Archive | July 2017

ኢትዮጵያ የህዝብ ቁጥሯን ካልመጠነች የመካከለኛ ገቢ ዕቅዷ አይሳካም

 

· ከ35 ዓመት በኋላ የህዝቡ ቁጥር ከ204 ሚ. በላይ እንደሚሆን ተገምቷል
· እንግሊዝ ለቤተሰብ ምጣኔ አገልግሎት 90 ሚሊዮን ዩሮ እሰጣለሁ ብላለች
· “በ2017 ኢትዮጵያ በኢኮኖሚ እድገት ከዓለም ቀዳሚዋ ነች” – የዓለም ባንክ
· ኡዝቤክስታን፣ ኔፓል፣ ህንድ በዕድገት ኢትዮጵያን ይከተላሉ 

(አዲስ አድማስ )  ኢትዮጵያ ፈጣን የህዝብ ቁጥር እድገቷን ካልመጠነች በ2025 መካከለኛ ገቢ ካላቸው ሀገራት ተርታ መሰለፍ እንደማትችል ሰሞኑን ለንደን ላይ በተደረገ ጉባኤ የተገለፀ ሲሆን እንግሊዝ በበኩሏ፤ በፍቃደኝነት ላይ ለሚመሰረት የቤተሰብ ምጣኔ አገልግሎት 90 ሚሊዮን ዩሮ ድጋፍ አደርጋለሁ ብላለች፡፡
ባለፉት 25 ዓመታት ኢትዮጵያ በቤተሰብ ምጣኔ የተሻለ ለውጥ ብታመጣም የህዝቧ ቁጥር በእጥፍ ከመጨመር አልታደገውም ተብሏል፡፡ ከዛሬ 25 ዓመት በፊት 50 ሚሊዮን ገደማ የነበረው የሀገሪቱ የህዝብ ቁጥር፤ በአሁን ወቅት ወደ 102 ሚሊዮን ማደጉ ተጠቁሟል፡፡
ከሦስት እናቶች አንዷ የወሊድ መቆጣጠሪያ ተጠቃሚ በሆነችበት ኢትዮጵያ፤ አሁንም እናቶች የወሊድ መቆጣጠሪያ እንዲጠቀሙ ካልተደረገ ከ35 ዓመት በኋላ የሀገሪቱ የህዝብ ቁጥር በእጥፍ አድጎ፣ ከ204 ሚሊዮን በላይ እንደሚሆን ተገምቷል። ይህም ሀገሪቱ ከ8 ዓመት በኋላ መካከለኛ ገቢ ካላቸው ሃገራት ተርታ ለመሠለፍ በያዘችው እቅድ ላይ እንቅፋት ይፈጥራል ተብሏል፡፡
ኢትዮጵያ ለምታከናውነው የቤተሰብ እቅድ እንግሊዝ 90 ሚሊዮን ዩሮ ድጋፍ እንደምታደርግ ያስታወቀች ሲሆን ድጋፉም በሚቀጥሉት አራት አመታት ውስጥ ከ3 ሚሊዮን በላይ አዳዲስ እናቶችን የቤተሰብ ምጣኔ ተጠቃሚ እንዲሆኑ ያደርጋል፤ በተጨማሪም ቀድሞ መቆጣጠሪያ የማይጠቀሙ ለነበሩ 6 ሚሊዮን እናቶች ያልተቋረጠ ድጋፍ ለማድረግ ይውላል ተብሏል፡፡ 13 ሚሊዮን እናቶችም በፍቃደኝነት ላይ የተመሠረተ የቤተሰብ ምጣኔ ተጠቃሚ እንዲሆኑ ትምህርት እንደሚሰጣቸው ተገልጿል፡፡
ሰሞኑን በለንደን በቤተሰብ ምጣኔ ላይ የመከረው ጉባዔ የተዘጋጀው በእንግሊዝ አለማቀፍ ልማት ፅ/ቤት፣ በቢል እና ሚሊንዳ ጌትስ ፋውንዴሽን እንዲሁም በተባበሩት መንግስታት የስነ ህዝብ ፈንድ ትብብር መሆኑ ታውቋል፡፡
በሌላ በኩል የዓለም ባንክ ሰሞኑን ባወጣው የ2017 ዓለም ሀገራት የኢኮኖሚ እድገት ትንበያ፤ ኢትዮጵያ በአማካይ 8.3 በመቶ አገራዊ ጠቅላላ ምርት (GDP) ምጣኔ በማስመዝገብ ከዓለም ቀዳሚዋ ሆናለች ብሏል፡፡
ኡዝቤክስታን በአማካይ 7.6 በመቶ በማስመዝገብ፣ ኔፓል 7.5 በመቶ እንዲሁም ህንድ 7.2 በመቶ በማስመዝገብ ከ2ኛ እስከ 4ኛ ያለውን ደረጃ ይይዛሉ ተብሏል፡፡
በ2017 ፈጣን አዳጊ ይሆናሉ ከተባሉት 10 የዓለም ሀገራት መካከል ጅቡቲ፣ ላኦስ፣ ካምቦዲያ፣ ፊሊፒንስ እና ማይናማር ይገኙበታል፡፡ ቻይና 8.5 በመቶ በማስመዝገብ በ16ኛ ደረጃ ላይ ተቀምጣለች።
የኢኮኖሚ ዕድገት መለኪያዎች በአገራችንም ሆነ በዓለም አቀፍ ደረጃ ሲያከራክሩ ቆይተዋል፡፡ የኖቤል ተሸላሚው ኢኮኖሚስት ጀሴፍ ስቲግሌዝ፣ የአይኤምኤፍ ዳይሬክተር ክርስቲና ላጋርድን ጨምሮ አለማቀፍ ምሁራን፤ አገራዊ ጠቅላላ ምርት (GDP) ሁነኛ የዕድገት መለኪያ አለመሆኑን የሚሞግቱ ሲሆን የዕድገት መለኪያዎች መሆን ያለባቸው፡- የዜጎች የስራ ዕድል፣ የጤና ዋስትና፣ ናቸው ይላሉ፡፡ GDP የአየር ጠባይ ለውጥን እንኳን የማያገናዝብ መለኪያ በመሆኑ ትክክለኛ መለኪያ ወይም ተጨባጩን እውነታ የሚያሳይ አይደለም ብለዋል፡፡

39 EU parliament members call for Ethiopia human rights investigation

EU parliament members

(Africa Times) — A new letter signed by 39 members of the European Union Parliament asks for a full inquiry into human rights violations in Ethiopia, while calling into question the accuracy and impartiality of a controversial report completed by the Ethiopian Human Rights Commission in April.

The letter to Federica Mogherini, High Representative of the EU for Foreign Affairs, notes Ethiopia’s steadfast refusal to permit an independent investigation into human rights violations since the 2016 protests began, primarily among the Oromo people.

“We believe that an independent investigation would shed light on the real number of casualties and the extent of the military pressure,” the MP letter issued on Friday said. “The Ethiopian government must be held accountable for its human rights violations, and all those detained for exercising their legitimate freedom of expression must be released.”

In addition to specific concerns about systematic sexual violence committed against women and girls in the Oromo and Ogadeni communities, the letter recalls the detention of British citizen Andy Tsege, an Ethiopian rights activist facing a death sentence who was abducted and taken to Ethiopia in 2014.

“The European Union is a major partner for Ethiopia and among the most important donors of foreign aid to the country,” the letter concludes. “As a leader on human rights in the world, the EU should more publicly share its concerns regarding the fulfilment by Ethiopia of its human rights obligations, and act accordingly.”

Ethiopia remains under a state of emergency following a four-month extension of the decision made last October immediately after the Irreecha Festival crisis. The emergency declaration expires at the end of July unless the Ethiopian parliament approves another extension.

የአዲስ አበባ ከተማን ህዝብ ራሱን በራሱ የማስተዳደር መብት የሚጥስ አዋጅ አጥብቀን እንቃወማለን! (የሰማያዊ ፓርቲ ብሔራዊ ሸንጎ)

ከሰማያዊ ፓርቲ ብሔራዊ ሸንጎ የተሰጠ መግለጫ

ህወሀት/ኢህአዴግ በ100 ፐርሰንት አሸንፊያለሁ ብሎ ባወጀ ማግስት በመላ ሀገራችን በሁሉም አቅጣጫ እንደየአካባቢው ተጨባጭ ሁኔታ የነፃነት፣ የእኩልነትና የዴሞክራሲ ጥያቄን በማንገብ የኢትዮጵያ ህዝብ የህይወት መስዋዕትነት እየከፈለ ነው፡፡አገዛዙ ይህንን መሰረታዊ የለውጥ ጥያቄ ለማዳፈን ሲል ለማመን በሚከብድ ሁኔታ አስተዳድረዋለሁ በሚለው ህዝብ ላይ ግድያ፣ የጅምላ እስር እና ማፈናቀል ዋነኛ ተግባሩ አድርጎታል፡፡ በዚህ የአገዛዙ ኢ-ሰብዓዊ እርምጃም ቢሆን የኢትዮጵያን ህዝብ የለውጥ ጥያቄ ማስቆም ባለመቻሉ በድንጋጤና ባልታሰበበት ሁኔታ የኢትዮጵያን ህዝብ ለመከፋፈል እና በጥርጣሬ እንዲተያይ ለማድረግ አዲስ ረቂቅ አዋጅ ይዞ ብቅ ብሏል፡፡Semayawi party to welcome Andinet members

ይህ በሚኒስትሮች ምክር ቤት ተረቀቀ የተባለው አዋጅ በጥድፊያ የወጣ፣ግልፅነት የጎደለው፣ህገ መንግስቱን የጣሰ፣በመረጃና በጥናት ላይ ያልተመረኮዘ፣አጠቃላይ የዴሞክሰራሲ መርሆና ከህገ መንግስቱ አንቀፅ 49 አላማ ጋር በእጅጉ የተቃረነና ህዝብን ከህዝብ በማጋጨት አገዛዙ የተነሳበትን የፖለቲካ ትኩሳት ለማብረድ በማሰብ የተቀነባበረ ግልብ ሴራ ነው፡፡

አገዛዙ በተቆጣጠራቸው መገናኛ ብዙሃን እንደተገለፀው በዚህ አዋጅ የማርቀቅ ሂደት ላይ የተሳተፉት አካለት የኦሮሚያ ክልል መንግስት፣ኦህዴድ፣የአዲስ አበባ ከተማ አስተዳደር እና ከፍተኛ የመንግስት ሃላፊዎች እንደሆኑ ተገልፅዋል፡፡ይህ ከሆነ ደግሞ አዲስ አበባን ከሚያስተዳድሩትም ሆነ በፌደራል ፓርላማ 100 ፐርሰንት አሸንፊያለሁ ያለው ኢህአዴግና አጋሮቹ ውስጥ እንደ ድርጅት ኦህዴድ ብቻ መሳተፉና ሌሎች ማለትም ብአዴን፣ደህዴንና ህወሃት እንዳይሳተፉ መደረጋቸው በድርጅቱም ውስጥ ታስቦበትና ሙሉ ስምምነት ተደርሶበት የተዘጋጀ ረቂቅ አለመሆኑን እና ተራ የፖለቲካ ሸቀጥ መሆኑን ግልፅ ማሳያ ነው፡፡በዚሁ መግለጫ ላይ አንደተገለፀው በአዲስ አበባ ማስተር ፕላን መስፋፋት ለተፈናቀሉና ወደፊትም ለሚፈናቀሉ ሰዎች ካሳ የሚከፈለው ለኦሮሞ ብሄር ተወላጅ አርሶ አደሮች እንደሆነ ተገልጧል፡፡ይህም ማለት በዚህ አዋጅ መሰረት በአዲስ አበባ ማስተር ፕላን መስፋፋት ምክንያት ለሚፈናቀሉ ኦሮሞ ያልሆኑ ኢትዮጵያውያን አርሶ አደሮች ካሳ የማግኘት መብት የላቸውም ማለት ነው፡፡ ይህ አገላለፅ የዜጎችን ተዘዋውሮ የመስራትና ሀብት የማፍራት ህገ መንግስታዊ መብት የሚነጥቅ በመሆኑ ረቂቅ አዋጁ ተቀባይነት የለውም፡፡

የህገ መንግስቱ አንቀፅ 49/5 ዓላማ የአገልግሎት አቅርቦትን፣የተፈጥሮ ሀብት አጠቃቀምናን እና የጋራ አስተዳደራዊ ጉዳዮችን አፈፃፀም የተመለከተ ሲሆን ይህ ተረቀቀ የተባለው አዋጅ ግን ከዚህ አንቀፅ በተቃራኒው ተለጥጦ የአዲስ አበባን ህዝብ ራስን በራስ የማስተዳደር ህገ መንግስታዊ መብት በመንጠቅ ኦሮሞነትን በላዩ ላይ በመጫንና ተገዶ እንዲቀበል በማድረግ ኦሮሞ ያልሆነው የአዲስ አበባ ህዝብ በገዛ ሀገሩ ባይታወርነት እና እንግድነት እንዲሰማው የሚያደርግ ጨቋኝ አዋጅ ነው፡፡

በዚህ ተረቀቀ በተባለው አዋጅ በአዲስ አበባ የሚኖሩ የኦሮሚያ ክልል መንግስት ሰራተኞች ተመዝግበው ቤት የማግኘት መብት እንዲከበርላቸው ይደነግጋል፡፡ በመሰረቱ የኦሮሚያ ከልላዊ መንግስት ዋና ከተማ አዳማ መሆኗን በ1994 ዓ.ም የተሸሻለው የክልሉ ህገ መንግስት አንቀፅ 6 ይደነግጋል፡፡ይህ ሆኖ እያለ ህወሃት/ ኢህአዴግ በ1997 ዓ.ም በተካሄደው ምርጫ አዲስ አበባ ከተማ ላይ በደረሰበት አስደንጋጭ ሽንፈት ምክንያት የወቅቱ የድርጅቱ ሊቀመንበር አቶ መለስ ዜናዊ በምርጫው ማግስት የኦሮሚያ ክልልን ህገ መንግስት በመጣስ በፖለቲካ ውሳኔ የአዳማ ከተማ የኦሮሚያ ክልል ዋና ከተማነት መብትን በመንጠቅና ወደ ህዝብ የመቅረብ መሰረታዊ የፌደራሊዝም ፅንሰ ሃሳብ በመጣስ ወደ አዲስ አበባ እንዲዛወር አድርገዋል፡፡ይህ ውሳኔ የክልሉን ህገ መንግስት ያላከበረ ስለሆነ ሊፀድቅም ሊፈፀምም አይገባም፡፡

በፌደራሉ ህገ መንግስት መሰረት 9 ክልሎችና ሁለት የከተማ አስተዳደሮች እንዳሉ ሲታወቅ አዲስ አበባ በዚህ ህገ መንግስት በአንቀፅ 49/2 መሰረት ራሱን በራሱ የማስተዳደር መብትና የራሱን የስራ ቋንቋ የመወሰን መብቱ የአዲስ አበባ ህዝብ እና የሚወክላቸው አካላት ብቻ መሆኑ በግልፅ ተደንግጓል፡፡ይህንን ህገ መንግስታዊ መብት በመጣስ የአዲስ አበባ አስተዳድርን የስራ ቋንቋ የሚወስን አዋጅ በፌደራል መንግስት ማውጣት በራሱ በህገ መንግሰቱ አንቀፅ 9 መሰረት ተቀባይነት የለውም፡፡ከዚህም በተጨማሪ በአዲስ አበባ ከተማ አስተዳደር ኦሮሞኛን የስራ ቋንቋ ማድረግ አዲስ አበባ ተወልደው ያደጉ ኦሮሞ ያልሆኑ ኢትዮጵያውያንን ከስራ እድል በማግለል ኦሮሞ ለሆኑ ኢትዮጵያውያን ቅድሚያ ለመስጠት በማስመሰል በዜጎች መካከል አላስፈላጊ የጥቅም ግጭት እንዲፈጠር የሚያደርግና በህዝብ መካከል ያለውን መስተጋብር የሚንድ መርዘኛ አዋጅ በመሆኑ በፍፁም ተቀባይነት የለውም፡፡

ከላይ በገለፅናቸው ማሳያ ነጥቦች መሰረት ይህ ተረቀቀ የተባለው አዋጅ የህግም ሆነ የሞራል መሰረት የሌለው ስለሆነ በአስቸኳይ አንዲቆምና የኦሮሚያ ክልል መንግስትም የአዳማን የክልል ርዕሰ ከተማነት ህገ መንግስታዊ መብትን በማክበር አሰተዳደሩን ወደ አዳማ እንዲያዛውርና የአዳማ ከተማ በክልሉ ህገ መንግስት የተሰጠውን የክልል ከተማነት መብት ተከብሮ ከዚህ ጋር በተያያዘ የሚገኙ የኢኮኖሚ፣የፖለቲካ እና የማህበራዊ እድገት ተፈፃሚ እንዲሆን በአፅንዖት እንጠይቃለን፡፡በመጨረሻም ረቂቅ አዋጁ ህወሀት/ኢህአዴግ የኢትዮጵያን መሰረታዊ የህዝብ ጥያዌ ለመመለስ አቅምም ሆነ ፍላጎት እንደሌለው በግልፅ የሚያሳይ ከመሆኑም ባሻገር ለስልጣኔ ይጠቅመኛል ያለውን ሁሉ በህዝብ ላይ ከመፈም ወደኋል እንደማይል ከድርጊቱ ተገንዝበናል፡፡ ስለዚህ የኢትዮጵያ ህዝብ በተለይም የአዲስ አበባ ህዝብ ይህንን ተረቀቀ የተባለውን ከፋፋይና መርዘኛ ረቂቅ አዋጅ ውድቅ እንዲሆን ጥቃቅን ልዩነቶችን በማሶገድ መሰረታዊ ለሆነው ለኢትዮጵያ ህዝብ ነፃነት፣እኩልነትና ዴሞክራሲያዊ አስተዳደር አውን መሆን ላይ በማተኮር በአንድነት ትግሉን አጠናክሮ እንዲቀጥል ጥሪያችንን እናስተላልፋለን፡፡

ድል ለኢትዮጵያ ህዝብ!
ሰኔ 25 ቀን 2009 ዓ.ም

የኢህአግዘ /EPPFG/ የ ሶስት ወሩን መደበኛ ስብሰባ አካሄደ

 

Reported by Alemayehu Kidanewold

Photo by Michael Mekonnen

 

በጀርመን ፍራንክፈርት ከተማ July 1, 2017 ዓ ም የኢትዮጵያ ህዝብ አርበኞች ግንባር ዘብ /EPPF Guard/ የ ሶስት ወሩን መደበኛ ስብሰባ አካሄደ:: በአቶ ልዑል ቀስቅስ የመክፈቻ ንግግር የተጀመረው ስብሰባ በጣም በርካታ ህዝብ የተገኘበት እና በዙ የመወያያ ሃሳቦች የተስተናገዱበት ስብሰባ ሆንዋል::

image-0-02-05-d54cc442eb5e77843d4c7bfe7306adb6fa162435078cc2198dacd7530d918702-V

አቶ ልዑል ለተሰብሳቢዎቹ ስለ ውቅታዊው የኢትዮጵያ ሁኔታ ማለትም የወያኔ ወሮበላ ቡድን በኢትዮጵያ ብሄር ብሄረሰቦች ላይ እየሰራ ያለውን በዘር እና በጎሳ ከፋፍሎ የመግዛት እና የራሱን የስልጣን ዘመን ለማርዘም እየተጠቀመበት ያለውን እርስ በእርስ የማጋጨት ስራ በመቃወም እንዲሁም በቅርቡ የኦሮሞን እና የአማራ ህዝቦችን እንቅስቃሴ ለማዳከምና ለማከሸፍ በአዲስ አበባ ላይ ለኦሮሞ ህዝብ ጥቅም በማስመሰል እየሰራ ያለውን ድራማ ማንም ሰው የሚረዳውና ለኦሮሞ የመብት ጥያቄ አንዳችም መልስ የማይሰጥ እንደሆነ በአጽንኦት ተናገረዋል ::

በስብሰባው ላይ ከተነሱትም አስተያየቶች መካከል የኢትዮጵያ ህዝብ ችግር የዴሞክራሲ ፣ የፍትህ ፣ የነጻነት ፣ ህብረተሰቡ በሰላም ያለ ስጋት ሰራተኛው ሰርቶ ፣ ነጋዴው ነግዶ ፣ ገበሬው አርሶ ፣ ተማሪው ተምሮ ለፍቶ ወዘተ…… እሚኖርባትን ኢትዮጵያ ለመፍጠር እና እኩል ፍትሃዊ የሆነ የሃብት ክፍፍል እንዲኖር ፣ የታሰሩት የፖለቲካ እስረኞች እና ጋዜጠኞች እንዲፈቱ እና ሌሎችም መሰረታዊ ጉዳዮች እያሉ ፥ ወያኔ በባለፈ ታሪክ በማይረባ የፖለቲካ ቁማር ለሃገር መበታተን ቅንጣት ታክል ሳያስቡ በሃይማኖት ፣ በዘር እና በጎሳ በመከፋፈል በመግደል ፣ መማሰር እና አብዛኛውንም ለስደት በመዳረግ ላይ ስለሆነ ይህንን ዘረኛና ከፋፋይ ቡድን በአንድነት ሆነን ልንታገለው እንደሚገባ ተወያይተዋል ::

ሃገር ልትቀየር የምትችለው በንጹህ የሃገር ፍቅር ፣ በእውቀት ፣ በስራ እንዲሁም እጅ ለእጅ ተያይዘን ወደፊት በመራመድ ሲሆን የወያኔ ስርአት ግን ለህዝቡ የማይጠፋ እሳትን በማቀጣጠል እርስ በእርሱ እንዲባላን እንዲጨራረስ ለማድረግ እንዲሁም ያለፈን የሃሰት ታሪክ በማጣቀስ ህዝቡ በግድ በዛሬው ታሪክ ሳይሆን በአለፈ የውሸት የፈጠራ ታሪክ እርስ በእርስ በማናከስ እየኖረ እንደሆነ ሁሉም ሰው ሊረዳው እንደሚገባ እና ትናንት ታልቅ የነበርችውን ሃገራችንን ከገባችበት ትልቅ የመከራ አዘቅት ውስጥ ማንም ሳይሆን እራሳችን አውጥተን ለቀጣይ ትውልድ ማስተላለፍ እንደሚገባ በስፋት ተነስቶዋል::

ይህንንም ለማድረግ ሁሉም ተሰብሳቢ በመቆም እና እጅ ለእጅ በመያያዝ በባለፈው ታሪክ ይቅር በመባባል በሃይማኖት ፣ በዘር እና በጎሳ መከፋፈልሉን ወደሁዋላ በመተው ለውደፊቱ በጽናት እና በአንድነት ለልጅ ልጆቻችን የሚተርፍን ታሪክ ለመስራት ኢትዮጵያ ሃገራችንን ዳግም ከፍ ለማድረግ ቃል በመግባት ስብሰባው ተጠናቆዋል ::