Archive | November 2014

ተቃዋሚ ፓርቲዎችና የከንቲባው ቢሮ በነገው የተቃውሞ ስብሰባ እየተወነጃጀሉ ነው

የመስተዳድሩ ከንቲባ ጽ/ቤት ሠማያዊ ፓርቲን በጥብቅ አስጠንቅቋል

/አዲስ አድማስ/ ዘጠኝ የ9 ተቃዋሚ የፖለቲካ ፓርቲዎች ነገ እሁድ የአደባባይ ህዝባዊ ስብሰባ ለማካሄድ የእውቅና ጥያቄውን የሚቀበል የመንግስት አካል ቢያጣም ስብሰባውን ከማከናወን ወደኋላ እንደማይል አስታውቋል፡፡ የከንቲባ ፅ/ቤቱ ቀደም ሲል ህዳር 7 ሊካሄድ የነበረውን የአደባባይ ስብሰባ ተከትሎ ለሰማያዊ ፓርቲ ጥብቅ ማስጠንቀቂያ ሠጥቷል፡፡
ነገ እሁድ ህዳር 21 ቀን የአደባባይ ስብሰባ ለማካሄድ በመኢዴፓ በኩል የእውቅና መጠየቂያ ደብዳቤው ለአዲስ አበባ መስተዳድር የከንቲባ ለመስጠት በተደጋጋሚ ሞክረው አለመሣካቱን ገልፀዋል፡፡ የከንቲባ ፅ/ቤት ኃላፊ አቶ አሰግድ ጌታቸው ደብዳቤውን ሊቀበሉን ፍቃደኛ አልሆኑም ያሉት የተቃዋሚ አመራሮች “ቢሮ ውስጥ ደብዳቤውን ስናስቀምጥ ‹ወንጀል ነው› በማለት ሃላፊው ሊያስፈራሩን ሞክረዋል” ብለዋል፡፡
ደብዳቤውን ህዳር 12 ቀን በኢትዮጵያ ፖስታ ድርጅት የፈጣን መልዕክት (ኢ.ኤም.ኤስ) አገልግሎት ልኮናል ብለዋል አመራሮች ነገር ግን አንድም የመስተዳድሩ አካል ደብዳቤውን ለመቀበል ፍቃደኛ እንዳልሆነ ከፖስታ አገልግሎቱ እንደተገለፀላቸው የትብብሩ አመራሮች ሰሞኑን በሠማያዊ ፓርቲ ጽ/ቤት ለጋዜጠኞች በሰጡት ጋዜጣዊ መግለጫ አስታውቀዋል፡፡
በነገው እለት ሊያካሂድ ያቀደውን የአደባባይ ስብሰባ ትብብሩ እንደማይሠርዝ የገለፁት ሊቀመንበሩ ኢ/ር ይልቃል ጌትነት ደብዳቤውን በድጋሚ ወደ ከንቲባ ጽ/ቤት በአካል ይዘው እንደሚሄዱና የማይቀበሏቸው ከሆነም በሩ ላይ እንደሚለጥፉ ገልፀዋል፡፡ የአንድ ወር ጊዜ ተይዞለት በትብብሩ የተጀመረው የአደባባይ ስብሰባ ዘመቻ “ነፃነት ለፍትሃዊ ምርጫ” በሚል መርህ ከምርጫ በፊት “ስለ ፖለቲካ ምህዳሩ” እና ብሔራዊ መግባባት እንዲሁም ምርጫው ነፃ ፍትሃዊ፣ አሣታፊ፣ ተአማኒ መሆን በሚችልበት ጉዳይ ላይ ለመነጋገር በማሰብ የተጀመረ መሆኑን አመራሮቹ ተናግረዋል፡፡ ቀደም ሲል በሠማያዊ ፓርቲ አስተባባሪነት ህዳር 7 ቀን 2007 ዓ.ም በተመሳሳይ “የትብብሩ አባል በሆነው ነፃነት ለፍትሃዊ ምርጫ” በሚል መርህ የአደባባይ ህዝባዊ ስብሰባ ተጠርቶ የነበረ ሲሆን ስብሰባው ጥቂት ሠዎች በተገኙበት ከተጀመረ በኋላ በፖሊስ መበተኑ ይታወሳል፡፡ ይህን ተከትሎም ስብሰባውን ሲያስተባብሩ ነበር የተባሉ የሰማያዊ ፓርቲ አመራር አባላት በፖሊስ ቁጥጥር ስር ውለው ፍ/ቤት ቀርበው ምርመራ እየተጣራባቸው ነው መባሉ ተጠቁሟል፡፡
በአዲስ አበባ ከተማ አስተዳደር የከንቲባ ጽ/ቤት በቀን 11/03/07 በቁጥር አ.አ/ከፅ/03/304/43 በሠማያዊ ፓርቲ “የተደረገውን ህገወጥ ተግባር በማስመልከት የተሰጠ ማስጠንቀቂያ” በሚል በተፃፈ ደብዳቤ ፓርቲው ምንም አይነት የአደባባይ ስብሰባ እውቅና እንዳላገኘ እያወቀ ህዳር 6 ቀን 2007 ዓ.ም የቅስቀሳ በራሪ ወረቀት በመበተንና ህገ – ወጥ የአደባባይ ስብሰባ ለማድረግ ከፀጥታ ሃይሎች ጋር አላስፈላጊ ግብግብ በመፍጠርና ጩኸት በማሰማት የአካባቢውን ህብረተሰብ ፀጥታና ሠላም የማወክ ተግባር ተከናውኗል ብሏል፡፡ ድርጊቱም ፓርቲው ህግን ተከትሎ ከመንቀሳቀስ ይልቅ በህገወጥ መንገድ እየተንቀሳቀሰ ያለ መሆኑን እንደሚያሳይ በደብዳቤው የጠቆመው ጽ/ቤቱ፤ በቀጣይ ፓርቲው ህግን አክብሮ የማይንቀሳቀስ ከሆነ ድርጊቱ ፀረ – ህገመንግስት ስለሆነና የከተማዋን ህዝብ ሠላምና ደህንነት ለማስጠበቅ ሲባል ከሚመለከታቸው አካላት ጋር በመሆን አስፈላጊውን እርምጃ እንደሚወስድ በጥብቅ አስጠንቅቋል፡፡  “የእውቅና ስጡን ጥያቄያችንን የሚቀበለን አካል አጣን” የሚለውን የተቃዋሚዎቹን አቤቱታ በተመለከተ ጉዳዩ ይመለከታቸዋል የተባሉትን የስራ ኃላፊ በስልክ አግኝተን ለማነጋገር ያደረግነው ሙከራ ስብሰባ ላይ ናቸው በመባላችን ሊሳካልን አልቻለም፡፡

ስለደፈራ፤ ደፈር ብለን ስናወራ (በእውቀቱ ስዩም)

ኣስገደዶ መድፈር በእንስሳት በኣሶች እንዲሁም በነፍሳት ኣለም ውስጥም ይስተዋላል፡፡ይልቁንም ለሰው እሩብ ጉዳይ በሆኑ ዝንጀሮዎች ዘንድ የተለመደ ነው፡፡ተፈጥሮ በደፋሪነት ያጨቻቸው ባብዛኛው ወንዶችን ቢሆንም ሞገደኛ እንስቶችም ኣልጠፉም፡፡ለምሳሌ ወንዱ ንብ ከሴቷ ጋር ሲሳረር ሴቲቱ በዚያ ነገር ቆልፋ ትይዝበታለች፡፡በጦዘ ስሜት ውስጥ ሆና ኣልመዝምዛ ትቆርጥበታለች፡፡ወይም በጅንኖች ኣባቶቻችን ኣነጋገር ትሰልበዋለች፡፡ኮርማው ንብ በጀንደረባነት የመቀጠል እድል የለውም፡፡ በደረሰበት ጥቃት ያልጋ ቁራኛ ማለቴ የቀፎ ቁራኛ ሆኖ ይሞታል፡፡ሰራተኛ ንቦች ኣስከሬኑን ከቀፎው ጠርገው ወደ ውጭ ይጥሉታል፡፡

ኣብሬሽ ኣድሬ ሲነጋ ልሙት
ላፈር ኣይደለም ወይ የተፈጠርኩት
የሚለው የሙሉቀን መለሰ ዘፈን የኮርማ ንቦችን ህይወት በደንብ ይገልጣል፡፡

ኣስገደዶ መድፈር ባገራችን ትልቅ ጣጣ ሆኖ ይቆያል፡፡ምክንያቱም ወደ ጣጣው የሚያደርሱ ብዙ መንገዶች ኣሉ፡፡
ሲጀምር መናጢ ደሃ ነን። ሀብትና ስልጣኔ ባላቸው ሃገሮች የሴት ልጅን ዳሌ ላመል ያክል ነካ ካደረግህ ኣዳርህ ዘብጥያ ነው፡፡ኣገራችን ኢትዮጵያ ግን ቺስታ ናት ፡፡ያንድን ልጃገረድ መቀመጫ የሚጠብቅ የፖሊስ ግብረሃይል ማሰማራት የሚያስችል ሃቅም የላትም፡፡ሃቅም እንኳ ቢኖራት ባህሉ የላትም፡፡ የቤተመንግስቱን በር እንጂ ያንድን ሴት ገላ መጠበቅን እንደ ብሄራዊ ግዴታ የሚቆጥር ፖሊስ የለም፡፡
ባገራችን በዋናነት የሃብት ምንጭ ጉልበትና ህገወጥነት ነው፡፡ይባስ ብሎ፡ ባገሪቱ ውስጥ ያለው ሀብት ባብዛኛው በገልቱ ወንዶች እጅ ነው፡፡እኒህ ዲታ ወንዶች ድሃ ሴቶች ላይ ያሻቸውን ለማድረግ ኣቅም ኣላቸው፡፡ከሳሾችን ጸጥ የማሰኘት ጉልበት ኣላቸው፡፡የሀና ገዳዮች የተጋለጡት ወንጀላቸውን የሚሸሽጉበት ሃቅም ስለሌላቸው እንጅ እመቤት ፍትህ ፈጥኖ ደራሽ ስለሆነች ኣይደለም፡፡ተጠቅተው ያለ ኣለኝታ የቀሩትን ምኝታ ቤት ይቁጠራቸው፡፡
ሲቀጥል፤የትምርት ስርኣታችን ወንድ ኣንግስ ነው፡፡ሴት ልጅ የራሷ ነጻ ፍቃድ ያላት ፍጡር መሆኗን እያስረዳ የሚያንጽ የትምርት ስርአት የለንም፡፡ውጤቱ በእለት ተእለት ኣስተሳሰባችን ውስጥ ይታያል፡፡ብዙዎቻችን ሴቶችን” ሚስት እናት ገረድ” ከተባሉት መደቦች ባሻገር አናስባቸውም፡፡ኣዲስ ኣበባ ውስጥ ሴቶች ለሚይዟቸው መኪናዎች የሚሰጡ ስሞችን ኣስታውስ፡፡ኣንዷ መኪና” በእምሴ” ትባላለች፡፡ሴት በላቧ፤ጥራ ቆጥባ እቁብ ጥላ መኪና ልትገዛ ኣትችልም ከሚል ኣስተሳሰብ የመነጨ ስያሜን ነው፡፡
ኣንድ እውንተኛ ታሪክ እዚህ ላይ ላንሳ፡፡

ባገራችን መሚገኙ ከተሞች ባንዱ ውስጥ(ካርበኞች ጋር ኣላስፈላጊ ሙግት ውስጥ ላለመግባት የቦታውን ስም ዘልየዋለሁ)ኣንዲት ልጃገረድ በሰባት ጎረምሶች በፈረቃ ተደፈረች፡፡ይግረማችሁና ተኣምር በሚያሰኝ መንገድ ተረፈች፡፡ከህመሟ ኣገግማ መንቀሳቀስ ስትጀምር ግን ነዋሪዉ ኣለኝታነቱን ነፈጋት፡ኣንድ ቀን ከተማሪ ቤት ስትመለስ” ሰባት ጎራሽ” የሚል ስም ተወረወረባት፡፡ኣዲሱ ስሟ ከደፋሪዎች ይልቅ ተደፋሪዋን ባለጌ ኣድርጎ የሚያሳይ ነበር፡፡ቀስ በቀስ” ሰባት ጎራሽ” የሚለው ስም እንደ ተስቦ ተዛመተ፡፡ልጂቱ የሰባቱን ወንዶች ደፈራ መቋቋም ችላ ነበር፡፡ህብረተሰብ ተረባርቦ ሲደፍራት ግን ብርክ ያዛት፡፡ከእለታት ባንዱቀን ኣገር ለቅቃ ተሰደደች፡፡

አስገድዶ መድፈር ዋና መንስኤ የብልግና ፊልሞች መስፋፋት መሆኑን ገልጸው በፊልሞች ስርጭት ላይ ቁጥጥር እንዲደረግ የሚሰብኩ ኣሉ፡፡ይህን ምክር መቀበል አለመቀበል ስለሰው ተፈጥሮ ባለን አመለካከት ላይ የተመሰረተ ይመስለኛል፡፡ ሲመስለኝ፤ሰው ምናብ የሚባል ነገር ይዞ ከተፈጠረ ጊዜ ጀምሮ የብልግና ስእል ይፈጥራል፡፡የሆሊውድ ጠረን ከማይደርስበት እልም ያለ ገጠር ውስጥ ልጆች እንካስላንትያ ሲጫወቱ የሚያወጡት ብልግና እግዚኦ የሚያሰኝ ነው፡፡እኔና ኣብሮ ኣደጎቼ በልጅነታችን ሁለት ብልት ስላለው የቆሎ ተማሪ የሰማነው ተረት ከ ፕሌይ ቦይ መጽሄት የተቀዳ ኣልነበረም፡፡
በጥንታዊ የውትድርና ስርኣት ውስጥ ከመደበኛው ወታደር የተለየ፡ ሳይታዘዝ የሚዘምት የሰራዊት ዘርፍ ነበር፡፡ፋኖ ይባላል፡፡ዲሲፒሊን የማያውቅ ሀላፊነት የማይሰማው ከየት መጀመርና የት ላይ ማቆም እንዳለበት የማያውቅ ስድ ነው፡፡የሰው ኣእምሮም እንዲሁ ፋኖ ሀሳብ ያዘምታል፡፡ፋንታሲ ይሉታል ሳይኮሊጂስቶች፡፡ የብልግና ፊልሞችን ድርሰቶች የፋኖ ሀሳባችን ነጸብራቅ ናቸው፡፡ወደድንም ጠላንም ሰው የሚባለው ጣጠኛ ፍጡር እስካለ ድረስ ይኖራሉ፡፡ስለዚህ ሰዎች የሚያስቡትን ሁሉ ለማደረግ እንዳይሞክሩ ማሰልጠን እንጂ ሀሳባቸውን እንድያስወግዱ ማድረግ የሚቻል ኣይመስለኝም፡፡
ባንድ ወቅት በኣምስተርዳም ከማስረሻ ማሞ ጋር ስዞር የሰው ሰራሽ- ብልት መሸጫ ሱቅ ተመለከትሁ፡፡የመጀመርያው ስሜቴ ጉደኛው እግሬ ምን ኣይነት ቅሌታም ኣገር ላይ ጣለኝ የሚል ነበር፡፡ እየቆየሁ ሳስበው ሃሳቤን ለወጥሁ፡፡ባንድ ኣገር ውስጥ ያሉ ሰዎች ሁሉ በተፈጥሮ የሩካቤ ስሜት ኣላቸው፡፡ግን ሁሉም ወንድ ሴት የመጥበስ እድል የለውም፡፡ሁሏም ሴት በወንድ ደረት ላይ የመተኛት እድል ላይገጥማት ይችላል፡፡ዋናው እስኪገኝ ድረስ ባምሳሉ ከማዝገም ውጭ ምን ኣማራጭ ኣለ፡፡የተጠሙ ሰዎች እምቢባዮችን ኣስገደደው ለመርካት እንዳይነሳሱ ማገጃ ዘዴ ይሆን?

ባገራችን ብቸኛው የስነምግባር ምንጭ ሃይማኖት ነው፡፡የእምነትን በጎ ገጽ ግለሰቦችን ለመግራት ኣስፈላጊ ነው፡፡ያም ሆኖ ለእምነት ሃይሎች ያለን የተጋነነ ኣመኔታ የማታ የማታ ዋጋ የሚያስከፍለን ይመስለኛል፡፡ለምን? ምክንያቱ ግልጥ ነው፡፡የሃይማኖት ኣባቶች የመኖራቸውን ያክል የሃይማኖት እበቶችም በየቦታው ኣሉ፡፡
በዚህ ጉዳይ ኣንድ ሁለት ተምሳሌቶችን ጠቅሼ ዞር ልበል፡፡

የመከራ ቀንበሩን ያቅልለትና ተመስገን ደሳለኝ ከእስር ቆይታዎቹ ባንዱ ከሁለት ሽሜ እስረኞች ጋር ተገጣጥሞ ነበር፣ የመጀመርያው ስድስት ኣመት ህጻን የደፈሩ ሼህ ሲሆኑ፡ ሁለተኛው ብልታቸውን ማር በመቀባት ህጻናትን ሲያጠቡ የተገኙ መርጌታ ናቸው፡፡የመርጌታን ስልት የፈረንሳዩ ወፈፌ ማርኬስ ደ ሳድ እንኳ የደረሰበት አልመሰለኝም፡፡
ኣዲስ ጉዳይ መጽሄት ባንድ ወቅት በወንጀል ኣምዱ ኣንድ ታሪክ ኣስነብቦ ነበር፡፡ታሪኩን ኣሳጥሬ ስተርከው የሚከተለውን ይመስላል፡፡ሰውየው ፓሰተር ነኝ ብሎ ካንድ ቤተሰብ ጋር ይተዋወቃል፡፡ጥቂት ሳይቆይ ከመላው ቤተሰብ መካከል ልጃገረዶቹን መርጦ ጸለየላቸው፡፡ ከዚያም ሶፍት ዌር ይመስል እጄን ካልጫንኩባችሁ ኣላቸው፡፡ከጥቂት ጊዜ በሁዋላ የሰራ ኣከላቱን ጫነባቸው፡፡ፖሊስ ጫኝና ኣውራጁን ፓስተር በቁጥጥር ስር ባዋለበት ወቅት ከተደፈሩት ሴቶች መካከል ኣንዷ ራሷን ሰቅላ ነበር፡፡

በመጨረሻም
በየትኛውም ማህበረሰብ ውስጥ ምክር የማያለዝባቸው፣ ትምርት የማይቀይራቸው ጉዶች ይኖራሉ፡፡የተሻለው መንገድ ልጆቻችንን የኒህ ጉዶች ሙርጥ የማይደርስበት ቦታ ላይ መቀመጣቸውን ማረጋገጥ ነው፡፡ወላጅ የማያንቀላፋ የልጆቹ እረኛ መሆን ግዴታው ነው፡፡

ሀና ላላንጎ የተደፈረችው ሺሻ ቤትውስጥ ነው!

ይህንን መረጃ ያገኘሁት ጦርሀይሎች ሙሉ ወንጌል ከሚገኘው የታክሲ ተራ አስከባሪዎች ነው፡፡ከታሰሩት አንዳንዶቹ የእነዚሁ መረጃ ሰጪዎችም ጓደኞች ናቸው፡፡እነዚህ ሰዎች የነገሩን ምንነት ከፖሊስም በላይ የሚያውቁ ናቸው ቢባል ሀሰት አይሆንም፡፡የነገሩኝን ነገር እንደሚከተለው አቅርቤዋለሁ፡፡በ21/1/07 ዓም ምህረት ሀና በሴት ጓደኛዋ ምክንያት ያለ ወትሮ በምሳ ሰአት ወደ ቤት እንሂድ ብለው ያመራሉ፡፡ ይህ ሀሳብ የተፈጠረው በጓደኛዪቱ ሲሆን ቀድማ በሀና ጉዳይ ከአንድ ሹፍሬ ጋር ተስማምታ ነበር፡፡ ምሳ ይዛ ስለማትመጣ ምሳ እንብላ ብያት ይዣት እመጣለሁ ያኔ ትቀላጠፋለህ በሚል፡፡ ሀና እንደተባለው ወጥመድ ውስጥ ገባችና ጓኛዋ አዘጋጅታቸው በነበሩ ሰዎች መስመር ውስጥ ገባች፡፡ አብረው ወደ ጦር ሀይሎች ጉዞ ተጀመረ፡፡ ሀና፣ ጓደኛዋ፣ ሹፌርና አንድ ረዳት፡፡ሀና ከመውረጃዋ ራቅ ብላ መሄዷ በክፉ አልጠረጠርችውም ፣ ብታቅማማም በጓደኛዋ ግፊት ግን ቶሎ እንመለሳለን ዛሬ ስለደበረን ሻይቡና ብለን ልክ በሰአታችን ወደ ቤት እንሄዳለን ብላ ካግባባቻት በኋላ ጉዞው ቀጠለ፡፡ ችግር የለም ልክ በሰአቱ እኛ እናመጣቿለን፣ ሰፈራችሁ ድረስ እናደርሳቿለን ተብለው ተነገሩ፡፡ የጉዞ መጨረሻ ሙሉ ወንጌል ታክሲ ታራ ነበር፡፡ እዛው ያ እነ ሀና ይዞ የመጣው ታክሲ ለሌላ ሹፌር ተሰጠና እነ ሀና ይዘዋቸው ከመጡት ሰዎች ጋር ከጋና ኤምባሲ ወረድ ብሎ ወደ ሚገኝ ቤት ሆነ፡፡ ተገባ፡፡ውስጥ ሌሎች ወንድችም ነበሩ፡፡ጫት ና ሺሻ እንደ ጉድ የሚደራበት ቤት ነው፡፡የሀና ጓደኛ ከዚህ በፊትም ልማድ አላት ብሎኛል ይህንን ያስረዳኝ ሰው፡፡ ሀና ግን የመጀመሪያዋና ትንሽ እዚህ እንቆይና እንመለሳለን ተብላ ሻይ ተፈልቶላት እዛው ..አትፍሪ ተጫወቺ እየተባለች ቆይታለች፡፡

ጪሱ ጪሳጪሱ የማራት አይመስለም፡፡ ሀና እየቆየች እየደከማት፣ እንቅልፍ እንቅልፍ እያላት ሄደ ከዛም ውስጥ ወደሚገኝ መተኛ ቤት አስገቧት፡፡ ይዟትም የገባው መጀመሪያ ሹፌሩ ነው ፡፡ ሀና ሰውነቷ ሞላ ያለ በሺሻ ቤት አንደበት ያልተበላችና ያረገበች ልጅ ነው የምትባለው፡፡ ከሹፌሩ በኋላም ሌሎች ተከታትለው ገብተው ድርሻቸውን ወስደዋል፡፡የሀና ጓደኛም እዛው ሌላ ክፍል ከሌሎች ወንዶች ጋር ነበረች፡፡ ያ አሺሺ ያነወዘው ስሜት ሀናን ስቃይ ውስጥ ከቷታል፡፡ በዚህ አይነት ጊዜው እየገፋ ሳለ ተማሪዎች የሚለቀቁበት ሰአት ደረሰ፡፡ሀና መንቃት አልቻለችም፡፡እንደ ሌሎቹ ብድግ ብላ እራሻን ጠራርጋ የምትዘጋጅበት ሁኔታ አልነበረም፡፡ቢባል ቢባል አልተቻለም፡፡ ታክሲ መጣ ፡፡ ቢያንስ ታነክሳለች ተብሎ ነበር የተጠበቀው እሷግን ካለችበት መነሳትም አልቻለችም፡፡ እንዲህ ሆና እንዴት ነው የምንወስዳት ተባለው እዛው ውይይት ተጀመረ፡፡ ጓደኛዋ የሆነ መላ ፈጥራ ሀኪም ቤት እንድትወስዳት ሀሳብ ተነሳ፡፡አይሆንም ለብቻዬ እፈራለሁ አለች፡፡ በቃ እስከማታ ልትነቃ ትችላለች እስከዛ አንዳችን ቤት ትረፍ ተባለ፣ ሹፌሩ ባለትዳር ስለሆነ ወደእሱ ቤት አይታሰብም፡፡ ሌላኛው እኔ ዘንድ ትሂድና ትረፍ ብሎ ተቀበለ፡፡ ሀናን ተሸክመው ጫኗት፡፡ የሀና ጓደኛም ምንም እንደማያውቅ ምንም እንደሌለ መስላ ወደ ቤቷ ሄደች፡፡ ከወላጅ ተደውሎ ተጠየቀች አላውቀው አለች፡፡ ከልጆቹ ተደውሎ እስካሁን እንዳልተሸላትና እዛው እንደምታድር ተነገራት፡፡

እንደዚህ የሆነችው ለነገሩ አዲስ ስለሆነች ነው በደንብ ከተደረገች ይሻላታል ተብሎ ማታም በቁስሏ ላይ ቁስል ተጨመረባት፡፡አደረችበት፡፡ ቤተሰብ እስከ ትምህርት ቤት ሄዶ ነገሩን ለማጣራት ተሞከረ፡፡ መልስ አልተገኘም፡፡ ጓደኛ ተጠየቀች፡፡ መልስ የለም፡፡ ሌሎች የክፍል ልጆች ግን አብረው እንደነበሩና አብረው ሲሄዱ እንዳያቿው ተናገሩ፡፡ የክፍል ሀላፊው በፖሊስ ተያዘ፡፡ በጓደኛዋም ላይ ክትትል ቀጠለ፡፡ እስከዛ ጊዜ ድረስ ግን ጓደኛ የተባለችው ልጅ ለሀና የምትቀይረው ልብስ እንደወሰደችላት፣ እየተመላለሰችም ትጠይቃት እንደነበረ ታውቋል፡፡ ይህንን ሁሉ ለወላጅ ባትናገርም፡፡ በአምስተኛ ቀን ፖሊስ አጨናንቆ ሲጠይቃት የሆኑ ልጆች በስልክ እየደወሉ እሷን እንደሚያስፈራሯትና ታክሲ ተራ አካባቢ የሚከታተሏት እንዳሉ አድርጋ ተናገረች፡፡ስልክ ቁጥሩንም ለፖሊስ ሰጠች፡፡ እስከ አምስተኛው ቀን ያለው በዚህ አለቀ፡፡

ከዛ በኋለ ፖሊስ የስልክ ቁጥሩን ባለቤት ሲያፈላልግ ጥቆማ ደረሰው፡፡እነዛ ጠቋሚዎች እራሳቸው ሀና ላይ ሲከመሩ ከነበሩ ታክሲ አስከባሪዎች መካከል ናቸው፡፡ ታክሲ ተራ ወንጀል መደባበቅና ከፖሊስ ጋርም መሞዳሞድ ያለ ነው፡፡ ስልክ ቁጥሩ የታወቀበት መረጃ ደረሰውና ከአካባቢው ተሰወረ፡፡ ለፖሊሶች አዲስ ሀሳብም መጣ በቃ ልጅቷን ይለቋታል እናንተ ወላጆቹን አሳምኑልን የሚል ነገር፡፡ ፖሊስም ነገሩን ጠለፋ አድርጎ ስለወሰደውም ጭምር ነገሩ በሰላማ የሚፈታ ከሆነ ብሎ ለተከታታይ አምስ ቀናት ወላጆችን የማጽናናትና እየደረስንበት ነው ታገሱ እያሉ ቆይ፡፡ ሌላ አምስት ቀንም ቢጨመርበት የሀና ቁስል እያመረቀዘ ሄደ፣እራሷን መቆጣጠር ሳትችል ቀረች፡፡ፖሊስ ቀነ ገደብ ሰጣቸው ለአፋኞቹ፡፡ በቶሎ ካለቀቃችሁ እርምጃ እንወስዳለን የሚል፡፡ በመጨረሻ በ11ኛው ቀን ሙሉ ወንጌል ቤተክርስቲያን አካባቢ በታክሲ አምጥተው ጣሏት፡፡የሐና ጓደኛጨምሮ ሌሎች ሁለት ወንጀለኞች በዛው ታክሲ ከአካባው ተሰወሩ፡፡ የሐና እዛው መጣል ወላጅ ዘንድ ደረሰ፡፡ሄዱ፡፡ፖሊስ ነገሩን እንደማያውቅ ሆኖ ለማለፍ ከፍተኛ ጥረት አድርጓል፡፡ነገሩን የአየር ጤና አካባቢ ፖሊስ የነበረ ቢሆንም የሚከታተለው ልጅቷን ከማትረፍ ይልቅ ልጆቹን ለማትረፍ ከፍተኛ ጥረት አድረጓል፡፡

አሁን ወደ እነዛ ታክሲ ተራዎች ስትሄዱ ልጅቷ የተደፈረችው በአምስት ሰዎች ብቻ ሳይሆን እዛ በሺሻና በጫት መርቅነው የነበረና ለጋ ገላዋን እያዩ ምራቅ ይውጡ የነበሩ ሁሉ ናቸው፡፡ ከአምስት በላይ፡፡አስገድዶ በመድፈር ሁሉም ወንጀሎች ቢሆንም ልጅቷን ለሞት የሚያደርስ ወሲብ የፈጸሙባት ሰዎች ግን ከፖሊስ ጋር ተባባሪና ጠቋሚ መስለው በመቅረባቸው እስካሁን አለመያዛቸውን እየተናገሩ ነው፡፡በተለይ ልጅቷ ወሲብ ሲፈጸምባት ለብዙ ሰአታት እራሷን ስታ ስለነበረ በእሷላ ላይ በትክክል ከፍተኛ ጉዳት ያደረሱትም ወንጀለኞች መለየት አትችልም፣ ፖሊስ ግን ጥቆማ ተሰጥቶታል ሊቀበል ግን አልፈለገም እየተባለ ነው፡፡ በተለይ የጉሮሮና የፊንጢጣ ችግር ያደረሡባት ሰዎች ተጠቃለው አልታሰሩም፡፡ፖሊስ ልጅቷ በሺሻ ቤት መደፈሯንም እንዲነገርበት አይፈልግም፡፡ ወላጆችን ተጽናኑ እየተገኙ ነው ብሎ ከወንጀለኞች ጋር ሲደራረር እንደነበረም እንዲታወቅበት አይፈልግም፡፡ ሀና ጦር ሀይሎች አካባቢ የተጣለችውም ፖሊስ ያደርገው በነበረው ድርድር መሆኑንም እንዲታወቅበት አይፈልግም፡፡ እዛ መጣሏን እያወቀ ልጅቷን ወደ ሀኪም ቤት ከመውሰድ ይልቅ ወላጅ አባት ሳይቀሩ ሲያመለክቱ በዳተኝነት ነገሩን ለማድበስበስ የሞከሩትም ለዛ ነው፡፡እንዲሁም ፖሊስና የታክሲ ተራ የ1ለ5 አደረጃጀት መዋቅር እንዲፈርስ ስለማይፈለግ በሀና ላይ ችግር ያደረሱ ግን መረጃ በመስጠት ከፖሊስ ጋር የተባበሩ የተባሉ ወንጀለኞች እስካሁንም አልተያዙም፡፡የተያዙት ሀና በነቃ አእምሮዋ ሆና ችግር ሲፈጥሩባት ያየችውን ብቻ ነው፡፡

የሐናም ጓደኛ በተላላኪነት ተማሪዎችን ከትምህርት ቤት እየመለመለች ለሌሎች የማስበላትና የማታለል ተግባሯ ፣ ወንጀለኞች ያሉበት ቦታና ማንነታቸውንም በደንብ እያወቀች ለወንጀል ተባባሪና ዱላ አቀባይ መሆኗ ግምት ውስጥ ሳይገባ፣ ለፖሊስ መረጃ መስጠቷና በተራ አስከባሪዎች ዘንድ ጥብቅና ስለተቆመላት አልተያዘችም፡፡የእሷ መያዝ ሌሎች አስወጊ ተማሪዎችምን ለስጋት ስለሚዳግና የጠማሪን ገላ የለመዱ ቡድኖችን አንሶላ ስለሚያረቁት እንዲሁም በተማሪዎች ላይ እየተፈጸመ ያለው የወሲብ ንግድ ችግር ያጋጥመዋል ገቢያችንን ያስቀርብና ሰለተባለ ይመስላል(ፖስተን ማራቶን ላይ ቦምብ በተደረገ ጊዜ አንድ ኢትዮጵያዊ ወንጀሉን እያወቅ እንዳላወቀ ሆነሀል ተብሎ መከሰሱና እንደተፈረደበቴ ልብ ይለዋል)፡፡ፖሊስ ሀና ትማርበት የነበረውን ትምህርት ቤት ስም በመግለጫው እንዳይጠቀም በትምህር ቤቱ ልመና ቀርቦለታል፡፡ የሺሻ ቤት አላፊው አልተያዘም፣ ስሙም አልተነገረም፡፡ፖሊስ ከተወሰኑ ደጋፊ ሚዲያዎቹ ጋር ሆኑ ህዝብና ፍትህ ላይ እየቀለደ ነው፡፡ልመናው ምን እንደሚያጠቃልል ግን በደንብ አልተገለጸም፡፡

አሁን በሀና ጉዳ የፖሊስ ሚና እንዳየነው ፖሊስ እራሱ የወንጀል፣ በሴት ላይ ለሚደረግ ጥቃት ተባባሪ ብቻ ሳይሆነ ከፍ ያለ ተዋናይ ነው፡፡በዚህ አጋጣሚ ሀና ወደ ሀኪም ቤትም ሄዳ ህክምና ማግኘት አልቻለችም፣ ለሀና ሞት የህክምና ተቋማችንም በዋናነት የፖሊስ አሰራርም ጭምር ከፍተኛ አስተዋጽኦ ድርጓል፡፡ አሁን የእየሆኑ ያሉ ዘገባዎችና ዘመቻዎች ባብዛኛው ፖሊስ የሰራውን ወንጀል የመደበቅ ተግባር ነው፡፡ በሀና ጉዳይ ሳይነሳ መተው የሌለበት ግን ትማርበት የነበረው ትምህርት ቤት እንዴት ተማሪዎች በትምህርት ሰአት እንዲወጡ ለምን አደረገ ታማ ከሆነም የተፈቀደላት ለወላጅ ተደውሎ ለምን አልተነገረም የሚል ጥያቄ ነው!!

ከሀና ታረክ ጋር በተያያዘና የሳያት ደምሴንም ጉዳይ ማንሳት ይቻላል፡፡ ሳያት ደምሴ ከጥቂት አመታት በፊት ጦር ሀይሎች አካባቢ አፍሪካ ኮከብ ተብሎ በሚጠራ ሁለተኛ ደረጃ ት/ቤት ትማር ነበር፡፡ አስረኛ ክፍል፡፡ እንዲሁ በጓደኛ ግፊት ሺሻ ቤት ገብታ በታክሲ ሹፌሮችና ረዳቶች እንደተደፈረች እናስታውሳለን፣ ለሰባት፡፡ሳያት የተደፈረችበት ቤት እስካሁንም ፖሊሶች የሚቅሙበት ቤት ነው፡፡እንዳውም ቅርንጫፍ ሺሳ ቤት ከቶታል አማኑኤል ቤተክርስቲያን አካባቢ ያለው የራዲካል ት/ቤት ተማሪዎች ላይ ጉዳት እያደረሰ ነው፡፡ ይህ ሺሳ ቤት ከራካዲል ት/ቤት ቢያንስ በ400 ሜትር ርቀት ነው የሚገኘው፡፡በጋራጅ ስለተሸፈነ አይታይም ብዙ የት ይደርሳሉ የተባሉ ቆነጃጅት ሴቶች ገብተው በቡድን ሳይቀር የሚደፈሩበት ቦታ ነው፡፡

እኔ በግሌ ብዙ ጊዜ ለፖሊስ አመልክቻለሁ የሰማኝ ግን አላገኘሁም፡፡አሁን አሁን ሊፒስቲክ ተቀብተው እንደሴት የሚያደርጋቸው ወንዶች ሳይቀሩ ሲወጡበትና ሲገቡበት አያለሁ፡፡ እዚህም ባብዛኛው ተማሪዎችን እየቀጠፉ ያሉት፣አንዳንድ የታክሲ ሹፌሮችና ረዳቶች እንዲሁም ስድ ጋራጅ ሰራተኞች ናቸው፡፡ቦታውን በደንብ ለመጠቆም ከራዲካል ትምህርት ቤት ፊት ለፊት ካለው የወጣቶች ማእከል አቅጣጫ ወደ ኮካ በሚወስደው መንገድ የገንዳ ማስቀመጫው አካባቢ ነው፡፡በጣም ብዙ ህጻናት የሚደፈሩበት ቦታ ነው፡፡ በሺሺ ቤት ምን ያህል የቡድን ወሲብ እንዳለ የሳያት ደምሴን ነገር ሰምተን በቀልድና በማላገጥ ማለፋችን አሁን በሀና ላይ ለደረሰው ነገር እንዳበቃን ልብ ልንልም ይገባል፡፡ ይህ ተማሪዎችን የማጥቃት ዘመቻ እስከ ትልልቅ ሆቴሎቻችን ድረስ እንደሚደርስ እንዲሁም በዚህ ነገር ከመንግስት ፈቃድ አግኝተው የሚንቀሳቀሱ ደላሎች እንዳሉበት እዴሜያቸው ሳይፈቅድላቸው በብርና በተማሪ ደላላ ተታለው ብዙዎች እየተቀጠፉ እንደሆነ በእነ ሀና ላይ የደረሰው ነገርም ሳይቅድሙን እንቅደማቸው በሚል ስሌት እንደሆነ ሊታወቅ ይገባል፡፡ እንደእውነት የሀና መደፈር በሀገር ውስጥ ሰው መሆኑን እንጂ ህገወጥ ዕያልን ያለነው በየሆቴሉ የብዙዎች ህይወት እንደሚያልፍ ይህም ወንዶች ሳይቀሩ ያሉበት መሆኑን፣ይህም በተለያየ ጊዜ በቪሲድ ሳይቀር ያየነው እውነት መሆኑን የሚታወቅ ነው፡፡ ፍትህ ለተማሪዎቻን!!!ፍትህ ለሃዎች!! ፍትህ ለዜጎቻችን!!
————————————————————————–
ሀና መዳን ጀምራ ነበር ፍርድ ቤት ላይ ቆማ እንዴት እንደምትመሰክርም መለማመዷን ድግሞ አንድ ውስጥ ሌላ ሰው ያስታምም የነበረ ሰው እየነገረን ነው፡፡ ታዲያ ድንገት እየዳነች የነበረች ልጅ የሞተችው እንዴት፣ በማን ስህተትና ጥፋ ወይም ሸር ነው እንበል? ሀና ለምን በምን ሞተች? ስለተደፈረች?
————–
ሀና በዘውዲቱ ሆስፒታል!!

በሰይፈዲን ሙሳ

____________________

እህታችን ሀና ላላንጎ የአስገድዶ መደፈር ጥቃት ከደረሰባት በኋላ ህክምና ለማግኘት ስትል የብዙ ሆስፒታል ደጆችን ረግጣለች። ለመጨረሻ ጊዜ ግን ህክምናዋን ስትከታተል የነበረውና ህይወቷም ያለፈው በዘውዲቱ ሆስፒታል ነበር።

ዘውዲቱ ሆስፒታል ውስጥ ህክምናዋን ትከታተል በነበረበት ሰዓት በዚሁ በፌስቡክ ብቻ የማውቀው ወዳጄ ሀና የተኛችበት ክፍል ውስጥ የታመመች ጓደኛውን ያስታምም ነበር። እሱ ጓደኛውን ሲያስታምም የሀናን የህመም ስቃይ አብሮ ተጋርቷል። ብዙ የማይነገሩ ስቃዮች ነበሯት።ይሄ ጓደኛዬ ሀና በሆስፒታል ውስጥ የሆነቻቸውን ሁለት አጋጣሚዎች ለኔ በውስጥ መስመር ነግሮኝ ነበር። እኔ ደግሞ ለናንተ ልንገራችሁ።

አንድ!
_____

ፖሊስ ‘ወንጀለኞቹ ናቸው’ ብሎ ከያዛቸው ተጠርጣሪዎች መሀከል አንደኛውን ተጠርጣሪ ፖሊስ ጥርጣሬውን በማስረጃ ለማስደገፍ ሲል ዘውዲቱ ሆስፒታል ድረስ በካቴና አስሮ ተጠቂዋ ሀና ፊትለፊት አቆመው።

ተጠቂዋ ሀና ‘ተጠርጣሪ’ ተብሎ የመጣውን ‘ሰው’ ስታይ በጣም አለቀሰች። ‘አንደኛው እሱ ነው’ ስትልም እያለቀሰች አረጋገጠች!! ተጠርጣሪው ግን ካደ። ክፍሉ ውስጥ ያሉ አስታማሚዎች ካልገደልነው ብለው ተነሱ። ተጠርጣሪው መካዱ እንደማያዋጣው ሲያስብ ሌላ የሚዘገንን ምክንያት ሰጠ። በኋላ ግን አመነ። በዚያ ክፍል ውስጥ የአስታማሚዎች የታማሚዎች እምባና ጩኸት ሞላው። ፖሊስ ቃሉን ይዞ ተጠርጣሪውን እንደታሰረ ከሆስፒታሉ ይዞት ወጣ!!

ሁለት!
_____

የሀና ህይወት ከማለፉ በፊት ለነበረው የፍርድ ቤት ቀጠሮ በአካል ተገኝታ ችሎት ፊት ቀርባ ቃሏን እንደምትሰጥና እንደምትመሰክር ከተነገራት በኋላ ‘ችሎት ፊት ስቀርብ እንዲዚህ ብዬ ነው የምናገረው’ እያለች በሆስፒታሉ ክፍል ውስጥ ልክ ፍርድ ችሎት ውስጥ እንደቆመችና ዳኛው ፊት እንደቀረበች ሁሉ አክት እያደረገች ክፍሏ ውስጥ ላሉ ታማሚዎችና አስታማሚዎች ፊት ልምምድ ታደርግ ነበር!!

ሀና የሆነ ህልም ነበራት። ጥቃት ያደረሱባትን ወንጀለኞቹን በህግ ተፋርዳቸው ትክክለኛውን ፍርድ አስፈርዳና አስቀጥታቸው ለእሷ ብቻ ሳይሆን ለሌሎች የእሷ አይነት በደል ለደረሰባቸው ሴቶች የፍትህ ተምሳሌትና ለመሆን ‘ከኔ በኋላ እንደዚህ አይነት በደል ይብቃ!” ለማለት!! ይመስለኛል!!

እናም ለሀና እና ለሀናውያን ትክክለኛና ፍትሀዊ ፍርድ እስኪገኝ ድረስ “ፍትህ ለሀናውያን” እንላለን!!

1404479_646583562131879_7860455378408838965_o

በሽብር የተከሰሱት የተቃዋሚ አመራሮች ዋስትና ተከለከሉ

Abrha-Desta-Yeshiwas-Assefa-Daneil-Shibeshi-Habtamu-Ayalew

በሽብር የተከሰሱት የአንድነት፣ የሰማያዊ፣ የአረና ፓርቲ አመራሮች እና ሌሎች ተከሳሾች፣ ያቀረቡት የዋስትና ጥያቄ ከትናንት በስቲያ በፍ/ቤት ውድቅ የተደረገ ሲሆን፤ አቃቤ ህግ የተጓደሉ ማስረጃዎችን አሟልቶ እንዲቀርብ ታዟል፡፡
ከወራት በፊት የታሰሩት ተከሳሾች፤ በዋስትና ከእስር እንዲለቀቁ ጥያቄያቸውን ፌደራል ከፍተኛ ፍ/ቤት የልደታ ምድብ 19ኛ ችሎት ማቅረባቸው የሚታወስ ሲሆን፤ የሁሉም ተከሳሾች ጥያቄ ተቀባይነት ሳያገኝ ቀርቷል፡፡ በአቃቤ ህግ ክስ ላይ የተጠቀሰው የወንጀል አንቀፅ የዋስትና መብትን የሚያስከለክል መሆኑን ፍ/ቤቱ ጠቅሶ፣ ሁሉም ተከሳሾች ጉዳያቸውን ማረሚያ ቤት ሆነው ይከታተሉ ሲል ብይን ሰጥቷል፡፡
በእለቱ ጠበቆች ከክሱ ጋር ተያይዘው አንዳንድ ማስረጃዎች ያልተሟሉ በመሆናቸው፣ ተሟልተው ከቀረቡልን በኋላ ነው የክስ መቃወሚያ ማቅረብ የምንችለው በማለታቸው ፍ/ቤቱ አቃቤ ህግ ለህዳር 17 ጎደሉ የተባሉትን የማስረጃ ዝርዝሮች አሟልቶ ያቅርብ ብሏል፡፡

habtamu-ayalew
የአንድነት ለፍትህና ለዲሞክራሲ ፓርቲ የህዝብ ግንኙነት ኃላፊ የነበሩት አቶ ሃብታሙ አያሌው፤ የፓርቲው የድርጅት ጉዳይ ምክትል ኃላፊ አቶ ዳንኤል ሺበሺ፣ የሰማያዊ ፓርቲ ምክር ቤት ምክትል ሰብሳቢ አቶ የሽዋስ አሰፋ እና የአረና ፓርቲ አመራር አቶ አብርሃ ደስታን ጨምሮ በአስር ሰዎች ላይ የሽብር ክስ የተመሰረተባቸው ጥቅምት 21 ቀን 2007 ዓ.ም ነው፡፡
አዲስ አበባ ዩኒቨርሲቲ የማስተርስ ተማሪ ዘላለም ወርቅአገኘሁን አንደኛ ተከሳሽ በማድረግ አቃቤ ህግ ያቀረበው መዝገብ፤ ተከሳሹ የግንቦት 7 አባል ነው ብሏል፡፡ ግንቦት 7 በመንግስት አሸባሪ ነው ተብሎ እንደተፈረጀ አቃቤ ህግ ጠቅሶ፣ ተከሳሹ ለግንቦት 7 ሰዎችን በመመልመል ወደ ኤርትራ ሄደው እንዲሰለጥኑ አድርጓል፤ ህገ መንግስታዊ ስርአቱንና ማህበራዊ ተቋማትን በሽብር ለማፈራረስ ተንቀሳቅሷል የሚል ክስ አቅርቧል፡፡ አራቱ የተቃዋሚ ፓርቲ አመራሮች ህጋዊ ፓርቲን እንደ ሽፋን ተጠቅመዋል በማለት አቃቤ ህግ ያቀረበው ክስ ደግሞ፤ ተከሳሾቹ ከግንቦት 7 አመራሮች ጋር በመገናኘትና በመመካከር የተለያዩ የሽብር ተልዕኮዎችን ተቀብለዋል የሚል ነው፡፡
በሌሎቹ ተከሳሾች ላይ የቀረበው ክስም የግንቦት 7 አባል በመሆን አላማውን ለማስፈፀም ተንቀሳቅሰዋል ይላል፡፡

በሃብታሙ አያሌው ላይ የቀረበው ክስ ዝርዝር (እንደወረደ)

habtamu ayalew
(ዘ-ሐበሻ) በእስር ላይ የሚገኘው ታዋቂው ወጣት ፖለቲከኛ ሃብታሙ አያሌው በመንግስት አቃቤ ሕግ የቀረበበት የክስ ቻርጅ በፍርድ ቤት ተሰምቷል:: ሙሉው የክስ ቻርጅ ለዘ-ሐበሻ አንባቢዎች ግንዛቤ ይረዳል በሚል እንደወረደ ቀርቧል::
habtamu ayalew
habtamu sp


habtamu ayalew2habt 1
habtamu ayalew 1habt1
hab 7habt8habt9habtamu ayalew 4
habt 12habt13habtamu ayalew 5
habt15habtamu ayalew 6
habtamu ayalew 7
habtamu 19

እርስ በርስ መበላላት አቁመን በቅንነት አብረን እንሥራ

 

በመጀመሪያ ኢትዮጵያ አገራችን ዛሬ ለምትገኝበት አስከፊ ውስብስብ የፖለቲካ ሁኔታ ሆነ መንፈሳዊ ኪሳራዎች ሁሉ ተጠያቂው ወያኔ ነው ብለን ወቀሳችን፣ እርግማናችን፣ ዝልፊያችን እና ማስፈራሪያችን ሁሉ ወያኔ ላይ ያነጣጠሩ ናቸው። የሚያሳዝነው ታዲያ በጩኸታችን እና በእርግማናችን ለሁለት አሥዕርት ዓመታት የተሸከምናቸው ግፈኞች ከጫንቃችን ማውረድ አለመቻላችን አይደለም። ይልቁንም እስከዛሬ ድረስ ከመረጋገም፣ ከመጠላለፍ፣ ከመጯጯህ አባዜ ሳንላቀቅ ከወያኔ ጋር ያሳለፍነውን የሰቆቃ ዘመን እያደስን ማራዘማችን ነው። በወያኔ መንግሥት ሰብዓዊ መብት መጣስ ሃገርንና ሕዝብን ማዋረድ፣ ዘረኝነት ማስፋፋት፣ በሙስና የሃገሪቷን ሀብት በመመዝበር ሕዝቡ ግፍ ከፍቶት እንዲሰደድ ማድረግ ዓለም ያውቀዋል።ቀሪውም ዓለም እዚህ ያደረስነውን እኛንም ጭምር ነው። እንደኔ እምነት ይኼንንያደረግነው እኛው ራሳችን ነን። ምክንያቱም አንድ መሆን ስላቃተን ለወያኔ በተገዢነት ለመኖር ምቹ ሁኔታ ፈጥረንለታል። በአብዛኛው የኛ አገር ፓለቲካ ማንም የማያተርፍበት ፖለቲካ ነው። በተለይ ተወያይቶ አለመፍታት፣ ተደራድሮ አለመታረቅ፣ ተነጋግሮ አለመደማመጥ፣ ተባብሮ አለመሥራት፣ ተነጣጥሎ መውደቅ… ብቻ የእኔ ሀሳብና የፖለቲካ ርእዮት ብቻ ነው ትክክል ብሎ ማሰብ፣ ከእኔ ሌላ ለዚህች ሀገር የሚያስብና የሚለውጥ የለም ብሎ ማለትና መደንፋት የትኛውንም ድርጅት ከፍ ሲያደርግ ሳይሆን ሲያከስር ነው እስካሁን ያየነው። ወደፊትም በዚሁ ሁኔታ እስከቀጠልን ድረስ ለወያኔ አገዛዝ ምቹ ሆነን ትከሻችንን ለሸክም ማመቻቸት ነው።

3

በተለይ በተቃዋሚዎች በተደጋጋሚ የሚሰማው የዜሮ ፖለቲካ ድምር ምክንያቱ ለአብዛኞቻችን ግልጽ ነው። በማን አለብኝነት ሁሉም የፖለቲካ ፓርቲዎች አንባገነን መሆናቸው እርስ በርስ አለመተማመናቸው፣ አንድ ላይ አለመሥራታቸው ነው። ሁሉም ለኢትዮጵያ ለውጥ ለማምጣት የሚሠሩ ከሆነ ለምን በአንድ ላይ ሕብረት ፈጥረው በአንድነት አይጓዙም?በቅንነት ለምን አይሠሩም?ለምንስ ሕዝቡ ይሄ ሁሉ መከራ በወያኔ ይደርስበታል? በዚሁ እስከቀጠልን ድረስ መቼም የማይፈታ የፖለቲካ ዜሮ ጨዋታ ነው የሚሆነው።

እንግዲህ እኛም እራሳችንን እንጠይቅ እኛስ ለሥርዓቱ አገሪቷን ፍትህ አልባ ሲያደርግ ሰብአዊ መብት ሲጥስ እያየን ከመጮህ በስተቀር ምን አደረግን?በተበላሸው የፍትሕ ሥርዓት ቀጥተኛ ተጠቂ የሆነውን ያህል ለሥርዓቱ ፍትሕ አልባ ሆኖ መቀጠል በአንድ ወይም በሌላ መንገድ አስተዋጽዖ ላለማበርከታችን እርግጠኞች ነን ወይ? ከወያኔ በተቃርኖ የቆምን ሃይሎች በቀረው ፍትሕ ናፋቂ የሕብረተሰብ ክፍል ውስጥ ለፍትሕ የተሰጠውን ግምትና ቦታ እያገኙ ነው ወይ የሚለውን መቃኘት ግድ ይላል።

Berhanu Baue

Germany

የአፍሪቃ ስደተኞች ህይወት በሲሲሊ

/ዶቼ ቬሌ/ ከአፍሪቃ በሜዲትራንያን ባህር አድርገው ወደ ኢጣሊያ የሚገቡት ስደተኞች ቁጥር ምንም እንኳን አሁን ቀዝቀዝ እያለ በመጣው የአየር ጠናይ ሳቢያ ረገብ ቢልም፤ ከ መቶ ሺ በላይ ስደተኞች ባለፈው ዓመት ኢጣሊያ ገብተዋል።

Flüchtlingsaufnahmelager der Caritas in Palermo, Italien

« ለ 20 ሰዓታት ባህር ላይ ነበርኩ። ጀልባዬ ውሃ ስለገባባት ሞላች። ከዛ የባህር ኃይል አባላት ጋር ደወልኩ። የባህር ኃይሎቹ በ አምስት ደቂቃ ውስጥ እንደሚመጡ ነገሩኝ። የህይወት ማዳኛ መንሳፈፊያ ጃኬት ሰጥተውኝ ከባህር አወጡኝ። ህይወቴን ስላተረፉዋት ደስተኛ ነኝ።»

Flüchtlingsaufnahmelager der Caritas in Palermo, Italienታምቦ ከወራት ጉዞ በኋላ ነው ኢጣሊያ የገባው

በማለት ነው ታምቦ በዓለም አቀፉ የሊቢያ እና የሲሲሊ የባህር ክልል ውስጥ ሳለ ህይወቱ በኢጣሊያ ግብረ ኃይል እንዴት እንደተረፈ የገለፀው። የ18 ዓመቱ የማሊ ስደተኛ ኢጣሊያ የገባው ባለፈው ሰኔ ወር ነው። አሁን ከሌሎች 37 የአፍሪቃ ስደተኞች ጋር «ካሪታስ» በተባለው የካቶሊካውያን የበጎ አድራጎት ድርጅት የስደተኞች ማቆያ ፤ ፓሌርሞ በተባለው የሲሲሊ ከተማ ውስጥ ይኖራል።

ታምቦ ከባህር ጠረፉ ወደ አሁኑ መኖርያ ሲመጣ ባዶ እጁን ነበር። አሁን ግን በርዳታ የተሰበሰቡ ልብሶች እና አንድ አሮጌ ስልክ እንዲሁም በጆሮ ማዳመጫ አግኝቷል። ሙዚቃ በስልኩ ያዳምጣል። በስደተኞቹ ማቆያ በነፃ ኢንተርኔት ይጠቀማል። ስልክ ግን ውድ ስለሆነበት ወደ አፍሪቃ አይደውልም። ነገር ግን ይላል ታምቦ « በኋትስ ዓፕ» አማካይነት ማሊ የሚያውቃቸው ሰዎች ጋር ደህና መሆኑን የሚገልፅ መልዕክት ለእናቱ ይልካል።« እናቴ በህይወት አለች። አባቴ ግን ሞቷል። ስለዚህ ከእናቴ ጋር ልገናኝ እችላለሁ። እዚህ እንደሚገኙት እኔ ባለ ትዳር አይደለሁም። እናቴን ብቻ ነው አፍሪቃ የተውኳት።»

ታምቦ በማሊ በበርሃ አቋርጦ ሊቢያ የባህር ጠረፍ እንደደረሰ ይናገራል። በወቅቱ ተሳፍሮበት የነበረው ታክሲ መዘረፉ ብቻ ሳይሆን « አብረውኝ ተሳፍረው ከነበሩት ሰዎች መካከል የተገደሉም ነበሩ» ይላል ። ወጣቱ ሊቢያ ውስጥ ስራ ይሰራ ነበር። ይሁንና አረቦች እንደደበደቡት ነው የሚያስታውሰው። በመጨረሻም የእንጨት ጀልባ የሚሸጥለት ሰው አግኝቶ ወደ አውሮፓ ለመጓዝ ቆርጦ ተነሳ።

ፓሌርሞ የሚኖሩት ስደተኞች ተመሳሳይ ታሪክ ነው የሚናገሩት። እንደ ታምቦ ከማሊ የመጣው ማማዶ 24 ዓመቱ ነው። ወጣቱ ገበሬ በኢጣልያ ባህር ኃይል «ማሬ ኖስትሩም» አማካይነት ነው ከ5 ወር በፊት ከባህር ከመስመጥ የተረፈው። እሱ በተሳፈረበት የአሳ ማጥመጃ ጀልባ ላይ 115 ሰዎች ተሳፍረው ነበር። ለሁለት ቀን ያክል ጀልባ ላይ ከቆዩ በኋላ የሚበሉት እና የሚጠጡት እንዳለቀባቸው ማማዶ ይናገራል። እሱ የተሳፈረበትም ጀልባ ውኃ ስለገባበት አደጋ ላይ ነበሩ። ኋላም ጀልባዋ ልትሰምጥ ትንሽ ሲቀራት የኢጣሊያ የባህር ኃይል አዳናቸው።« ማሬ ኖስትሩምን ሊያቆሙ እንደሆነ ሰምቼያለሁ። ካቆሙት ከፍተኛ አደጋ ነው። የነፍስ አድኑን ቡያቆሙ እንኳን ሰዎች መምጣታቸውን አያቆሙም ብዬ አምናለሁ። ሰዎቹን ካላዳኗቸው ደግሞ ጀልባዎቹ መገልበጣቸው አይቀርም። ምክንያቱም ጀልባዎቹ ጠንካራ አይደሉም። ከ አንድ እና ሁለት ቀናት በላይ እዛ ላይ መቆየት አይችሉም። ስለዚህ ካላዳንዋቸው ጀልባው ይገለበጣል። »

Palermo Flüchtlinge 5.ማማዶ ወደ ጀርመን ቢሄድ ምኞቱ ነው

ይህ ነው የማማዶ ዕምነት። ማሬ ኖስትሩም ስራውን ካቋመ 15 ቀናት አለፏ። ይህንን ግብረ ሀይል የተካው «ትሪቶን» አዲሱ የአውሮፓውያን የባህር ተልኮ ዋና ተግባር የአውሮጳ ህብረትን የባህር ድንበር ማስከበር እንጂ የነፍስ አድን ተግባር አይደለም። ብቻ ማማዶ ነፍሳቸው ተርፋ ኢጣሊያ ከገቡት ስደተኞች አንዱ ነው። እሱም በርሃ አቋርጦ ነው ሊቢያ የገባው። ወጣቱ ሊቢያ በቆየበት የአንድ ዓመት ጊዜ ስራ ሰርቷል፣ ወህኒ ቤትም ነበር። አንዱን ሌሊት ግን ማሊ ያሉ አማፂያንን እንዲቀላቀል ወደ ባህር ዳር ሲወሰድ «ለማምለጥ ተሳካልኝ » ይላል።« እኔ የጠፋሁት፤ በሀገሬ ፤ በተለይ እኔ በምኖርበት በነበረው አካባቢ አብዮት በመቀስቀሱ ነበር። አንድ ቀን አማፂያኑ የኛ መንደር ላይ ጥቃት መጣል ጀመሩ። በዚህ ተግባራቸው ወንድሞቼን፣ እኔን እና የተወሰኑ ጓደኞቼን ወደ ጫካ ወሰዱን። እነሱ የመንግሥቱን ጦር እንድንዋጋ ነበር የፈለጉት። »

ማማዶ ሁለት ወንድሞች እና አንድ እህት አሉት። እነሱን ምን እንደገጠማቸው እና በህይወት ስለመኖራቸው እንኳን አያውቅም። ፓሌርሞ የሚገኙት ስደተኞች ትዕግስት ያስፈልጋቸዋል። በተገን ጠያቂዎች ኮሚሽን ተገኝተው ቃል መስጠት ይጠበቅባቸዋል። ከዛም የተገን ጥያቄያቸው ምላሽ እስኪያገኝ አንድ ዓመት ያክል ሊፈጅ ይችላል ይላሉ ፍራንሴስኮ ቪዛኒ ከ ካሪታስ የካቶሊክ ርዳታ ድርጅት።

በካሪታስ ስር ያሉት ወጣቶች የግድ በስደተኞቹ መኖርያ መቆየት የለባቸውም። ሲፈልጉ ወደ ከተማ መሄድ ይችላሉ። አንዳንዶች የኪስ ገንዘብ ለማግኘት የቀን ስራ ይሄዳሉ። ሌሎች ደግሞ በዛው በስደተኞቹ መኖርያ ግቢ ውስጥ በሰዓት እየተፈራረቁ ይሰራሉ።

ስደተኞቹ የሚኖሩት ቀደም ሲል የአዛውንቶች መኖርያ የነበረ ፎቅ ውስጥ ነው። የመጀመሪያው ፎቅ ላይ አሁንም ርዳታ የሚያስፈልጋቸው አዛውንቶች ይኖራሉ። እነሱንም የካቶሊክ መነኩሴዎች ይረዷቸዋል። ጎረቤቶቻቸው ስደተኞቹን ሰላም ይሏቸዋል። ነገር ግን ስደተኞቹ የጠረጴዛ ቴኒስ ሲጫወቱ ድምፃቸው ስለሚረብሽ በሚል፤ ጎረቤታቸው ለካሪታስ ወቀሳ አሰምተው ነበር። በዚህም የተነሳ ካሪታስ ምሳ ሰዓት ላይ ፀጥታ እንዲከበር አውጇል። ስደተኞቹ ጠዋት ጠዋት ጣሊያንኛ ይማራሉ። ከትምህርት ቤት መልስ ፣ በቡድን ሆነው ቴሌቪዥን ይመለከታሉ፣ ያርፋሉ፣ ይጫወታሉ። ከዚህ በተረፈ ግን ከ 3-5 አልጋዎች ባሉበት ክፍል የሚኖሩት ስደተኞች በመቀመጥ ነው ጊዜያቸውን የሚያሳልፏት። « ማስረጃ ኖሮ መስራት ቢቻል ይሻሻል። እንደዚህ ቁጭ ከማለት ይልቅ»

Italienisch-Kurs für Flüchtlinge in Palermo, Italienበየቀኑ ስደተኞቹ ጣሊያንኛ ይማራሉ

ይላል ታምቦ። ማማዶ ደግሞ ወደ ሰሜን አውሮፓ መሄድ ቢችል ይመርጣል።ሳቅ እያለ ጀርመን የምመኛት ሀገር ናት ይላል። ስደተኞቹ ምንም እንኳን ከግቢ መውጣት ቢችሉም የፓሌርሞን ከተማ ለቀው መሄድ አይፈቀድላቸውም ይላሉ ፍራንሲስኮስ ቪዢኒ። ይሁንና አንዳንድ ጥለው የሚሄዱ እንዳሉ ከሌሎች የካሪታስ ጣቢያዎች እንደሚያውቁ ቪዢኒ ይናገራሉ።

ሮም የሚገኘው የተገን ጠያቂዎች ምክር ቤት ባልደረባ ክርስቶፈር ሀይን፤ ኢጣሊያ በማሬ ኖስትሩም አማካይነት ሀገሪቱ የገቡት ስደተኞች ቁጥር ብዙ ስለሆነ ፤ ሀገሪቱ ከአቅሟ በላይ እንደሆነባት ያስረዳሉ። ስለሆነም የአፍሪቃ እና የሶርያ ስደተኞች ዘመድ ወይም የሚያውቁት ሰው እያፈላለጉ ወደ ሰሜን ይጓዛሉ።« ከደቡብ ኢጣሊያ ወደ ኦስትሪያ፣ ስዊዘርላንድ፣ ጀርመን፣ ኔደርላንድስ እና ስዊዲን ሌላ ሁለተኛ እንቅስቃሴ ይታያል። ሰዎቹ በአውሮፓ ህብረት ሀገራት አድርገው ወደ ሌሎች ሀገራት ለመግባት ይሞክራሉ። በድጋሚ በህገ ወጥ መንገድ አድርገው ለመጓዝ እና ለደላሎች ለመክፈል ዝግጁ ናቸው።»

በአውሮፓ ህብረት የደብሊን ህግ መሰረት ስደተኞች መቆየት የሚፈቀድላቸው ተገን የጠየቁበት ሀገር ነው። የካሪታስ ሥራ አስኪያጅ ቄስ ሴርጂዎ ማታሊአኖ እኢአ ህዳር 1 ቀን 2014 ዓም ማሬ ኖስትሩምን የተካው የ « ትሪቶን» ግብረ ሃይል ተግባር ብዙም አላሳመናቸውም።« የትሪቶን ዘመቻ ምናልባት የባህር ጠረፉን ለመቆጣጠር እና አውሮፓን ለመዝጋት ጥሩ ሊሆን ይችላል። አላማው ህይወት ለማትረፍ ሳይሆን አውሮፓን ለማጠር ነው።»

Palermo Flüchtlinge 6.አባቴ ብለው ነው የሚጠሩኝ ይላሉ ሴርጂዮ

ቄስ ሴርጂዮ መርዳት ነው አላማቸው። በስደተኞቹ መኖሪያ የሚገኙት 38 ወጣት አፍሪቃይናንን ቤተሰብ አድርጎዋቸዋል። ስደተኞቹም በካቶሊኩ መንፈሳዊ ይተማመናሉ።ምንም እንኳን አብዛኞቹ ስደተኞች ሙስሊም ቢሆኑም ፤ ሀይማኖት ለማንኛቸውም ሚና አይጫወትም።« እኔ ልክ እንደ አባታቸው ነኝ። ከኔ ጋር ስለ ገጠማቸው ችግር መወያየት ይችላሉ። በሲሲሊ፣ በኢጣሊያ ህልማቸውን እውን ለማድረግ ይፈልጋሉ እና ጥሩ አቀባበል እንደሚደረግላቸው ተስፋ አላቸው። »የማሊ ስደተኛ ታምቦ እጁን ቄሱ ትከሻ ላይ አድርጎ አቅፎዋቸዋል። የሚሉት በደንብ ባይገባውም ቄስ ሴርጂዮ በጣልያንኛ ቀስ ብለው ታምቦን ይመክሩታል።

የስደተኝነት ህይወት በሲሲሊ እንዴት እንደሚቀጥል ግን ማንም አያውቅም ። ታንቦ የመጣውን ለመቀበል ዝግጁ ነው።« ህይወት እንግዲህ እንደዚህ ነው። ከዚህ በፊት ሌላ ህይወት ነበረኝ ። አሁን ደግሞ እዚህ ህይወቴ የሚመጣውን አያለሁ። ነገ ኢጣሊያ ልቀር ወይ ወደ ጀርመን ልሄድ እችላለሁ። ህይወት እንዲህ ናት።»

በፖሌርሞ ከታንቦና ማማዶ ጋር የሚኖሩት አፍሪቃውያን ስደተኞች መጠለያ ፣ ምግብ ፣ መዝናኛ እና የቋንቋ ትምህርት የመሣሰሉትን ቢያገኙም ህይወታቸውን አደጋ ላይ ጥለው ለተጓዙት ጉዞ፤ ገና ከዚህ የተሻለ ህይወት እንዲጠብቃቸው ይመኛሉ።

በርት ሪገርት / ልደት አበበ

ተክሌ የኋላ

London man Andy Tsege faces death penalty in Ethiopia/BBC/

Andi

/BBC/ The family of a north London man who is facing the death penalty in Ethiopia has said the government should be doing more to help get him home.
Andy Tsege, from Islington, who opposes the Ethiopian authorities, was seized in June and has been in solitary confinement ever since, his family says.
The Foreign Office says he is not being held “illegally”.
BBC London’s Charlotte Franks spoke to Mr Tsege’s partner Yemi Hailemariam, Maya Foa from human rights organisation Reprieve, and Andy’s sister Bezu Tsege.

London man Andy Tsege faces death penalty in Ethiopia

http://www.bbc.com/news/uk-england-london-30081166?SThisFB

ኢትዮጵያና ኤርትራን ለማስታረቅ እየተመከረ ነው

Ethio Eritria

በኢትዮጵያና በኤርትራ መንግስታት መካከል የድንበር ይገባኛል ጦርነት መካሄዱን ተከትሎ የሁለቱ መንግስታት ግንኙነት ከተቋረጠ ወዲህ የተጐዳውን የህዝቦች ግንኙነት ለማደስ ያለመ ጉባዔ ትናንት በግዮን ሆቴል ተካሄደ፡፡ ባለፈው ዓመት መጋቢት ወር መጨረሻ ላይ በኢትዮጵያ የሠላምና የልማት ዓለም አቀፍ ኢንስቲቲዩት አስተባባሪነት የተደረገው ጉባዔ ቀጣይ እንደሆነ በተነገረለት በዚህ ጉባዔ ላይ የሁለቱን አገራት የህዝብ ለህዝብ ግንኙነቱንና ትስስሩን ለማጠናከር ያግዛሉ የተባሉትን መንገዶች በመከተል፣ በህዝቦቹ መካከል እርቅ እንዲፈጠር ከፍተኛ ጥረት እየተደረገ መሆኑን የጉባዔው አዘጋጆች ገልፀዋል፡፡
የኢትዮጵያ የሠላምና የልማት ዓለም አቀፍ ኢንስቲቲዩት ምክትል ኤግዝኪዩቲቭ ዳይሬክተር አቶ ሞገስ ተክለሚካኤል በጉባዔው ላይ እንደተናገሩት፤ በሁለቱ አገራት ህዝቦች መካከል ሠላምና እርቅ እንዲፈጠርና የህዝብ ለህዝብ ግንኙነቱ ወደተሻለ ደረጃ እንዲሸጋገር የሚደረገው ጥረት ተጠናክሮ ይቀጥላል ብለዋል፡፡ምክትል ዳይሬክተሩ በንግግራቸው ላይ እንደጠቆሙት፤ በሁለቱ አገሮች መካከል የቀጠለው የፖለቲከኞች ጠላትነት የአካባቢው ሰላም ጠንቅ ማሳያ ሆኖ ከመቆየቱም በላይ የሁለቱን አገራት ህዝቦች የመገናኘት ዕድል ዘግቷል፡፡ ይህም የህዝቦች ዝምድና መገለጫ የሆነውን ነፃ ግንኙነት  ገድቦት ቆይቷል፡፡ በዚህ ምክንያትም ኢንስቲቲዩቱ ህዝባዊ ውይይቶች እንዲደረጉ፣ ሁለቱን ህዝቦች የሚወክሉ ወገኖች ተገናኝተው እንዲነጋገሩ፣ እንዲሁም የህዝብ ለህዝብ ትስስሩን ለማስቀጠል የሚቻልባቸውን መንገዶች ለመፈለግ የሚያግዙ ዕድሎችን አመቻችቷል ብለዋል፡፡
የኢትዮጵያ መንግስት ኤርትራውያን ቀደም ሲል በኢትዮጵያ ውስጥ የነበራቸውን ጥቅም ለመከታተል እንዲችሉ እንዲሁም የኤርትራ ወጣቶች በኢትዮጵያ ነፃ የትምህርት ዕድል እንዲያገኙ ማድረጉ፣ ለ“ህዝብ ለህዝብ” ግንኙነቱ መታደስ ቀና ጅማሬ እንደሆነ የጠቆሙት ምክትል ዳይሬክተሩ፤ ጅማሬውን በማስቀጠል የሁለቱ አገራት ህዝቦች ሰላምና ትስስር እንዲጠናከር ይደረጋል ብለዋል፡፡
በእርቅ ጉባኤው ላይ በታዋቂው ኤርትራዊ ድምፃዊ ርዕሶም ገብረጊዮርጊስ የተዘጋጀና በኢንስቲቲዩቱ ስፖንሰር የተደረገ የሁለቱን አገራት ህዝቦች መልካም ግንኙነት የሚያመላክት የ“ዕርቅ” የሙዚቃ ክሊፕ ተመርቋል፡፡
በኢትዮጵያና በኤርትራ መንግስታት መካከል በተደረገው የድንበር ይገባኛል ጦርነት ሣቢያ  የሁለቱ አገራት ህዝቦች ላለፉት 17 ዓመታት ተለያይተው የቆዩ ሲሆን በአሁኑ ወቅት በየዕለቱ ከ200 በላይ ኤርትራውያን ድንበር አቋርጠው ወደ ኢትዮጵያ እየገቡ እንደሆነ ታውቋል፡፡

የሰማያዊ ፓርቲ ከፍተኛ አመራሮች ታሰሩ

ነገረ ኢትዮጵያ

በተለያዩ የአዲስ አበባ ክፍሎች ለእሁዱ የአደባባይ ህዝባዊ ስብሰባ ቅስቀሳ ሲያደርጉ የታሰቱትን የሰማያዊ ፓርቲ አባላትና አመራሮች ለመጠየቅ ወደ ፖሊስ ጣቢያ የሄዱት የሰማያዊ ፓርቲ አመራሮች ታሰሩ፡፡

በቅስቀሳ ወቅት የነበሩት የሰማያዊ አባላትና አመራሮች መያዛቸውን ተከትሎ የእሁዱን የአደባባይ ህዝባዊ ስብሰባ ለስበስባና ሰላማዊ ሰልፍ ማሳወቂያ ክፍል ያሳወቁበትን ህጋዊ ደብዳቤ በመያዝ የአባላቱና አመራሩ እስራት ህገ ወጥ መሆኑን ለማስረዳትና አባላቱን ለመጠየቅ ወደ አራዳ መምሪያ ፖሊስ ጣቢያ ያቀኑት የሰማያዊ ፓርቲ የፋይንስ ጉዳይ ኃላፊ አቶ ወሮታው ዋሴ እና የአደረጃጀት ጉዳይ ኃላፊው አቶ ብርሃኑ ተ/ያሬድ በፖሊስ ተይዘው ታስረዋል፡፡

1920593_613309012128094_4439816027396922242_n

በቅስቀሳ ላይ የሚገኙት የሰማያዊ ፓርቲ አባላትና አመራሮች እየታሰሩ ነው

የ9ኙ ፓርቲዎች ትብብር እሁድ ህዳር 7/2007 ዓ.ም ለሚያደርገው የአደባባይ ህዝባዊ ስብሰባ ቅስቀሳ ላይ የነበሩ የሰማያዊ ፓርቲ አባላትና አመራሮች ታሰሩ፡፡

የብሄራዊ ምክር ቤት አባል የሆነው አቶ ዮሴፍ ተሻገር እንዲሁም የአዲስ አበባ ምክር ቤት አባል የሆነው ሲሳይ በዳኔ መገናኛ አካባቢ ቅስቀሳ ላይ በነበሩበት ወቅት ታስረዋል፡፡

በተመሳሳይ የምርጫ ጉዳይ ቋሚ ኮሚቴ አባል አቶ ሳምሶን ግዛቸው እንዲሁም የአዲስ አበባ ዞን ምክትል ሰብሳቢና ህዝብ ግንኙነት አቶ ማቲያስ መኩሪያ በአራዳ ክፍለ ከተማ ቅስቀሳ ላይ በነበሩበት ወቅት በፖሊስ ተይዘው አራዳ ፖሊስ መምሪያ ታስረዋል፡፡

በሌሎች የአዲስ አበባ ክፍሎች ቅስቀሳ ላይ የሚገኙ የሰማያዊ ፓርቲ አባላትና አመራሮች በፖሊስ ወከባ እየደረሰባቸው መሆኑን ገልጸዋል፡፡

ህዳር 7/2007 ዓ.ም ቤልየር ሜዳ ላይ የሚደረገው የአደባባይ ህዝባዊ ስብሰባ ሰማያዊ ፓርቲ የሚያስተብብረው ሲሆን በአንድ ወር የሚደረጉትን ሌሎቹን መርሃ ግብሮች 9ኙ ፓርቲዎች በየተራ እንደሚያሰተብብሩ መስማማታቸው ይታወቃል፡፡

10173740_613277408797921_4625849180036064757_n

Ethiopia Court Requests Detailed Terror Charges Against Bloggers

By William Davison, Bloomberg

An Ethiopian court asked prosecutors to amend charges so they specify the acts of terrorism that 10 bloggers and journalists are alleged to have been plotting, a defense lawyer said.
The order was made Wednesday at the Federal High Court in the capital, Addis Ababa, where nine out of the 10 accused are standing trial for collaborating with a U.S.-based opposition group, Ginbot 7, which is classified as a terrorist organization by Ethiopia’s government.
Zone9-Fractial-Element-Tadias-Cover-July-8th
The charges “simply say these suspects organized themselves and designed terrorism without mentioning what kind of terrorism did they plot as defined under Article 3” of a 2009 anti-terrorism law, Ameha Mekonnen, the defense lawyer, said Wednesday in an interview in Addis Ababa.

Ethiopia is the second-worst jailer of journalists in Africa after Eritrea, its neighbor, according to the New York-based Committee to Protect Journalists. The U.S. has said previous convictions contravene freedom of speech rights protected by the constitution. Former newspaper editor Temesgen Desalegn received a 3-year sentence last month for publishing articles deemed to incite ethnic strife and the public to overthrow the government.

The court asked prosecutors to elaborate on the “clandestine” acts and the roles of each of the Zone 9 group bloggers and journalists in plots, Communications Minister Redwan Hussien said by phone today. “They ordered the prosecutor to come up with the clarification,” he said.

Judges on Wednesday rejected a second charge under the 2004 Criminal Code of inciting public revolt because it was covered by the first, Ameha said. The next hearing is on Dec. 3, he said.

To contact the reporter on this story: William Davison in Addis Ababa at wdavison3@bloomberg.net
To contact the editors responsible for this story: Nasreen Seria at nseria@bloomberg.net Karl Maier, Ben Holland

መንግሥት የእነ አቶ ታምራት ላይኔን 18 ሚሊዮን ብር ወረሰ

ሪፖርተር

– 206 ሺሕ ብርና ስምንት ተሽከርካሪዎችን መረከቡን ገልጿል

አቶ ታምራት ላይኔ 12

(ሳተናው) የሙስና ወንጀል ክስ ተመሥርቶባቸውና 18 ዓመታት በእስር እንዲቀጡ ተወስኖባቸው የነበሩት አቶ ታምራት ላይኔና ወ/ሮ ሻዲያ ናዲም ላይ መንግሥት በፍትሐ ብሔር መሥርቶ በነበረው ክስ በመርታቱ 18 ሚሊዮን ብር ገቢ ማግኘቱን ፍትሕ ሚኒስቴር አስታወቀ፡፡

እነ አቶ ታምራት በሕገወጥ መንገድ ከአገር በማውጣት 1000 ቶን ቡና ሸጠዋል በሚል፣ የፌዴራል ዓቃቤ ሕግ መሥርቶት የነበረውን የፍትሐ ብሔር ክስ በመርታቱ፣ ፍርድ ቤቱ ግንቦት 5 ቀን 2005 ዓ.ም. የቡናውን ዋጋና ወለዱን በተናጠል እንዲከፍሉ ውሳኔ ማስተላለፉን ፍትሕ ሚኒስቴር አስታውሷል፡፡

ጉዳዩን ሲከታተል የከረመው በፍትሕ ሚኒስቴር የፍትሐ ብሔር ዳይሬክቶሬት፣ ጥቅምት ወር 2007 ዓ.ም. 18 ሚሊዮን ብር ገቢ ማድረጉን አስታውቋል፡፡ ፍርደኞቹ በ1990 ዓ.ም. 26 ሚሊዮን ብር ለመንግሥት እንዲከፍሉ የተወሰነባቸው ቢሆንም፣ እስካሁን ሳይከፈል በመክረሙ ዘጠኝ በመቶ ወለድ ሲታሰብ 70 ሚሊዮን ብር መድረሱንም ፍትሕ ሚኒስቴር ገልጿል፡፡

በአቶ ታምራት ላይኔ ልጅ ብሌን ጌታቸው ስም በባንክ ተቀምጦ የነበረን 206,000 ብርና ስምንት ተሽከርካሪዎች ለመንግሥት ገቢ መደረጋቸውንም ሚኒስቴሩ አክሏል፡፡

የፍትሐ ብሔር ፍርድ አፈጻጸሙ የዘገየው በጉዳዩ ውስብስብነት የተነሳ መሆኑን የጠቆመው ፍትሕ ሚኒስቴር፣ ቀሪው ዕዳ በቀጣይ ገቢ የሚሆንበትን ሁኔታ በማመቻቸት እንደሚሠራ አስታውቋል፡፡

ወያኔ/ኢሕአድግ እና ምርጫ 2007


2007 election
በያዝነው 2007 ዓ.ም በግንቦት ወር ለሚካሄደው አገራዊ ምርጫ በገዢው ፓርቲ እንዲሁም በተቃዋሚ ፓርቲዎች ቅድመ ዝግጅቶች እየተደረጉ ሲሆን ምርጫ ቦርድም ምርጫውን በበላይነት ለመምራት ቁሳዊና ቴክኒካል ዝግጅቶችን እያደረገ መሆኑን ከገዢው ፓርቲ ልሳን ከሆነው EBC በተደጋጋሚ እየተሰማ ነው፡፡ ይህን ተከትሎ እንደ ከዚህ ቀደሙ ሁሉ በተቃዋሚ ፓርቲዎች መካከል መከፋፈሎች እንዲሁም አለመረጋጋቶች እየተስተዋሉ ሲሆን ለዚህም ምክንያቶቹን በእርግጠኝነት መግለጽ አዳጋች ቢሆንም ካለፉት የምርጫ ተሞክሮዎች በመነሳት የገዢው ፓርቲ ረጃጅም እጆች እንዳለበት መተንበይ አዳጋች አይሆንም፡፡

በዚህ በያዝነው አመት የሚካሄደውን አገራዊ ምርጫን ለመተንበይ በቅድሚያ ከዚህ ቀደም የተካሄዱትን አገራዊ ምርጫዎች በወፍ በረር ቅኝት ማየቱ የግምቱን ይዘት ጠንካራ ያደርገዋል፡፡ በዚህ ጽሁፍ አዘጋጅ እምነት እንዲሁም በተለያዩ ጊዜያቶች ከሚወጡ ጥናታዊ ጽሁፎች ለመረዳት እንደሚቻለው በአገራችን ተስፋ ሰጪ ዴሞክራሲያዊ ምርጫ ተካሂዷል ተብሎ የሚታሰበው በ1997ዓ.ም በተካሄደው አገራዊ ምርጫ ነው፡፡ ለዚህም በርካታ ምክንያቶች ቢኖሩትም በዋነኛነት ገዢው ፓርቲ በወቅቱ ለነበሩት ተቃዋሚ ፓርቲዎች የነበረው ዝቅተኛ አመለካከት (በወቅቱ ቅንጅት የምርጫው ምዝገባ ሊጠናቀቅ ጥቂት ጊዜያት በቀሩበት ወቅት ቅንጅት መፍጠሩን ልብ ይለዋል) እንዲሁም የምዕራባዊያኑን ቀልብ በመሳብ አገሪቷ ለዴሞክራሲያዊ ግንባታ እየተጋች መሆኗን ለማሳየትና ከፍተኛ ፖለቲካዊ ትርፍ ለማግኘት ሲሆን ከዚሁ ጋር ተያይዞም በወቅቱ በመንግስት ይዞታ ስር የነበሩትን የንግድ ተቋማት ወደ ግል ይዞታነት በማዞር (privatization) መንግስት ቀደም ሲል ይተችበት የነበረውን ሶሻሊስምን ወደ ጎን በመተው ዘመኑን መምሰሉን በማሳየት ምዕራባዊያንን ለማሳመን የሚተጋበት ወቅት ስለነበረም ጭምር ነው፡፡ ስለሆነም ያለፉትን የምርጫ ሂደቶችን ለመገምገም ምርጫ 97 እንደመነሻ (base year) በመውሰድ ገዢው ፓርቲ እንዲሁም ተቃዋሚ ፓርቲዎች በምርጫው ላይ የነበራቸውን ሚና በሚከተለው መልኩ ለመዳሰስ ወደድኩኝ፡

ምርጫ 97

ኢሕአድግ 1997ቱ ምርጫ ከላይ ለመጥቀስ እንደተሞከረው ለተቃዋሚዎች በነበረው ዝቅተኛ ግምት ፤ ምርጫውን በበላይነት አሸንፋለው ከሚል የተሳሳተ ግምት እንዲሁም የምዕራባዊያኑን ቀልብ ለመግዛት የዲሞክራሲ በሩን ገርበብ አድርጎ በመክፈቱና ለምርጫው ቅስቀሳ ከዛ በፊት ይሰጡ ከነበሩት የመከራከሪያ ሰዓት በአንጻራዊነት ሰፊ ጊዜ ለተቃዋሚዮች በመስጠቱ ህዝቡ የሁሉንም ፓርቲዎች ፕሮግራም የሚሰማበት እድል ፈጥሯል፡፡ በወቅቱ ከተቃዋሚ ፓርቲዎች አንጻር ኢሕአድግ በፖለቲካ ልምድ እንዲሁም በህብረተሰቡ ተሰሚም ታዋቂም ስለነበር ገዚው ፓርቲ ምርጫውን በበላይነት ለማጠናቀቅ ሙሉ ዕምነት ነበረው ሆኖም ግን ወደ ምርጫው ቅስቀሳ ሲገባ እየታየ የመጣው ፈጽሞ ያልተጠበቀና ገዚው ፓርቲ የከፈተውን የዶሞክራሲ በር ለመዝጋት አስቸጋሪ የነበረበት እንዲሁም ወደ ኋላ ማፈግፈግ የማይችልበት ወቅት ነበር፡፡

በተቃዋሚዎች በኩል በወቅቱ የምሁሮች ስብስብ ተብሎ ሲሞካሽ የነበረው ቅንጅት የገዢው ፓርቲ ጠንካራ ተፎካካሪ ነበር ለዚህም ምክንያቶቹ በርካታ ቢሆኑም ድርጅቱ በውስጡ ጉምቱ የፖለቲካ አዋቂዎችን ማካተቱ ፤ ድርጅቱ በመረጃ የተደገፈ ጠንካራ ክርክር ማካሄዱ፤በምርጫ  ክርክሮች ወቅት ሚያቀርባቸው ተከራካሪዎች ኢሕአዴግ ከሚያቀርባቸው የተሻሉ መሆናቸው፤ የማህበረሰቡን የልብ ትርታን መሰረት ያደረጉ ጠንካራ ትችቶችን  በገዢው ፓርቲ ላይ በማቅረባቸው (የዘር ፓለቲካን  ፊትለፊት  በመተቸታቸው ፤ ሙስናን በመረጃ አስደግፈው በማጋለጣቸው፤ በገዢው ፓርቲ  የተንቋሸሸውን  ስራ አጥ ወጣቱን ስራ ፈጣሪ ለማድረግ ንድፈ ሃሳብ ማቅረቡ ከብዙ በጥቂቱ ሚጠቀሱ ናቸው) ፤ ዘርን መሰረት ያላደረገ  የፖለቲካ አቅጣጫ (political ideology) ይዞ መቅረቡ ፤ ድርጅቱ የተለያዩ የፖለቲካ ድርጅቶችን ያቀናጀ መሆኑና ሌሎች ምክንያቶች ተደማምረው የምርጫውን ግምት አፋልሰውታል፡፡

ኢሕአዴግን ለውድቀት የዳረጉ ውስጣዊ ምክንያቶች

ከላይ በጠቅላላው ለማሳየት እንደተሞከረው የምርጫ 97 ለተቃዋሚዎች የፈጠረውን እድልና ገዢው ፓርቲ ላይ ያስከተለውን አሉታዊ ተጽዕኖ ሲሆን ከዚህ በታች የምንመለከተው በድርጅቱ ውስጥ የነበረውን ውስጣዊ ችግሮችን ይሆናል፡

1.ከመጠን ያለፈ በራስ መተማመን

ኢሕአዴግ ከ1997 በፊት በነበሩት ምርጫዎች ተቀናቃኝ የነበሩትን በቀጥታ እንዲሁም በተዘዋዋሪ ካዳከማቸው ከፊሎችንም ከበታተነ በኋላ አስጊ የፖለቲካ ተቃዋሚ ስላልነበረ በምርጫ 97 ፍጹም የበላይነትን ለመቀናጀት እምነት ነበረው ለዚህም ማሳይው ከሌሎች የምርጫ ጊዜያቶች በተለየ ሁኔታ ለተቃዋሚዎች ሰፊ የአየር ሽፋን መስጠቱ ፤ የተለያዩ በርካታ የመከራከሪያ መድረኮችን ማዘጋጀቱ ፤ ክርክሮቹ ቀጥታ የአየር ሽፋን ማግኘታቸው ሲሆኑ ባልተጠበቀ መልኩ ጠንካራ ሆኖ የቀረበው ቅንጅት እንዲሁም ሌሎች ተቃዋሚዎች እድሉን በሚገባ ስለመጠቀማቸው በወቅቱ የነበረው የምርጫ ውጤት አመላካች ነው፡፡

2.ጠንካራ ተከራካሪ ያለማዘጋጀት

በተለያዩ የክርክር መድረኮች ኢሕዴግን ወክለው የሚቀርቡ ተከራካሪዎች ከተቃዋሚዎች ተሸለው ባለመገኘታችው እንዲሁም የሚያቀርቧቸው መከራከሪያዎች በመረጃ የተደገፉ አለመሆናቸውና  በተደጋጋሚ በተለያዩ የመንግስት ሚዲያዎች ሲሰሙ የቆዩ በመሆናቸው አሰልቺ ነበሩ፡፡ በወቅቱ በተቃዋሚዎች የሚቀርቡትን ፈታኝ ጥያቄዎች በበቂ ሁኔታ የሚመልስ ባለመኖሩ ኢሕአዴግ እየኮሰሰ ሌላው እየገነነ የመጣበት ሁኔታ እንደነበር የሁላችንም የቅርብ ጊዜ ትዝታ ነው፤፤

3.የአባላት ታማኝ አለመሆን

የተለያዩ መረጃዎች እንደሚያመለክተው ኢሕዴግ በ1997 ምርጫ ወቅት ጠቅላላ ከ6 ሚሊዬን በላይ አባላት የነበሩት ሲሆን ይህንን አባላት በማሰብ ገዢው ፓርቲ በቀላሉ እንደሚያሸንፍ መገመቱ ስህተት ላይመስል ይችል ይሆናል ነገር ግን ከምርጫው ማግስት ለመረዳት እንደተቻለው አብዛኛው አባላት የድርጅቱን የፖለቲካ ፕሮግራምን በመረዳት ሳይሆን የስራ ዕድል ለማግኘትና የተለያዩ ጥቅማ ጥቅሞችን በመፈለግ ፓርቲውን መቀላቀላቸው ነው፡፡ በአዲስ አበባ ድርጅቱ ድምጽ አገኝባቸዋለው ብሎ ባሰበባቸው በተክለሃይማኖት ፤ ቦሌ እና ሌሎች አካባቢዎች መሸነፉ አንዱ ማሳያ ሊሆን ይችላል፡፡

4.ሙስና

ኢሕአዴግ በዋነኛነት ከሚታወቅባቸው እኩይ ባህሪያቶቹ አንዱ ሙስና ሲሆን ይህም የሚከናወነው ፍትሃዊ በሆነ መልኩ ሳይሆን በተወሰኑ ቡድኖች ፤ ነባር ታጋዮች እንዲሁም ዘርን መአከል ያደረገ ስለነበር ሌሎች አጋር ድርጅቶች ውስጥ ውስጡን መከፋታቸው የነበረ ሲሆን ይህም መከፋት አባላቱ ሌሎች አማራጫ ፓርቲዎችን  እንዲመለከቱ ወይም ድርጅቱ ላይ የበቀል እርምጃ ለመውሰድ ከማነሳሳቱም በላይ ድርጅቱን የግላቸው አድርጎ ለማሰብ አዳጋች ነበር፡፡

ምርጫ 2002:- በዚህ ምርጫ ላይ ኢሕአዴግ ከ1997ቱ ምርጫ ብዙ የተማረበት እና በቂ ዝግጅት ያደረገበት ስለነበር ውጤቱን ለመቀልበት ችሎ ነበር፡፡ በዚህ ምርጫ ወቅት ድርጅቱ በአብዛኛ የፖለቲካ ተንታኞች ሲገለጽ እንደነበረው ብቻውን ሮጦ ብቻውን ያሸነፈበት ምርጫ ነበር፡፡ ለዚህም ምክንያቶቹ፡-

  • በምርጫ 97 ላይ ጠንካራ የነበረውን ቅንጅትን አከርካሪውን በመስበር የበላይ አመራሮቹን በማሰር እንዲሁም ከሀገር እንዲሰደዱ በማድረግ ፤ ህዝቡን ይቅርታ እንዲጠይቁ በማስገደድ በህዝቡ ውስጥ እምነት እንዳይኖራቸው በማድረግና በሌሎችም እኩይ የፖለቲካ ስራዎቹ ድርጅቱን በማዳከሙ /በማፈራረሱ
  • በራሱ በኢሕአዴግ የተፈጠሩ ተቃዋሚ ፓርቲዎችን በመፍጠር እንዲሁም ሌሎች ተቃዋሚዎች በኢሕአዴግ ሴራ እንዲሁም በግላቸው ምክንያት ከምርጫ እራሳቸውን ማግለላቸው
  • አጭር የክርክር መድረኮችን በማዛጋጀት እንዲሁም ለተቃዋሚዎች አጭር ጊዜ በመስጠት በተቃራኒው ለራሱ ሰፊ የአየር ሽፋን በመስጠት የድርጅቱን ፕሮግራሞች ማስተዋወቁ
  • በ1997 በቅንጅትና በሌሎች ተቃዋሚ ፓርቲዎች ይቀርቡ የነበሩ አማራጭ የልማት እስትራተጂዎችን በመውሰድና ከፊሎችንም በመተግበር ከተሰራው ስራ በላይ ፕሮፖጋንዳ በመስራት (ጥቃቅንና አነስተኛ ፤ ማህበራትን ማደራጀት ፤ ወጣቱን አደገኛ ቦዘኔ ከማለት ወደ ወጣት የልማት ሀይል መቀየር ፤ የጋራ የመኖሪያ ቤቶችን መገንባትና የመሳሰሉት ከምርጫ 1997 በፊት በገዢው ፓርቲ ተሰምተው የማይታወቁ ሲሆን ከምርጫ 97 በኋላ ጽንሰ ሀሳቡ ከተቃዋሚዎች ስለመሰረቁ ማሳይዎች ናቸው)
  • ቀደም ሲል ገጠርን ማዕከል ያደረገውን ልማት ወደ ከተማ በማምጣት የሚታዩ ለውጦችን በማቅረብ እነሱንም በመንግስት ሚዲያዎች አግንኖ ማቅረቡ (መንገድ ፤ ውሃ ፤ ኤሌክትሪክ ወዘተ)
  • የህዝቡ ተስፋ መቁረጥ፡ – በምርጫ 97 ወቅት በህዝቡ ተስፋ የተጣለባቸው ፓርቲዎች ከነአካቴው መጥፋታቸውና እነሱን ሊተካ የሚችል ጠንካራ ተፎካካሪ ፓርቲ መጥፋቱ
  • ጠንካራ የፖለቲካ ቅስቀሳ መደረጉ ፡ – መንግስት የተለያዩ መድረኮችን በማዘጋጀት የተሰሩ የልማት ስራዎችን በማቅረብ ፤ ህብረተሰቡን በማወያየት እንዲሁም ትልልቅ ካፒታል የሚጠይቁ ፕሮጀክቶችን በማስፋፋቱና የረጅም ጊዜ ዕቅዶችን በማቅረቡ
  • ምርጫ ቦርድ ላይ ያለውን ስውር እጅ በማስፋፋት ጠንካራ ክትትል ማድረግና የድርጅቱ የቀኝ ክንፍ መሆኑ በዚህና በሌሎች ምክንያቶች ገዢው ፓርቲ ሙሉ ለሙሉ የምርጫው አሸናፊ ሊሆን ችሏል፡፡ ከሁለቱ ተከታታይ ምርጫዎች የምንማራቸው አበይት ጉዳዮች ቢኖሩ፡
  • ኢህአዴግ በቢሊዮን የሚቆጠር የፋይናንስ አቅም እንዳለውና ለፖለቲካ ቅስቀሳ በቂ አቅም እንዳለው በተቃራኒው ተቃዋሚ ፓርቲዎች ያላቸው የፋይናንስ አቅም እጅግ አናሳ በመሆኑ በራካታ አባላትን ለማፍራት እንዲሁም ቅስቀሳዎችን ለማድረግ የአቅም ውሱንነት እንዳላቸው
  • ኢሕአዴግ የ1997ቱ ምርጫ ብዙ ልምዶችን የቀሰመበትና በወቅቱ አሳይቶት የነበረው የዲሞክራሲ ጭላንጭል በማጥፋት ፍፁም አምባገነን እየሆነ መምጣቱን
  • ኢሕአዴግ የተቃዋሚዎችን ደካማ ጎን በመጠቀም እንዲሁም የስለላ መረቦቹን በመጠቀም ተቃዋሚዎችን የማዳከምና የማፈረካከስ ልምዱን ያካበተ መሆኑን እና ፓርቲዎች ለምርጫ ከመድረሳቸው አስቀድሞ ከምርጫው እራሳቸውን እንዲያገሉ ጫና ማሳደሩን
  • የምርጫ ቦርድ መመሪያዎችንና ደንቦችን ኢሕአዴግ በፈለገው መልኩ ማሻሻሉንና ህጉ ለሁሉም በእኩል ደረጃ ተጠቃሚ የማያደርግ መሆኑንና እና ሌሎች በርካታ ጉዳዮች ናቸው፡፡እነዚህን እንደ መነሻነት በመጠቀም በምርጫ 2007 ሊገጥሙ የሚችሉትን ከወዲሁ ለመገመት ያህል፡ –

ኢሕአዴግ

በገዢው ፓርቲ በኩል ለምርጫው እየተደረጉ ያሉ ቅድመ ዝግጅቶች ከዚህ ቀደም ሲደረጉ ከነበሩት በእጅጉ የላቁ ናቸው፡፡ ይህም ነፃ የግል ፕሬሶችን ያለምንም በቂ ማስረጃ  በማሰር ፤ በመክሰስ ፤ በማስፈራራት ፤ እንዲሁም አገር ለቀው እንዲሰደዱ በማድረግ ተቃዋሚ ፓርቲዎች ፕሮግራማቸውን  የሚያስተዋውቁበትን  መንገድ መዝጋቱ፡፡ ከዚህም  በተጨማሪ  ህዝቡ አማራጭ የመረጃ ምንጮች እንዳይኖሩት በማድረግ ህዝቡ በሚያገኘው አንድ አገራዊ የቴሌቪዝን ጣቢያ የገዢውን ልማታዊ ስራዎች ብቻ እንዲያይ ማድረጉ ነው፡፡

የተለያዩ የማህበረሰብ ድህረ ገፆች ላይ ፤ የደህንነት ሀይሎችን በማሰማራት እና ድንገተኛ ፍተሸዎችን በማድረግ ህዝቡን በማሸማቀቅ ፤ ሀይማኖትን ከሀይማት በማጋጨት ፤ የዘር ግጭቶችን በማቀነባበር ፤ ህዝቡ ላይ ሽብር በመንዛት ህዝቡ ከኢሕአዴግ ውጭ አማራጭ እንዳያስብ በማድረግ ህዝቡ እንዲመርጠው ብሎም ደግሞ የደህንነቱን ጡንቻ በማሳየት ለማስፈራራት በመሞከር ላይ ነው ለዚህም ማሳይው የተለያዩ የፖለተካ ስደተኞችን እና እንዲሁም በተለያዩ አገራት ይኖሩ የነበሩ የተቃዋሚ ድርጅት ቁልፍ ሰዎችን  አፍኖ በማምጣት ህዝቡ ላይ ፍራቻን ሲዘራ ይስተዋላል፡፡

ከዚህም በተጨማሪ እንደ ምርጫ 2002 ሁሉ ተቃዋሚ ፓርቲዎችን  በመከፋፈል ፤ በመታተን እንዲሁም በተለይዩ ምክንያቶች አመራሮቻቸውን በማሰር ተሳትፏቸውን ማዳከምን ተያይዞታል እንደ ማሳይም በአንድነት ለዲሞክራሲና ለልማት ፤ በአረና ፓርቲ እንዲሁም በሰማያዊ ፓርቲ ላይ እያደረሰ ያለው የማፈራረስ ፤ የማሸማቀቅ እንዲሁም እስራቶችን ማየት በቂ ማስረጃ ነው፡፡

የፖለቲካ ቅስቀሳዎችን በተመለከተም በአሁኑ ወቅት በሲቪል ሰርቫንቱ እና በዩኒቨርሲቲ ተማሪዎች እንዲሁም በነዋሪው ላይ ከፍተኛ መዋዕለ ንዋይ በማፍሰስ ስልጠናዎችን እያካሄደ ሲሆን በተቃራኒው ደግሞ  ተቃዋሚ ፓርቲዎች የመሰብሰቢያ አዳራሾችን የመከራይት አቅም ማሳጣት  አቅም ያላቸውንም  ደግሞ የአዳራሽ፣ ቢሮ፣እንዲሁም  ኪራይ ቤቶች እንዳያገኙ ተጽዕኖ በመፍጠር  ላይ ነው፡፡

ተቃዋሚ ፓርቲዎች

በያዝነው ዓመት ማገባደጃ ላይ ለሚከናወነው አገራዊ ምርጫ ተቃሚ ፓርቲዎች እያደረጉ ያለው ቅድመ ዝግጅት በገዢው ፓርቲ ጥብቅ ክትትል ስር ሲሆን ፓርቲዎቹ የሚደርስባቸውን ጫና ለመቋቋም እንዲሁም ጠንካራ ተፎካካሪ ለመሆን እንዲያስችላቸው ውህደት ለመፈፀም በሂደት ላይ ሲሆኑ በገዢው ፓርቲ ስውር እጆች ምክንያት በሚፈለገው ፍጥነት እየተጓዘ እንዳልሆነ እያየን ነው፡፡ በዚህ ምርጫ በሃገር ውስጥ ትልቅ  ግምት ከሚሰጣቸው እንደ አንድነት እና ሰማያዊ ፓርቲ  በገዢው ፓርቲ ተደጋጋሚ ትንኮሳ እየደረሰባቸው ሲሆን ይህም የምርጫው ዋዜማ ላይ ሊበረታ እንደሚችል ይገመታል፡፡

ህብረተሰቡ

ካለፉት የምርጫ ጊዜያቶች በተለየ ሁኔታ ማሕበረሰቡ የፓለቲካ አድማሱ የሰፋበት ሆኔታ ሲሆን ለዚህም አበይት ምክንያቶቹ በማሕበራዊ ድህረ ገፆች የሚለቀቁ የተለያዩ አክቲቪስቶችን  ንግግር ፤ ክርክሮች ፤ በግል ፕሬሱ ይታተሙ የነበሩ የፖለቲካ ትንታኔዎች ፤ ከገዢው ፓርቲ እየሾለኩ የሚወጡ የተለያዩ መረጃዎች እንዲሁም ህብረተሰቡ አማራጭ የመረጃ ምንጭ በማግኘቱ ነው፡፡ በመሆኑም ማሕበረሰቡ ምርጫው በገዢው ፓርቲ የተለመደ ማጨበርበሮች ሊጠናቀቅ እንደሚችል ግምቱ ቢኖረውም እንደ ባለፉት የምርጫ ጊዜያቶች በቸልታ ያልፈዋል ተብሎ አይታሰብም ምክንያቱም ህዝቡ መንግስት የሚያደርገውን የመብት ረገጣ ፤ አድሎአዊ አገዛዝ ፤ ሙስና ፤ እንዲሁም በእስልምና ሀይማኖት እና በኦርቶዶክስ የዕምነት ተከታዮች ላይ እጁን በማስገባት እየፈፀመ ያለውን በደል በሚገባ ስለሚያውቅ ድርጅቱ ጉልበት ያለው ቢመስልም ውስጡ ግን ባዶ ፤ ደጋፊ ያለው ቢመስልም አባላቱ በጥቅም ፤ በዘር እንዲሁም በመልካም አስተዳደር እጦት ያኮረፉ የሚበዙበት ሲሆን ገዚው ፓርቲ ከሕወሓት ውጨ ያሉ ፓርቲዎችን በአይነ ቁራኛ መመልከቱና አብዛኛውን ስልጣን ጠቅልሎ መያዙ በአጋር ድርጅቶች ጥርስ ውስጥ እንዲገባ ምክንያት ሆነዋል፡፡

ማጠቃለያ

የምርጫውን ውጤት ከወዲሁ መተንበይ ባይቻልም በገዢው ፓርቲ ውስጥ ያሉ አባላት   በወያኔ ሕወሓት ላይ በተለይዩ ምክንያቶች ውስጣቸው የሻከረ በመሆኑ (ብአዴን በግንቦት 7 ፤ ኦሕዴድ በወጣት ተተኪዎቹ የስልጣን ይገባናል ተደጋጋሚ ጥያቄዎች ፤ እንዲሁም በሌሎች አጋር ፓርቲዎች) የምርጫውን ውጤት ወዳልተገመተ አቅጣጫ ሊመሩት እንደሚችል ይገመታል፡፡ የማሕበረሰቡ ንቃተ ህሊና መጨመር ፤ ገዢውን ፓርቲ በተጨባጭ መረጃዎች መወንጀል መጀመሩ ፤ መንግስት በተደጋጋሚ የሚፈፅማቸው የሰብዓዊ መብት ረገጣዎች ፤ የአገሪቱን ከፍተኛ ቁጥር የሚሸፍኑትን አንጋፋ የሀይማኖት ተቋማትን ማስኮረፉ ከሀይማኖቱ ተከታዮች የምርጫ ካርድ ሊነፈግ እንደሚችልም  ይገመታል ይሁንና ገዢው ፓርቲ በምርጫ ቢሸነፍም ስልጣኑን ለመልቀቅ ፍቃደኛ ባለመሆኑ ድምፁ የተሰረቀበት ማሕበረሰብ አልመረጥኩም ብሎ በጥያቄ  ተቃውሞ ቢነሳ  ተቃውሞውን በበቂ ሁኔታ የሚያስተባብርና ሀላፊነቱን የሚወስድ ፓርቲ ባለመኖሩ አገሪቷን ወደ አላስፈላጊ ዕልቂት እንዳይጥላት ያሰጋል፡፡ ገዢው የወያኔፓርቲ የምርጫውን ውጤት በጸጋ ተቀብሎ ለመጪዋ ኢትዮጵያ ዘላለማዊነት በቅን ልቦና ምርጫውን ለግል ጥቅም ሳይሆን የህዝቡን ድምፅ እንዲያከብር ልባዊ  ምኞቴ ነው፡፡

ኢትዮጵያ ለዘለዓለም ትኑር!

ዳኛቸው ተገኝ

የበርሊን ግንብ መናድና የዓለም ፖለቲካ

ጎርቫቾቭን ታቸር ከለንደን ሬገን ከዋሽግተን እየተቀባበሉ ሲያንቆለጳጵሷቸዉ፤ መራሔ መንግሥት ሔልሙት ኮል የቀዳሚዎቻቸዉንም፤ የራሳቸዉንም የሕዝባቸዉንም ሕልም ምኞት እዉን ለማድረግ ሞስኮዎችን እንደ ጥሩ ወዳጅ ቀረቧቸዉ።አግባባቡ አባበሉ።

መሽቷል።በርሊኖች ግን የነጋ ያክል ከምሥራቅም-ከምዕራብም ወደዚያ ግዙፍ ግንብ ይተማሉ።ካጠገቡ ሲደርሱግንቡን ከምሥራቅም፤ ከምዕራብም፤ ካናቱም ይወቅሩ-ይቀጠቅጡ፤ይሸራርፉ-ይቦዳድሱት ያዙ።ግንቡ ይጥፋ እያሉ፤-

በርግጥም ለበርሊኖች ሊነጋ ነዉ።ዙድዶቸ ሳይቱንግ የተሰኘዉ ጋዜጣ እንደዘገበዉ ግን የሚነጋዉ ለበርሊኖች ብቻ አይደለም ለመላዉ ጀርምን እንጂ።«በዚሕ ምሽት፤ የጀርመን ሕዝብ ከመላዉ ዓለም ሕዝብ ሁሉ እጅግ ደስተኛ ነዉ።»የምዕራብ በርሊን ከንቲባ ቫልተር ሞምፐር የጋዜጣዉን አባባል ደገሙት

«የጀርመን ሕዝብ ከዓለም እጅግ ደስተኛዉ ሕዝብ ነዉ።» ሕዳር 9 1989።ዘመኑ በሙሉ እንደ ጎርጎሮሳዉያኑ አቆጣጠር ነዉ።የተቀረዉ ዓለም እንደ ጀርመኖች ይደሰት፤ ወይም በተቃራኒዉ ያዝን ይሆናል።ጀርመንን ለዘመናትለሁለት የገመሰዉ ግንብ- መደርመስ ግን ግንቡን ያሳጠረዉ ኮሚንስታዊ ሥርዓት መገርሰስም መሆኑ እዉነት ነዉ።የዓለም የአርባ-አምስት ዘመን ፍጥጫፍፃሜነቱም ሐቅ።ዘንድሮ ትናንት ሃያ-አምስት ዓመቱ።ላፍታ እንዘክረዉ አብራችሁኝ ቆዩ።

ሁለተኛዉ የዓለም ጦርነት ጀምሮ ሶቬት ሕብረት ከምትቆጣጠረዉ ወይም ከጦርነቱ ፍፃሜ በሕዋላ «የሶቬት ዞን» ተብሎ ከሚጠራዉ ምሥራቃዊ ጀርመን፤ ምዕራባዉያኑ መንግሥታት ወደ ሚቆጣጠሩት ምዕራብ ጀርመን የሚፈልሰዉ ሕዝብ ቁጥር ከጊዜ ወደ ጊዜ እያሻቀበ መምጣቱ ለሞስኮ ኮሚኒስቶች አሳሳቢ፤ ለምሥራቅ በርሊን ተከታዮቻቸዉ ደግሞ አስጊ ነበር።

ጀርመን በይፋ ለሁለት ተገምሳ-ቦን እና ገሚስ በርሊን ላይ-ካፒታሊስታዊ እና ኮሚኒስታዊ መንግሥታት ከቆመላት ከ1949 እስከ 1952 በተቆጠሩት ሰወስት ዓመታት ብቻ 2 ሚሊዮን ያሕል ሕዝብ ከምሥራቅ ጀርመን ወደ ምዕራብ ፈልሷል።

ከምስራቅ ወደ ምዕራብ የሚየፈልሰዉ ጀርመናዊ ቁጥር መጨመር፤ ሶቭየት ሕብረት በምትቆጣጠራቸዉ በሌሎች የምሥራቅ አዉሮጳ ሐገራት ብልጭ-ድርግም የሚለዉ ፀረ-ኮሚኒስታዊ እንቅስቃሴ መደጋጋም ያሳሰባቸዉ የሶቭየት ሕብረቱ መሪ ጆሴፍ ስታሊን «የስታሊን ማስታወሻ» የተባለዉን «የእርቅ» ሐሳብ ፃፉ።መጋቢት 1952።

«በዚሕ ሐሳብ መሠረት የሶሻሊስት ሶቪየት ሕብረት ሪፐብሊክ መንግሥት የሠላም ሥምምነት ለመፈራረምና የጀርመንን አንድነት ዳግም ለመመሥረት በፅናት መቆሙን ያረጋግጣል።የሶቪየት መንግሥት በመጋቢት 10ሩ ማስታወሻዉ፤ምዕራባዉያኑ ሐያላንም ሆኑ ቦን ተቃራኒ መልስ ለመስጠት በማያሻማ ሁኔታ አቋሙን ግልፅ አድርጓል።»

የያኔዉ የምሥራቅ ጀርመን ሶሻሊስት አንድነት ፓርቲ ዋና ፀሐፊ ኦቶ ግሮተቮል።በግልፅ ከቀረበዉ ጥያቄ ይልቅ ከጥያቄዉ ጀርባ ያለዉን አላማ መስተንተኑን የመረጡት የዋሽግተን፤ ለንደን-ፓሪስ ተሻራኪዎች ጥያቄዉን ዉድቅ አደረጉት።

ሰዉዬዉ ተናደዱ።እድሜም፤ የጤና እጦትም ተጫችኗቸዋል። ምዕራባዉያኑን ለመበቀል ግን አልሰነፉም።የምዕራባዉያኑን ስስ ብልት እንዲጠቁሟቸዉ ዉጪ ጉዳይ ሚንስትር ቫየስላቭ ሚኻኢሎቪች ሞሎቶቭን አዘዙ።ሞሎቶቭ ጊዜ አላጠፉም የምሥራቅ ጀርመን መሪዎች ወደ ምዕራብ ለመጓዝ በሚፈልገዉ ሕዝብ ላይ ጥብቅ ቁጥጥርና ክትትል ያድርጉ የሚል ሐሳብ ጠቆሙ።

ስታሊን ተቀበሉት።የምሥራቅ ጀርመን መሪዎችን ወደ ሞስኮ አስጠሩ።«ሁኔታዉ ሊታገሱት የማይገባ ነዉ» አሉ ጠንካራዉ ሰዉዬ።ምሥራቅና ምዕራብን የሚለያየዉ መስመር-እንደ ድንበር መቆጠር አለበት።እንደ ማንኛዉም ድንበር አይደለም-እንደ አደገኛ ድንበር እንጂ።ጀርመኖች ድንበሩን በሕይወታቸዉ ጭምር ማስከበር አለባቸዉ።»

ትዕዛዙ አይጣስም።የምሥራቅ ጀርመን መሪዎች መስመሩን በሽቦ አሳጠሩት።ሚያዚያ 1952።የሞስኮ-ምሥራቅ ን እርምጃ ምዕራቦች አወገዙት።ከምሥራቅ ወደ ምዕራብ የሚደረገዉ ጉዞ ግን በእጅጉ ቀነሰ።እየተሽሎከለከ-ከምሥራቅ ወደ ምዕራብ የሚሰርገዉን ሕዝብ ሙሉ በሙሉ ማስቆም ግን አልተቻለም።

ስታሊንን የተኩት ግዮርጊ ማሌንኮቭ-ብዙም ሳይሉ፤ ምንም ሳያደርጉ በኒኪታ ኽሩስቾቭ ተፈነገሉ።ክሩስቾቭ ስታሊን በሽቦ-ያሳጠሩትን ወሰን በግምብ በማስለሰን የስታሊን ተገቢና ጠንካራ ወራሽነታቸዉን አረጋገጡ።ነሐሴ 1961።እንደተለመደዉ ምዕራቦች ተቃወሙት።በ1963 በርሊንን የጎበኙት የዩናይትድ ስቴትስ ፓሬዝዳንት ጆን አፍ ኬኔዲ ዝነኛ ንግግር የዉግዘቱ ንረት መገለጫ ነበር።«በርሊናዊ ነኝ።»«ነፃ ሰዎች በሙሉ የትም ቢኖሩ የበርሊን ዜጎች ናቸዉ።ሥለዚሕ እንደነፃ ሰዉ እኔ በርሊናዊ ነኝ የሚሉትን ቃላት እስጠቀም ኩራት ይሰማኛል።»

የኬኔዲ ንግግር የምዕብ በርሊንን ሕዝብ ስሜት መነቅነቅ ብቻ ሳይሆን ምዕራባዉያን መንግሥታት ግንቡን ለማፈረስ መቁረጣቸዉንም ጠቋሚ ነበር።በዲፕሎማሲዉም፤ በስለላ፤ በገንዘብ-ማስፈራራቱም ያን ግዙፍ ግንብ ከነ-ኮሚንስታዊዉ ሥርዓት ለመናድ ይወዘዉዙት ገቡ።የሞስኮዎች አፀፋም ቀላል የሚባል አይደለም።

ምሥራቅ ጀርመኖች «የፀረ-ፋሽት ትግል መከላከያግንብ« Anti-Faschistischer Schutzwall»የሚሉትን ግንብ የሚዳፈርን እንደሚያጠፉት ዛቱ።«ድንበራችንን የማያከብር ዋጋዉ-ጥይት ነዉ።»አሉ አንዱ ጄኔራል።ዛቻዉ በዛቻ አልቀረም።ከወላጅ-ወዳጅ ዘመዱ ለመቀየጥ፤ ከጎመራዉ ምጣኔ ሐብት ለመቋደስ፤ አለያም ከኮሚስታዊ ሥርዓት ለማምለጥ እስከዚያች ቀን ድረስ ከሞከሩ ቢያንስ አንድ መቶ ያሕል ሰዎች ተገድለዋል።ቁጥሩ አወዛጋቢ ነዉ።ሰዉ ግን ተገድሏል።

የምሥራቅ-ምዕራቦች ጉልበት መፈታተሻ የሆነዉን ያን ግንብ ለማስፈረስ ምዕራባዉያን መንግሥታት ያላወገዙ፤ ያልዛቱ፤ያላስጠነቀቁበት ዘመን የለም።የግንቡ መናድ በዉጤም የኮሚኒዝም ሥርዓት ፍፃሜ ብቅ ያለዉ ግን ከራሷ ከኮሚንስታዊ ሥርዓት መስራችና አራማጅ ከሶቭየት ሕብረት እንጂ ከሌላ አልነበረም።ሚኻኤል ሰርግየቪች ጎርባቾቭ።

ጎርቫቾቭ በ1985 በዉርስ ያገኙትን ሥልጣን በተደላደሉ ማግሥት ያን ከ1917 ጀምሮ ሞስኮ ላይ የፀናዉን ኮሚንስታዊ ሥርዓት ቀስበቀስ ይመነጋግሉት ገቡ።የዋሽግተን-ለንድን፤ የፓሪስ-ቦን ፖለቲከኞችን የጎርቫቾቭ እርምጃን እርምጃ ለማፋጣን፤ ጎሮቫቾቭን ለማጃገን-እንዳዴም ለመጫን ይረባረቡ ያዙ የብሪታንያዋ ጠቅላይ ሚንስትር ማርጋሬት ታዘር ከዚሕ ሰዉዬ ጋር ተግባብቶ መሥራት አይከብድም እያሉ ሲያሞጋግሷቸዉ፤ የዩናይትድ ስቴትሱ ፕሬዝዳንት ሮናልድ ሬገን ደግሞ እባክዎ ይሕን ግንብ ይናዱ እያሉ ይጎተጉቷቸዉ ነበር።

«ሶቭየት ሳትሳሳት ልትወስደዉ የምትችለዉ አንድ እርምጃ አለ።ይሕ እርምጃ የሰላምና የነፃነትን መሠረት ያጠናክረዋል።ዋና ፀሐፊ ጎርቫቾቭ ሠላም ከፈለጉ፤ ለሶቭየትና ለምሥራቅ አዉሮጳ ብልፅግናን ከተመኙ፤ ነፃነትን ከፈለጉ ወደዚሕ በር ይምጡ።ሚስተር ጎርቫቾቭ ይሕን በር ይክፈቱ።ሚስተር ጎርቫቾቭ ይሕን ግንብ ያፍርሱ።»

ጎርቫቾቭን ታቸር ከለንደን ሬገን ከዋሽግተን እየተቀባበሉ ሲያንቆለጳጵሷቸዉ፤ መራሔ መንግሥት ሔልሙት ኮል የቀዳሚዎቻቸዉንም፤ የራሳቸዉንም የሕዝባቸዉንም ሕልም ምኞት እዉን ለማድረግ ሞስኮዎችን እንደ ጥሩ ወዳጅ ቀረቧቸዉ።አግባባቡ አባበሉ።እና ጎርቫቾቭ «አንድ ሕዝብ በግንብ ለሁለት ተገምሶ መኖር የለበትም አሉ።»ትክክለኛዉ ትዕዛዝ ከሞስኮ ምሥራቅ በርሊን ደረሰ።

ሕዳር 9 1989።ከምሽቱ አንድ ሰዓት።ዜና።«ከዚሕ ጊዜ ጀምሮ የጀርምን ዴሞክራቲክ ሪፐብሊክ ዜጎች በሁሉም አቅጣጫ ወደ ፌደራል ጀርመን መጓዝ ይችላሉ።»

ሕዝበ-በርሊን ከምሥራቅም ወደ ምዕራብ፤ ከምዕራብም ወደ ምሥራቅ ይግተለተል ያዘ።መሐል ተገናኙ።ግንቡ ጋ።ግንቡን ይቀጠቅጡት ያዙ።ግንቡም፤ኮሚንስታዊዉ ሥርዓትም ይቀረደድ ያዘ።ትናትን ሐያ አምስት ዓመቱ።

ግንቡ የተናደበት፤ እንደ ግንቡ ሁሉ የዓለም ልዕለ ሐያል የነበረችዉ ሶቮየት ሕብረት ምሥራቅ አዉሮጳን ጨምድዳ የያዘችበት ጥርስ-ጥፍሯ መርገፍ የጀመረበት፤ ሪፐብሊኮችዋ እያፈተለኩ ታላቅ ግዛትዋ መሸራረፍ የጀመረበት ሃያ አምስተኛ ዓመት ትንት በርሊን ላይ ተከበረ።

በዓሉ «ቀዝቃዛ ጦርነት» ይባል የነበረዉ የኮሚንስት ካፒታሊስቶች የጦር ፍጥጫ ያበቃበት፤ ከኢትዮጵያ እስከ አንጎላ፤ ከአልባኒያ እስከ ካምቦዲያ፤ ከደቡብ የመን እስከ ደቡብ አሜሪካ ተዘርግቶ የነበረዉ ኮሚንስታዊ ሥርዓት መንኮታኮት የጀመረበት ዝክርም ነበር።ለጀርመኖች በያኔዉ የበርሊን ከንቲባ ቋንቋ ከዓለም ሕዝብ ሁሉ እጅግ የተደሰቱበት ዕለት መታሰቢያ።

ከሚኒዝም ከተገረሰ ወይም መገርሰስ ከጀመረ እነሆ-ሃያ አምስተኛ ዐመቱ።ከአይዘናወር እስከ ከኬኔዲ፤ ከችርችል እስከ ታቸር የተፈራረቁት የምዕራብ ሐያላን መሪዎች አሸናፊነታቸዉ በርግጥ ተመስክሯል።በኮሚስቱ ጨቋኝ ሥርዓት መወገድ ያኔ-የቦረቀ፤የፈነደቀ፤ የነ ማርክስ-ኤንግሊስ፤ ሌኒን ሐዉልት ለመገርሰስ የተጣደፈዉ ሕዝብ ዛሬ ከጭቆና ግፍ መላቀቁ ግን ዛሬም በየሐገሩ እንዳጠያየቀ ነዉ።ዓለምስ ሰላም ነች።አይደለችም ይላሉ—ጎርቫቾቭ።

«የአዉሮጳ እና የአለም አቀፍ ፖለቲካ ከቀዝቃዛዉ ጦርነት ፍፃሜ በሕዋላ የገጠመዉን ፈተና መቋቋም አልቻለም።ምዕተ-ዓመቱ መባቻ ላይ አዲሱ (የዓለም) ስራዓት ከተቀረፀ ወዲሕ አሁን ያለንበትን ዓይነት ዉጥረትና አደገኛ አጋጥሞን እንደማያዉቅ መቀበል አለብን።ሐያላኑ መነጋገር ባለመቻላቸዉ አዉሮጳና መካከለኛዉ ምሥራቅ የሚፈሰዉ ደም በጣም አሳሳቢ ነዉ።ዓለም ከአዲስ «ቀዝቃዛ ጦርነት አፋፍ ላይ ናት።አንዳዶች እንዲያዉም ቀዝቃዛዉ ጦርነት ተጀምሯል እያሉ ነዉ።»

ሚኻኤል ጎርቫቾቭ።በትናንቱ የበርሊን በዓል የክብር እንግዳ ነበሩ።ለጉድ ያስቀመጣቸዉ።ነጋሽ መሐነድ ነኝ ቸር ያሰማን።

ነጋሽ መሐመድ

አርያም ተክሌ

ግልጽ ደብዳቤ ”ለጠቅላይ ሚኒስትር” ኃይለማርያም ደሳለኝ

ከታሳሪ ዞን9 ጦማርያን እና ጋዜጠኞች

ክቡር ጠቅላይ ሚኒስትር ሕገ መንግስታችንን ያክብሩ!

ሠላም ክቡር ጠቅላይ ሚኒስትር!? እንዴት ነዎት? ያስታውሱ ከሆነ የዛሬ ሁለት ዓመት አካባቢከፊሉ የዚህ ማስታወሻ ፀሃፊዎች  ‘ግልፅ ደብዳቤ ለጠቅላይ ሚኒስትር ኃይለማሪያም ደሳለኝ’

“ክቡር ጠቅላይ ሚኒስትር እባክዎትን የተለያዩ የመንግስት አካላት የሕገ መንግስታችንን ድንጋጌዎች እየጣሱ ነውና እርስዎም በሕገ መንግስቱ አንቀፅ 74/13/ መሠረት ሕገ መንስቱን የማስከበርና የማክበር ግዴታ ስላለብዎት ሕገ መንግስቱን ያክብሩ” በማለት አንዲት አጭር ደብዳቤ ፅፈንልዎት ነበር፡፡

ድንገት በተለያዩ ምክንያቶች የጻፍንልዎትን ደብዳቤ ካላነበቡት ወይም ማስታወስ ካልቻሉ ዛሬ ይሄን ማስታወሻ ስለምንፅፍልዎት ግለሰቦች አንድ ሌላ ማስታወሻ እንስጥዎ፡ ከ6ወራት በፊት /በሚያዚያ 2006 ዓ.ም/ ሶስት  ጋዜጠኞችንና ስድስት ጦማሪያንን ‘ሕገ መንግስቱንና ሕገ መንግስታዊ ስርዓቱን በኃይል ለመናድ በመሞከር ወንጀል ጠርጥሬያችኋለሁ’ በማለት መንግስትዎ ልማታዊ ርምጃ (አብዮታዊ ርምጃ እንደሚባለው) ወስዶ ነበር፡፡

እኛም የዚህ ማስታወሻ ፀሃፊዎች የዚህ ‘ልማታዊ ርምጃ’ ሰለባ የሆንን ግለሰቦች ነን፡፡በርግጥ ከሁለት ዓመታት በፊት ‘ክቡር ጠቅላይ ሚኒስትር ሕገ መንግስቱን’ ያስከብሩልን በማለት ጥያቄ ያቀረብንልዎት ግለሰቦች ‘ከ6 ወራትበፊት ሕገ መንግስቱን ለመናድ  ሞክራችኋል’ በማለት መንግስትዎ ሲያስረን ሕገ መንግስቱ እንዲከበር ጠይቀን ሕገ መንግስቱን ለመናድ በመሞከር ወንጀል ተጠርጥረን ስንታሰር እስሩ በጣም ግራ አጋብቶን ነበር፡፡በዚህ ያልቆመው መንግስትዎ ክሱን ‘ሕብረተሰቡንና ሀገሪቱን ለማሸበር አቅዳችኋል ሞክራችኋል አሲራችኋል…’ በማለት ወደ ‘ሽብርተኝነት’ያሳደገው ሲሆን እርስዎም ከዚህ ጋር በተያያዘ ሃሳብዎትን ሲሰጡ ስለተመለከትንዎ ትንሽ ቅሬታ ይዘን መጣን፡፡

በቅድሚያ አሁን ያለንበትን ሁኔታ በትንሹ ብናስረዳዎት ቅሬታችንን ለመረዳት ያስችልዎታልና አንዳንድ ጉዳዮችን እንንገርዎት፡፡

ይሄን ማስታወሻ በምንፅፍልዎት ወቅት ከታሰርን ከ 200 ቀናት የተቆጠሩ ሲሆን፣ነገር ግንጉዳያችን ገና በቅድመ ክስ (Pre Trial) የክርክር ሂደት ላይ ይገኛል፡፡ ይሄ የሆነበት ዋነኛ ምክንያትም መንግስትዎ እንኳን ለእኛ ለተከሳሾች ለከሳሽ አካልም ግልፅ ያልሆነ ክስ በማቅረቡ ነው፡፡ ይሄንንም ስንል ልትፈፅሙት ነበር የተባለው ‘የሽብርተኝነት ድርጊት’ ሳይጠቀስ ‘በቃ የሽብርተኝነት ድርጊት ልትፈፅሙ ነበር’ በማለት በጨበጣ ስለመጣብን ነው፡፡

ክቡር ጠቅላይ ሚኒስትር እንግዲህ የብዙ ድብደባ፣ ዛቻ እና ስድብ ሰለባዎች ከሆንን በኋላምየቀረበው ይሄ  ክስ ነው ከ6 ወራት በኋላም ተከሳሾች ከሳሾቻችንምሳንረዳው በየቀጠሮው እየታሸ ነው የሚገኘው፡፡ ‘የተፋጠነ ፍትህ’ ሕገ መንግስትዊ መብት ነውና የተፋጠነ ፍትህ ይሰጠን፣ እርስዎምይሄን ሕገ መንግስታዊ መብት ያክብሩ እያልንዎት አይደለም ‘ሕገ መንግስቱ ተከብሮ እያለ ሕገ መንግስቱ ይከበር በማለቴ ጥፋተኛ ነኝ’በማለት ‘ጥፋት የሚያሳምን’ ( አንዱ የዚህ ደብዳቤ ጸሃፌ ጦማሪ ጥፋት ብሎ አንዲፈርም የተገደደው ህገ መንግስቱ ተከብሮ እያለህገመንግስቱ ይከበር ማለቴ ጥፋት ነው ብሎ መሆኑ መንግስትዎን መልክ ግልጽ አድርጎ ያሳያል) መንግስት አለዎትና ይህ ጥያቄ አንደሚበዛብዎትእናውቃለን፡፡

ይልቁንም ቀላልና ግልፅ ቅሬታን ነው ይዘን የመጣነው፡፡ ይሄውም የኢፌድሪ ሕገ መንግስትበአንቀፅ 20/3/ ላይ

‘የተከሠሡ ሰዎች[…]  በፍርድ ሂደት ባሉበት ጊዜ በተከሰሱበት ወንጀል እንደ ጥፋተኛ ያለመቆጠር[…]መብት አላቸው::’

በማለት የደነገገ ሲሆን፣ ይሄንን ሕገ መንግስታዊ መብትም ማንኛውም የመንግስት አካል እንዲሁም ግለሰብ የማክበር ግዴታ አለበት፡፡

ክቡር ጠቅላይ ሚኒስቴር እርስዎና መንግስትዎም በተደጋጋሚ ‘ሕገ መንግስቱ ሳይሸራረፍ እናስከብራለን’ ይላሉና ይሄን ሕገ መንግስታዊ ድንጋጌ የምታውቁት ይመስለናል፡፡ ነገር ግን ከታሰርን ወዲህ ስለእኛ የእስር ጉዳይ በተጠየቁባቸውጊዜያት ይሄን ሕገ መንግስታዊ ድንጋጌ በመጣስ ‘ፍርድዎትን’ በተደጋጋሚ ሲሰጡ ታዝበናል፡፡ እናስረዳዎ፡- ሐምሌ 12/2006 ዓ.ም በሰጡት ጋዜጣሚ መግለጫ ላይ ስለእኛ እስር ጉዳይ ለቀረበልዎት ጥያቄ ሲመልሱ፡-

‘ከአስመራ እስከ ሞቃዲሾ የተዘረጋው የሽብር ሰንሰለት ውስጥ አንዴከገቡ በኋላ ብሎገር ነኝ፣ ጋዜጠኛ ነኝ ማለት ዋጋ የለውም’

በማለት ብዙ ነገሮችን ተናገሩ፡፡ ይሔውልዎት ስህተትዎ፡-

1.     የክሳችን ዋነኛ ጭብጥ በሃገርውስጥ ‘የሽብርተኛ ድርጅት በማቋቋም ‘የሽብርተኝነት’ ተግባራትን ለመፈጸም አሲረዋል፡ አቅደዋል… የሚል እንጂ፣ እርስዎም እንደሚሉት ‘ሰንሰለት’ ምናምን አይደለም፣

2.    እሺ አሸባሪዎችም ይበሉን፣ነገር ግን ሕገ መንግስቱ እንደሚደነግገው በፍርድ ቤት ‘ጥፋተኝነታችን’ እስሚረጋገጥ ቢጠብቁስ ምናለበት? ይህ የሚያመለክተው እርስዎም እንደ ማእከላዊ መርማሪዎች ነፃ ሆኖ የመገመት (presumption of innocence) መብታችንን እያከበሩልን እንዳይደለ ነው፡፡

ይሄ ነገር የሆነው በድንገት ሊሆን ይችላል ብለንዝም ብንልም እርስዎ ግን በድጋሚ ጥቅምት 6/2007 ዓ.ም በሕዝብ ተወካዮች ምክር ቤት ቀርበው ከምክር ቤቱ አባል ለቀረበልዎ ጥያቄሲመልሱ፡-

“የብሎገር ጭምብልአጥልቆና በጋዜጠኝነት ሙያ ውስጥ ተሸሽጎ ከተከሳሽነት ማምለጥ አይቻልም፡፡ ሽብርተኝነትን መዋጋታችን ይቀጥላል…” እያሉ እርስዎ ያሉትን የብሎገር ጭምብል አውልቀውና ተሸሸጉበት ያሉትን የጋዜጠኝነት ሙያመሸሸጊያ አፍርሰው ባንዴ ‘የአሸባሪነት’ ካባ ደረቡልን፡፡

ክቡር ጥቅላይ ሚኒስቴር፣ እያልን ያለነው የአንድ ሰው ‘አሸባሪነት/ወንጀለኝነት’ የሚረጋገጠው በፍርድ ቤት እንደሆነ ሕገ መንግስቱ ደንግጎ እያለ፣ እርስዎ ግን ነፃ ሆኖ የመገመት መብታችን ወደ ጎን ብለው እንደ ከሳሽም እንደፈራጅም በመሆን ‘አሸባሪዎች’… እያሉን ይገኛሉ ነው፡፡

ምናልባት ‘ስራ አስፈጻሚው ከሳሽ ነውና እኔም የስራ አስፈጻሚው አካል መሪ ስለሆንኩ የፈለኩትን አስተያየት የመስጠት መብት አለኝ’ ብለው ከሆነ፣ ሕገ መንግስቱን የማክበር ጉዳይ ‘ርስዎን ጨምሮ ሁሉም ዜጎች ላይ የተጣለ ግዴታነው፡፡ እርስዎ ‘L’e’tat, c’est moi’ ይሉት አይነት የራስ ግምት ውስጥዎ ከሌለ በስተቀር እንዲህ በግልፅ እየጠየቅንዎት ‘ሕገ መንግስትቱን  አላከብርም’ በማለት ገና ዋነኛ ክርክሩ እንኳንያ ልተጀመረ ክስን (ዋነኛ ክርክር ካለው) መሠረት በማድረግ ከዚህ በኋላ እኛን ‘አሸባሪዎች’ አይሉንም ብለን ተስፋ እናደርጋለን፡፡ይህን ተመሳሳይ ምላሽ “በእርግጠኝነት አሸባሪ ናቸው” በሚል ቃና ለቢቢሲ ለኢንቢሲ ለመሳሰሉት አለም አቀፍ ሚዲያ  ተቋማትም መስጠትዎን ሰምተናል፡፡

ሌላው ልናስታውስዎ የምንፈልገው ጉዳይ እንደኛ አይነት የተራገበ( በሰፊው በታወቀ የአደባባይ)የፍርድ ጉዳይ ([un] popular case) ላይ የመንግስት አካላት አስተያየት (say) ያለውን ተፅእኖ እንዲያስቡት ነው፡፡እርስዎ በምክር ቤት ቀርበው የአሸባሪነት ፍርድ ከበየኑብን (አሁን እያደረጉት እንዳሉት) ፍርድ ቤትም ሆነ ሌሎች የመንግስትዎ አካላትምን ሊያስቡ እንደሚችሉ አስተውለውታልን?!

ይሄን ሁሉ ስንልዎ እንዲያው ሕጉን ያክብሩልን ለማለት ያክል ነው እንጅ፣ ከሽብርተኝነትጋር የሚያገናኘን ቅንጣት ያክል እውነት /A segment of fact/ እንደሌለና የሰው ልጆች መልካምና ደስተኛ ሕይወት እንዲኖራቸውከመመኘትና ለአገራችን ያገባናል ከማለት ያለፈ ሕይወትም ፍላጎትም እንደሌለን እኛም እናውቀዋለን እርስዎና መንግስትዎም ያውቁታል፡፡ነገር ግን ካለፉት ስድስት ወራት አንስቶ ጨዋታውን በግድ ካልተጫወታችሁ ተብለናልና እየተጫወትን ነው፡፡ የአሁኑ ጥያቄያችን ግን በጣም ቀላል ነው፣ ጨዋታው ገና በደንብ እንኳን ሳይጀመር ውጤቱን እይወስኑት ነው፡፡

እርስዎ ወደ ጠቅላይ ሚኒስትርነት የስልጣን ደረጃ በወጡ ሰሞን አብዛኞች የዚህ ማስታወሻፀሃፊዎች መጠነኛ ለውጥና ማሻሻዎች ያደርጋሉ የሚል ተስፋ ሰንቀን “The First 100 Days” ወዘተ እያልን ብዙ ጠብቀንዎት ነበር፡፡ ከሁለት ዓመት በሚበልጥ ግዜ እንደተመለከትንዎ ግን ተስፋችን ፍሬ ሊያፈራልን አልቻለም፡፡ አሁንም አዲስ ተስፋ ሰንቀን ግን ፡- “ክቡር ጠቅላይ ሚኒስቴር እባክዎትን ሕገ መንግስቱን ያክብሩ! የእኛንም መብት ያክብሩልን” እንላለን፡፡

‘’የብሎገር ካልሲ አድርጎ፣ የጋዜጠኝነት ጫማ ተጫምቶ የሽብረተኝነት ሰንሰለት ውስጥ ከገቡ በኋላ ሕገ መንግስቱን ያክብሩልኝ ማለት ዋጋ የለውም!’’በማለት ተስፋችን ዋጋ እንደማያሳጡት ተስፋ አለን፡፡

ከአክብሮት ጋር

 ጦማርያን                    ጋዜጠኞች

ዘላለም ክብረት                 ኤዶም ካሳዬ

ናትናኤል ፈለቀ                ተስፋለው ወ/የስ

በፍቃዱ ሃይሉ                አስማማው ኃ/ጊዮርጊስ

አጥናፍ ብርሃኔ

አቤል ዋበላ

ማህሌት ፋንታሁን 

የዞን ፱ ጦማርያንና የጋዜጠኞችን የ200 ቀናት እስር አስመልክቶ በማኅሌት ሰለሞን የተዘጋጀ

የዞን ፱ ጦማርያንና የጋዜጠኞችን የ200 ቀናት እስር አስመልክቶ በማኅሌት ሰለሞን የተዘጋጀ