A regular meeting of the EPPFG was held on May 2nd. 2015 in Nürnberg

News report by :- Mesrak Tekele and Alemayehu Tibebu

Photo:-  Michael Mekonnen  

Ethiopian People Patriotic Front Guard (EPPFG) had quarterly regular meeting was held on the 2nd of May 2015 in Nürnberg. During the meeting more than 250 members of EPPFG where attended.

The meeting was opened by Ato. Leule Keskes the Chairman of the EPPFG of Germany with a well coming speech for the participants. The discussion was focused the current political situation in Ethiopia.

During the meeting the participants were discussed deeply on the human right violation, lack of democracy and the general political in stability of the country. Alternatives solution was also seated by the members. Finally the meeting was completed successfully after having common stand on freedom and unity of Ethiopia.

Advertisements

የሰማያዊ ፓርቲ አባላት እየታደኑ እየታሰሩ ነው

• በየ ክፍለ ሀገሩ የሚገኙ አባላት ላይ የሚፈፀመው ድብደባ ቀጥሏል

• ‹‹የተጀመረውን የሀሰት ክስ እውነት ለማስመሰል የታቀደ ነው››

የሰማያዊ ፓርቲ አባላት መንግስት ሚያዝያ 14/2007 ዓ.ም አይ ኤስ አይ ኤስን ለማውገዝ በጠራው ሰልፍ ሰበብ እየታደኑ እየታሰሩ መሆኑን የፓርቲው የህዝብ ግንኙነት ኃላፊ አቶ ዮናታን ተስፋዬ ለነገረ ኢትዮጵያ ገልጾአል፡፡ ሀሙስ ሚያዝያ 22/2007 ዓ.ም ብሌን መስፍንና ተዋቸው ዳምጤ ከመስሪያ ቤት ተይዘው የታሰሩ ሲሆን ሚያዝያ 24/2007 ዓ.ም ፍርድ ቤት ቀርበው ‹‹ሰላማዊ ሰልፉ ላይ የተደረገውን አመጽ መርታችኋል፡፡›› በሚል ፖሊስ ክስ እንዳቀረበባቸው ለማወቅ ተችሏል፡፡
በተመሳሳይ ዛሬ ሚያዝያ 26/2007 ዓ.ም ማቲያስ መኩሪያ ቤቱ ውስጥ እያለ በፖሊስ ተይዞ ታስሯል፡፡ ማቲያስ፣ ብሌንና ተዋቸው ወረዳ 10 (ላዛሪስት ፖሊስ ጣቢያ) ታስረው ይገኛሉ፡፡ ይህንን የሰማያዊ ፓርቲ አባላት ላይ የሚደረገው እስርም ‹‹መንግስት በሰማያዊ ፓርቲ ላይ የጀመረውን የሀሰት ክስ እውነት ለማስመሰል የታቀደ ነው፡፡ ፖሊስ ምርመራ ሳይጨርስ በሀሰት 20 አባላትንና 6 አመራሮችን አስረናል ብለው ነበር፡፡ እነሱ የፈለጉት ይህን ሚዲያ ላይ ወጥተው በሀሰት የፈፀሙትን ውንጀላ ማሰመሰል ነው፡፡›› ሲል አቶ ዮናታን ለነገረ ኢትዮጵያ ገልጾአል፡፡

በሌላ ዜና በየ ክፍለ ሀገሩ የሚገኙ የሰማያዊ ፓርቲ አባላት ላይ ደህንነትና ፖሊስ የሚፈፅመው ድብደባ አሁንም መቀጠሉ ተገልጾአል፡፡ በዛሬው ቀን የደብረማርቆስ ከተማ ነዋሪና የሰማያዊ ፓርቲ አባል የሆነችው የሀሳብ ጌታቸው ‹‹ለሰማያዊ ፓርቲ ወረቀት በትነሻል›› በሚል ከፍተኛ ድብደባ እንደተፈፀሙባት ተገልጾአል፡፡

የኢትዮጵያ ህዝብ አርበኞች ግንባር ዘብ መደበኛ ስብሰባውን አካሄደ

By Alemayehu Tibebu

የኢትዮጵያ ህዝብ አርበኞች ግንባር ዘብ ቅዳሜ በ 02/05/2015 በኑረንበርግ ከተማ በወቅቱ በሊቢያና በደቡብ አፍሪካ የተከሰተውን ኢትዮጵያንን ንጹሃን ዜጎች ሞት እና የኢትዮጵያን ህዝብ መሪር ሃዘን በማሰብ የ አንድ ደቂቃ የህሊና ጸሎት በማድረግ ስብሰባውን ጀምሮዋል:: ትኩረቱንም በወቅቱ የኢትዮጵያ ወጣቶች ስደትና በየቦታው የሚደርስባቸውን እንግልትና ስቃይ በማውሳት እንዲሁም ከአባላቱ መካከል ያላቸውን የስደትን አስከፊነትና ስቃይ ልምዳቸውን በማካፈል ይህ መከራና ስደት ሊቆም ይገባል ሰው እንደሰውነቱ ዜጋም እንደ ዜጋነቱ በሃገሩ ተከብሮ ሊኖር ይገባል ሲሉ መልእክታቸውን አስተላለፈዋል::

ላለፉት 23 አመታት በወያኔ የግፍ አገዛዝ ህዝቡን በመከፋፈል እና ነጻነቱን በመንፈግ ህዝቡ እንደልቡ እንዳይናገር እንዳይማር እንዳይሰራ ሃሳቡንም በነጻነት እንዳይገልጽ ጫና በማድረግ በማሰር እና በማሰቃየት ላለፉት 23 አመታት የዘለቀ ሲሆን ከጊዜ ወደ ጊዜ ይህን መከራ ሽሽት ወጣቱ ወደ ተለያየ የአለም ሃገራት እየተሰደደ ቢሆንም በየሄደበትም ሌላ ስቃየና መከራ ሲደርስበት ማየት እንደሚያሳምም በስብስባው ላይ የተገኙት አባላቶች ቁጭታቸውን ተናግረዋል::

የኢህአግዘ ዋና ሊቀ መንበር የሆኑት አቶ ልዑል ቀስቅስም ይህንን ችግር ልናቆመው የምንችለው በአንድነት እጅ ለእጅ ተያይዘን ወያኔን ማስወገድ ስንችል ብቻ ነው ሲሉም አስረግጠው ተናግረዋል::

የኢህአግዘ አባላት እና አመራር ከዚህ በፊት በተሻለና በጠነከረ መንገድ እየሄደ እንዳለ በስብሰባው ላይ የታዩት እና የተነሱት ሃሳቦች ምስክሮች ናቸው:: ይህ እየተጠናከረ የመጣው የኢትዮጵያ ህዝብ አርበኞች ግንባር ዘብም ላለፉት ሁለት አመታት በትጋት ያገለገሉትን አመራሮች በማመስገን ለቀጣዩ አመታት ደሞ የተወሰን ማስተካከያና መተካካት ለማድረግ እጩዎችንም አሳውቆዋል:: ድርጅቱ በቀጣይ ሊሰራ ያቀዳቸውን ነገሮች በዝርዝር አቅርቦ ከአባላት የተነሱ ጥያቄዎችን በመመለስ ስብሰባው ተጠናቆዋል::

ለመሆኑ በአገሩ ሊቃነ ጳጳሳት፣ ጳጳሳት፣ መነኮሳት፣ ቀሳውስት — ሼሆች፣ ሽማግሌዎች በአገሩ የለንም? /መስፍን ወልደ ማርያም/

አውነቱ ይውጣ!

ሴቶችን በወንዶች ፊት፣ ወንዶችን በሴቶች ፊት ልብስ እያስወለቁ የአካላቸውን ክፍሎች ሁሉ ለማየት የሚያስችል አንቅስቃሴ አንዲሠሩ ማስገደድ በሽተኞችን ያስደስታል፤ የምርመራ ዘዴ ግን አይደለም፤ ውርደት እንዲሰማቸው ከሆነ በወራዶች ሰዎች ፊት የምን መዋረድ አለ? ወራዶች እነሱ ደረጃ ላይ ከእነሱ ጋር ያስተካክላሉ አንጂ አያዋርዱም፤ በሌላ አነጋገር ወራዶች አያዋርዱም፤ ወራዶቹ ደንቆሮዎችም ሆነው ነው እንጂ ልብስ የሚያስወልቁ እነሱ ብቻ አይደሉም፤ ሀኪሞችም ልብስ አስወልቀው፣ አጋድመው በጣታቸውም ሆነ በመሣሪያ የፈለጉትን የአካል ክፍል አንደፈለጉ ያደርጉታል፤ ወራዶቹና ደንቆሮዎቹ ከሚያደርጉት የሀኪሞቹ የሚለየው ሀኪሞቹ ሰዎችን ለማዳን ሲሉ ነው፤ ወራዶቹና ደንቆሮዎቹ ግን የራሳቸውን ሱስ ለማርካት፣ የራሳቸውን ህመም ለማስታገስ ነው፤ ወራዶቹንና ደንቆሮዎቹን ከመለዮአቸው አራቁቻቸዋለሁ!
ከነውር በቃላት ወደነውር በተግባር፣ ያውም በመሥሪያ ቤት! ዱሮ ዱሮ ከቀዳማዊ ኃይለ ሥላሴ ቲያትር ፊት ለፊት የአንድ ኢጣልያዊ ቡና ቤት ነበር፤ እዚያ ውጭ ተቀምጠን ቡና ስንጠጣ አንዲት ውብ ሴት ወደጸጉር መሥሪያው ቤት ስትመጣ የሁላችንም ዓይኖች እየዘለሉ እስዋ ላይ ዐረፉ፤ ከሦስታችን አንዱ ስለሴትዮዋ የወሲብ ችሎታ በዝርዝር መናገር ሲጀምር ሁለታችን ተያየንና አፈርን፤ ጨዋታው የጣመለት መስሎት ሲቀጥል የሕግ ባለሙያ የሆነ ጓደኛዬ አቋረጠውና ‹‹ስማ! ይህን ጊዜ እናትህ በአንድ ቦታ ስታልፍ አንዱ እንዳንተ ያለ ስለስዋ ችሎታ ያወራ ይሆናል!›› አለው፤ ሊጠጣ ወደአፉ ያስጠጋውን ስኒ ቁጭ አደረገና ተነሥቶ ሄደ፡፡
ሥልጣን ተሰጥቷቸው ሴቶችን ልብስ እያስወለቁ ምርመራ ነው የሚሉ በእናቶቻቸውና በእኅቶቻቸው ላይ ሊደርስ እንደሚችል አይገነዘቡም ይሆናል፤ ደንቆሮ የሚያደርጋቸውም ይኸው ነው፤ የአንዱ እናት አንድ ቦታ ላይ ራቁትዋን ቆማ በሽተኞች ተሰብስበው ሲስቁባት፣ በሌላ ቦታ ደግሞ ጓደኛው የእሱን እናት ወይም እኅት ያንኑ እያደረገ ያስቅባት ይሆናል፤ አንተ በእኔ እናትና በእኔ አኅት አስቅባቸው፤ እኔ ደግሞ በአንተ እናትና በአንተ እኅት አስቅባቸዋለሁ፤ ይህንን እየሠራን ኑሮአችንን እናቃናለን፤ እቤታቸው ሲገቡና ከእናቶቻቸውና ከእኅቶቻቸው ጋር ሲቀመጡና ሲበሉ (?!) ሰው ይመስላሉ፤ እነዚያም ግፉ የተፈጸመባቸው እናቶችና እኅቶች ‹ነውራቸውን› ምሥጢር አድርገው ለሰው ስለማይናገሩ ግፈኞችና የግፍ ሰለባዎች አብረው ይበላሉ!
አሁን ለመጀመሪያ ጊዜ አንዳንድ ሴቶች የደረሰባቸውን ተናገሩ፤ አሁን ያፍራሉ የተባሉት እውነቱን ራቁቱን አወጡትና ከእፍረት ነጻ ወጡ! እውነቱ ሲወጣ የሚያፍረው ማን ነው? ደካማዎቹና የግፍ ሰለባ የነበሩት በጭራሽ አያፍሩም፤ የሚያፍሩት ግፈኞቹ ናቸው፤ የሚያፍሩት የሕዝብን አደራ በማቆሸሻቸው፣ በሥልጣን በመባለጋቸው፣ የሕዝብንና የአገርን ክብር በማዋረዳቸው ያፍራሉ፤ ኅሊናቸው በየቀኑ ነፍሳቸውን አርባ ሲገርፋት እየሳሳች እንቅልፍ ትነሳቸዋለች፡፡
ለመሆኑ በአገሩ ሊቃነ ጳጳሳት፣ ጳጳሳት፣ መነኮሳት፣ ቀሳውስት — ሼሆች፣ ሽማግሌዎች በአገሩ የለንም?
መስፍን ወልደ ማርያም