Archive | December 2, 2014

ታላቅ የምክክር እና የመወያያ መድረክ ጥሪ በጀርመን ኑረንበርግ ከተማ /ኢህአግዘ/

የኢትዮጵያ ህዝብ አርበኞች ግንባር ዘብ የፖለቲካ ና የዲፕሎማሲ አለማቀፍ የግንኙነት ክንፉን የተመሰርተበትን አምስተኛ አመት ምክንያት በማድረግ እ.ኤ.አ. በ20/ዲሴምበር/ 2014 ዓ.ም. በታሪካዊቷ የኑረንበርግ ከተማ ታላቅ የምክክር እና የመወያያ መድረክ አዘጋጅቷል። ”ኢትዮጵያን እናድን” በሚል መሪ ቃል የሚዘጋጀው ይህ ታላቅ የምክክር መድረክ ሁሉም የፖለቲካ ፓርቲዎችን፣የሲቪክ ማህበራትን እና የነፃው ፕሬስ አካላትን የጋበዘ ሲሆን ከፖለቲካ ፕሮግራም ልዩነቶቻችን ውጭ አገራችን ኢትዮጵያ በዘረኛዉ የወያኔ ኣገዛዝ ሥር ከወደቀች አንሆ ፪፫ አመታት ተቆጥረዋል በነዚህ አመታት ዉስጥ በታሪካችን ታይቶ የማይታወቅ ከፍተኛ_ በደል ና ችግር በህዝባችን ደርሶዓል ለኣገር ተቆረቋሪ ወገኖቻችንም መብታቸዉ ተገፎ በስር ቤት ይማቅቃሉ
በስልጣን ላይ ያለው ዘረኛዉ ና ኣምባገነኑ የወንበዴ ቡድን በህዝባችን ጫንቃ ላይ አስካለ ድረስ ችግሩ የሚባባስ እንጅ የሚወገድ አይሆንም።
የኣገራችን ደንበር ተጥሷል ፧ መሬቱ ተሽጧል ፡ ህዝቡ ተሰዱኣል፥
ያገርችን ደንበርና አንድነት ለማስከበር ና ህዝባችንን ለማስጠበቅ ከተፈለገ በስልጣን ላይ ያለዉን የዘረኛ ቡድን ከስልጣን ማስወገድ።
2 ይህንን እዉን ለማድረግ ለኢትዮዽያ ኣንድነት ና ነጻነት ከቆሙ የፖለቲካ ና ሲቪክ ማህበራት ጋር በጋር መታገል ኣማራጭ የሌለው የትግል ስልት ነው ብለን እናምናለ።
ስለዚህ ከተወሰኑ ቡድኖች ጋር በጋራ ለመሥራት ለኣለፉት ሶስት አመታት በየድርጅታችን ተሰልፈን ከፍተኛ ጥናት ና ዉይይት በማድረግ ስንታገል የነበርን ሲሆን የኣገራችን ነጻነት ና ኣንድነትን ተግባራዊ ለማድረግ የጋራ ፕሮግራም በማውጣት በኣንድነት ለመታግል የተደራጀን መሆናችን ሥንገልፅ፥በ20-12-2014 በምናካሂደው ጉባኤ ማንኛም አገር ወዳድ ኢትዮጵያዊ ሁሉ በቦታው ተሳትፎ እንዲያደርግ በአክብሮት ጥሪያችን እናስተላፍ አለን።
አድራሻ :U-Bahn haltstelle Plärer -Neben African Center Zufuhr Str .17 90443 Nürnberg:-
ቀን -እ.ኤ.አ. 20/ዲሴምበር/2014-ዓ.ም.ሰዓት, ከ 14 ሰዓት ጀምሮ
-ለበለጠ ዝርዝር መረጃ -Tel,015210224716/ 015215374981/015210110979
-ማሳሰቢያ፡ በዚህ ጉባኤ በይበልጥ የፓርቲው አባላት የመገኘት ኃላፊነት አለብን:

Correction-1Correction-2

ህጋዊ ተቃዋሚዎችን በአክራሪነት ሰበብ ለመምታት የሚያስችሉ ሃሳቦች ቀረቡ

በሃገሪቱ ህገ መንግስት አንቀጽ 31 መሰረት በህጋዊ መልኩ ተመዝግበው ሰላማዊ የፖለቲካ እንቃስቃሴ የሚያደርጉ ተቀናቃኝ ፓርቲዎችን በሽብርተኝነት እና ጽንፈኝነት በመፈረጅ የጥቃት ኢላማ ለማድረግ መታሰቡን ኢሳት የፌደራል መንግስት የጸጥታ ጉዳዮች ሰሞኑን ከመንግስት ባለስልጣናት ጋር ካካሄደው ውይይት ለመረዳት ተችሎአል፡፡
የትግራይ፣ቤንሻንጉል ጉሙዝና አማራ ክልል ሃላፊዎች ሰማያዊ ፣አንድነትና መኢአድ ፓርቲዎች ጽንፈኞች በመሆናቸው በአክራሪነት ሲሳተፉ የነበሩ ወጣቶችን በማሰባሰብ ለሽብር እያዘጋጁ ነው በማለት ገዢውን መንግስት ፖሊሲዎች በሰላማዊ መንገድ የሚቃዎሙትን ፓርቲዎችን በወንጀለኛነት ሲፈርጁ ተደምጠዋል፡፡
መልካም ተሞክሮ ነው በማለት በየክልሉ አስተዳደርና ጸጥታ ጉዳዮች ኃላፊዎች የቀረበው ሪፖርትና የወደፊት እንቅስቃሴ በመጭው ምርጫ 2007 የተፈረጁት ፓርቲዎች የህዝብ ድምጽ በማግኘት የገዢው መንግስት ስጋት እንዳይሆኑ ከማሰብ የተነሳ መሆኑን የውስጥ ምንጮች ለኢሳት ገልጸዋል፡፡
በሃገሪቱ በትጋት ከሚንቀሳቀሱና የህዝብ ድጋፍ በብዛት እያገኙ ከመጡት የተቀናቃኝ ፓርቲዎች መካከል የሚመደበው የሰማያዊ ፓርቲን እንቅስቃሴ ለማስቆም እና የምርጫ 2007 ስጋት መሆናቸውን ለማክተም ገዢው መንግስት በየአካባቢው የሚከሰቱ ሃይማኖታዊ እንቅስቃሴዎችን በሙሉ ከተቀናቃኝ ፓርቲዎች ጋር ማገናኘት መጀመሩ ሆን ተብሎ ሰላማዊ ተቃዋሚዎችን ለመምታት የተዘጋጀ መሆኑን ምንጮች ጠቅሰዋል።
የአማራ ክልል አስተዳደርና ጸጥታ ጉዳዮች ቢሮ ኃላፊ አቶ ደሴ አሰሜ “በክልሉ አክራሪነት አሁን ያለበት ደረጃ ሲገመገም አሁንም ስራ የሚጠይቅ ነገር እንዳለ ተገንዝበናል፡፡ አሁን አሸንፈናል ሙሉ በሙሉ አስወግደናል ብለን አንወስድም፡፡” በማለት አክራሪነት መልኩን እየቀየረ መምጣቱን ተናግረዋል፡፡
“በተለይ በደቡብ ወሎ ቃሎ አካባቢ የሚገኙ የሰማያዊ ፓርቲ ፣አንድነትና መኢአድ የተባሉት ጽንፈኛ ተቀናቃኝ የፖለቲካ ድርጅቶች የሚያካሂዱት የአባላት ምልመላ ከምርጫ ጋር በማገናኘት በጽንፈኝነት አስተሳሰብ እየተጓዙ በመሆኑ በዚህ ረገድ ከፍተኛ ጥንቃቄ አድርገን መጓዝ አለብን፡፡” በማለት የተቀናቃኝ ፓርቲዎችን ለማሸማቀቅ የሚያስችል እንቅስቃሴ እንዲጀመር ሃሳብ አቅርበዋል። (ድምጽ 2 )
የቤንሻንጉል ጉሙዝ አስተዳደርና ጸጥታ ጉዳዮች ቢሮ ኃላፊም የሰማያዊ ፓርቲ አባላት ይፈቱ ብለው ያቀረቡትና በሚዲያ ቅስቀሳ ሲያደርጉ የነበሩ አባሎች የአክራሪነትና ጽንፈኝነት አስተሳሰብ የያዙ ናቸው በማለት ለተሰብሳቢው ገልጸዋል፡፡ (ድምጽ-03)
በአማራ በቤንሻንጉልና በትግራይ የታየው ተሞክሮ በሌሎች ክልሎችና ልዩ ልዩ አስተዳደሮች ተጠናክሮ ሊተገበር እንደሚገባም በስብሰባው ላይ ሃሳብ ተሰጥቷል፡፡ (ድምጽ-04)
ፓርቲዎቹ እስካሁን ድረስ ህዝቡን ለማደራጀት አቅም ባለመፈጥራቸው አስፈሪ አለመሆናቸውን የገለጹት አንድ ባለስልጣን፣ በሂደት ሃቅም እያጎለበቱ መሄዳቸው ስለማይቀር እስከሁን እንደተወሰደው ያለ ኢርምጃ መውሰድ አስፈላጊ መሆኑን ተናግረዋል። ( )
ኢሳት የፌደራል መንግስት የጸጥታ ሃይሎች ያደረጉትን ስብሰባ በተመለከተ ተጨማሪ ዘገባዎችን ሰሞኑን ያቀርባል።