ ማለት ከደማችን ጋር የተዋሃደ….. በልባችን የሠረፀ ….ብሔራዊ ኩራታችን…. የነፃነት አርማችን ነው…… እናም ባንዲራችንን ባንዲራዬን መቼ ቢሆን አፈቅራታለሁ…… የሚገርም ሀገር ውስጥ ነው ያለነው…… ያደለው አንድ ስለመሆን ያስባል….. ስለመፋቀር….. …..ስለማደግ…… ስለመበልፀግ ያስባል ….. ያላደለው ደግሞ የኋሊት ይዳክራል …… ከወንዝ ወዲያ ማዶ ያሉ ወፍ ዘራሽ ምሁራን ሲፎክሩ ….. እኛ ሀገር ውስጥ ያለን በእነሱ ሀሳብ እየተመራን እንሰክራለን….. እባካችሁ ያሳለፍነው የችግር ታሪክ ይበቃናል ደሞ ሌላ ችግር አንጥራ እንዋደድ እንድ እንሁን ….ቴዲ አፍሮን እና ሀገርን ለያይተን እንመልከት ….ቴዲ ለዘፈነው ዘፈን መልስ መስጠት እንኳን ቢያስፈልግ በአግባብና በስርዓት መሆን አለበት እንጂ የሀገር ባንዲራ ላይ አይለገጥም አይሾፍም ….እናስተውል

ፀገየ ኃይለሚካኤል

ማህበራዊ ግንኙነቶቻችንን እናጠንክር /Birhanu Baue/

ኢትዮጵያ ሀገራችን የጥንታዊ ገናና ስልጣኔና ሳያቋርጥ በተከታታይ የዘለቀ የብዙ አመታት የነጻ መንግስት ባለቤት መሆኗ  በወዳጅም ሆነ በጠላትም በኩል ግልጽ የሆነ ሀቅ ነው:: ኢትዮጵያ በረጅም ዘመን ታሪክ የግዛት መስፋፋትና ጥበት የሀይል ብርታትና ድክመት አንጻራዊ የ ስልጣኔ ምጥቀትና ዝግመት የተፈራረቀባት ሀገር ብትሆንም በአለም ታሪክ መቼውንም ጊዜ  ቢሆን የነጻ ህዝብና የጥቁር ህዝብ የነጻነት ፋና ሆና የኖረች ሀገር ናት:: ይህም ታሪክ የኢትዮጵያ ልዩ መገለጫ አንጸባራቂ የማንነታችን ምንጭና የእኛነታችን መስታወት ነው::

ኢትዮጵያ የአንድ ማህበረሰብ ወይም ባህል መገለጫ ሳይሆን በኢትዮጵያ ምድር ለሚኖሩ ብሄረሰቦች ሁሉ ከብዝህነታቸው በላይ አብሮነታቸው ውህደታቸው ገላጭና ክብርና ሞገሳቸው ከመሆኑም በላይ የአንድነታችንና የቃል ኪዳን ማህደራችን ነበር:: ግን አንባገነን መንግስት ይሄንን ማህበራዊ አንድነታችንን ንዶ እርስ በእርስ እንዳንተማመን አድርጎን ይኅው በባእድ ሃገር እርስ በርሳችን እየተፈራራን የእነሱን ስልታን ዘመን ከመቼውም ጊዜ በበለጠ እያራዘምንላቸው እንገኛለን::

በኢትዮጵያ የሚገኙ ብሄረሰቦች የተመሰረቱት በተራዘመ ሂደት ውስጥ በተከሰቱ የህዝብ ፍልሰቶች ንግድና ጦርነቶች በፈጠሩት ግንኙነት እና መስተጋብር ባስከተሉት የባህል መወራረስና የብሄረሰቦች ጋብቻና ተዋልዶ ነው::   ኢትዮጵያ የረጅም ታሪክ ባለቤት ናት ስንል የሚያመለክተው ቁም ነገር ታሪክ የብሄረሰብ ውህደት ድምር ውጤት መሆኑን መገንዘብ አለብን:: ህዝቦች የሚመሰረቱት በአስገዳጅ ሀይል ሳይሆን በጊዜ ሂደትና በህዝቦች ባህላዊና ማህበራዊ ፍላጎት የመነጨ ሲሆን ነው::  ኢሃዴግ እንደሚለው ታሪካችን 100 አመት ነው እንደሚለው አደለም:: አንባገነኖች ሁሌም ቢሆን ታሪክን ማፍረስና አዲስ ትውልድ ፈጥረው ለእነሱ በሚመቻቸው መንገድ መግዛት ስለሚፈለጉ ነው:: ስለዚህ ኢሃዴግ የጀመረውን አፍራሽ ተግባር በምንችለው መንገድ እየገለጽን ከእነዚህ አረመኔዎች እጅ ፈልቅቀን ለአዲሱ ትውልድ ማህበራዊ ኢኮኖሚያዊ አንድነቷ ሳይሸራረፍ የተጠበቀች ሀገር ገንብተን ማስተላለፍ አለብን::

ስለዚህ ባጠቃላይ ወያኔ ከሚያራምደው የጎሳ ፖለቲካ ሙጥኝ ብሎ ከያዘው የግትርነት አቋሙና አሁን በሃገርችን በሁሉም በኩል እየ ተወሳሰቡ ላሉ ችግሮች ተጠያቂው ገዢው መንግስት ነው:: ኢሃዴግ ለሃገራችን ችግሮች መፍትሄ ያመጣል ተብሎ አይገመትም:: በተቃራኒው ሃገርንና ህዝብን ለባእዳን ሃገር አሳልፎ ሲሰጥና ሲሸጥ የህዝብን ድምጽ በአደባባይ ሲሰርቅ ህዝቦችን ሲያስርና ሲገድለል አገ ር ሲሸጥና ሲገነጥል የምናየው ሃቅ ነው:: ስለሆነም በሀገራችን ላይ የተጣለውን የጥፋት ደመና ለመግፈፍ የተጀመረውን የውድቀት ጉዞ ለመግታት ምትክ የማይገኝለት የህዝብ ትግል በማደራጀት በማስተባበርና በመምራት ግንባር ቀደም ሚና የሚጫወት የተሻለና ያለፉት ስህተቶቻችንን ሁሉ አርመን አንድነታችንን ማህበራዊ ግንኙነቶቻችንን የሚያጠናክርልን ስብስብ ስንፈጥር ብቻ ነው:: የነጻዋን ኢትዮጵያ መሰረቷን እንዲቀጥል ማድረግ የሁላችንም ሃላፊነት ነው::

Birhanu Baue

Germany