Archive | November 18, 2017

አጠብቂኝ በቃ!

 

ጠዋ…ት ተነስቼ – እንደ ወፍ በርሬ
እመጣለሁ ያልኩሽ? ተይው በቃ ውዴ
አጠብቂኝ ይቅር! አልመጣም ጨርሶ 
ክረምቱ እስኪያበቃ – ጨለማውን ገፎ::
ይህ ጥቁር ደመና – ጉሙን ያረገዘው
ለሊቱን አርዝሞ – ቀኑን ያሳጠረው
ተበትኖ እስኪጠፋ
አጠብቂኝ በቃ!

ይህ የኔ ህይወት ቀኑን የተቀማ
እንኩዋን ላንቺ ሊሆን ለራሱም ያልቀና
ቢመጣም ችግር ነው ብሶትና ‘ሮሮ
በኑሮ ውጣውረድ ጭንቅላቱ ሰክሮ
አጠብቂኝ በቃ አ..ጠ..ብ..ቂ..ኝ በቃ!

ያ የብርሃን ንጉስ – የጸሃይቱ ጌታ
ስራዬን አይቶልኝ – አሁን አለሁ ሲለኝ!
ፍሬዬን ባርኮልኝ – ዘሬን አብዝቶልኝ
ከዛ አይሻለሁ – በንጋት ገስግሼ
ጨርቄን ማቄን ሳልል – ያለኝን ለብሼ::
እውነት… እ…ውነት ውዴ!
ለኔ በቂዬ ነው የጸሃይዋ ድምቀት
ያኔ ይታየኛል ያንቺ ምስጢርነት::