Archive | March 13, 2017

በቆሼ ተቀብረው ነዋሪዎች ካለቁባቸው ቤቶች አብዛኛው ህጋዊ ምሪቶች ናቸው ተባለ


ቅዳሜ ምሽት ሁለት ሰዓት በተፈጠረው የቆሻሻ ክምር መደርመስ ከተቀበሩት ቤቶች አብዛኛዎቹ በቀድሞ መንግስት ጊዜ በህጋዊ መንገድ በማህበር ተመርተው የተሰሩ መሆናቸውን ከአካባቢው ነዋሪዎች መረዳት ችያለሁ፡፡ዛሬ ረፋዱ ላይ በሥፍራው ተገኝቼ እየተደረገ ያለውን ፍለጋ ተመልክቼአለሁ፡፡የአካባቢውን ነዋሪዎች አነጋግሬ ባገኘሁት መረጃ መሠረት ‹‹ከተደረመሱት ቤቶች ውስጥ አብዛኛዎቹ በቀድሞ መንግስት ዘመን በህጋዊ መንገድ ተመርተው የተሰሩ ህጋዊ ቤቶች መሆናቸውን ነግረውኛል፡፡ያለቀው ህዝብ ይህ ብቻ አይደለም፡፡ገና ግሹም አልወጣም›› ሲሉም በእርግጠኝነት ይናገራሉ፡፡‹‹ከ30 ቤቶች በላይ ተብረዋል፡፡በእያንዳንዱ ቤት የሚከራዩ ቤቶች አሉ፡፡በአንድ ቤት ግቢ ብቻ 8 አባወራ ተከራዮች ነበሩ፡፡የዚህ ሁሉ አስክሬን መቼ ወጣ ሲሉ እንባ እያነቡ ይናገራሉ፡፡የመሬቱ መደርመስ መንስኤው እስካሁን ግልጽ አይደለም፡፡

Bezuayehu Wondimu Feysa