Archive | February 2018

የኢትዮጵያ ህዝብ አርበኞች ግንባር ዘብ መደበኛ ስብሰባውን በአሻፍንበርግ ከተማ አካሄደ

News Report by Alemayehu kidanewold

Photo by Michael Mekonnen

በየሶስት ወሩ የሚያደርገው የኢትዮጵያ ህዝብ አርበኞች ግንባር ዘብ መደበኛ ስብሰባውን February 10,2018 በአሻፍንበርግ ከተማ አካሄድዋል:: በስብሰባው ላይም ብዛት ያላቸው የድርጅቱ አባላት የተገኙ ሲሆን ወቅታዊ ሰለሆነውም የሃገራችን ሁኔታ በሰፊው ተወያይተዋል::

የኢትዮጵያ ህዝብ አርበኞች ግንባር ዘብ መደበኛ ስብሰባውን በድርጅቱ ዋና ሊቀመንበር በአቶ ልዑል ቀስቅስ የመክፈቻ ንግግርና የሃገራችን የወቅቱን የፖተቲካ ሁኔት በማንሳት የተጀመረውን ትግልና የህዝብ እንቢተኝነትን በመደገፍ ምንጊዜም ከጎኑ ልንቆምለት እንደሚገባ በአጽንኦት ተናግረዋል::

የወያኔ ስርአት ሃያ ሰባት አመት ሙሉ ህዝብን ከህዝብ በማጋጨት የራሱን የስልጣን እድሜ ለማራዘም የሚያደርገውን ያለፈበትን ብልጠት በቃህ ልንለውና ማንኛውም የኢትዮጵያ ህዝብ ብሄርን ከብሄር ፣ ሃይማኖትን ከሃይማኖት የሚያጋጩትን ሰዎች ለይቶ በማወቅ እጅ ለእጅ ተያይዞ ለአንድ አላማ በጋራ መቆም እንደሚገባውም አሳስበዋል::

ተሳታፊዎቹም አሁን የደረስንበት የለውጥ ሰአት በቀላሉ የተገኘ ሳይሆን ብዙዎች የተሰዉበትና ብዙዎችም ለእስር ፣ ለእንግልትና ለስደት ያበቃ በመሆኑ በምንም ተአምር ተመልሶ እንዳይገለበጥ እና ተመልሰን ወደ ድሮው ሰቃይና መከራ ላለመግባት ሁሉም ለውጥ ፣ ሰላምና ዲሞክራሲ ወዳድ ኢትዮጵያዊን በአንድነት ሊቆምና በጋራ መታገል እንደሚያስፈልግ ተናግረዋል::

Advertisements

የኢትዮጵያ መንግስት ከሁሉም ወገኖች ጋር ሁሉን አቀፍ ንግግር እንዲጀምር የአውሮፓ ህብረት አሳሰበ

(ኢሳት ዲሲ–የካቲት 12/2010) የኢትዮጵያ መንግስት ከሁሉም ወገኖች ጋር ሁሉን አቀፍ ንግግር እንዲጀምር የአውሮፓ ህብረት አሳሰበ። የጠቅላይ ሚኒስትር ሃይለማርያም ደሳለኝ በድንገት ከስልጣን የመልቀቅ ርምጃም በሃገሪቱ ያልተጠበቁ ሁኔታዎችን መደቀኑን ህብረቱ አስታወቋል። የአውሮፓ ህብረት ዛሬ ባሰራጨው በዚህ መግለጫ የአስቸኳይ ግዜ አዋጁ እንደገና መታወጁም በዘላቂ መፍትሄ ጥረቱ ላይ አደጋ መደቀኑንም ገልጿል። በአዲሱ ጠቅላይ ሚኒስትር የሚዋቀረው መንግስት የተጀመሩ በጎ ርምጃዎችን አጠናክሮ እንዲቀጥል ሙሉ አቅም ሊኖረው እንደሚገባም አሳስቧል። ከሚመለከታቸው ወገኖች ጋር የሚደረግ ንግግር ለቀውሱ ዘላቂና ሰላማዊ መፍትሄ እንደሚያመጣ የገለጸው የአውሮፓ ህብረት ባለስልጣናት፣ተቃዋሚዎች፣መገናኛ ብዙሃንና ሲቪል ሶሳይቲ መካከል ንግግር እንዲጀመርም ጥሪ አቅርቧል። የአስቸኳይ ጊዜ አዋጅ እንደገና ተመልሶ መምጣቱ ዘላቂ መፍትሄ ፍለጋውን ለአደጋ ማጋለጡን ሆኖም በአጭር ጊዜ ገደብ ውስጥ መፍትሄ እንዲያገኝ ጥሪ ቀርቧል። በሃገሪቱ ሕገ መንግስት የሰፈሩ ሰብአዊ መብቶች እንዲሁም መሰረታዊ ነጻነቶች እንደተጠበቁና የአመጽ ድርጊቶችም እንዲወግዱ የአውሮፓ ህብረት የውጭ ጉዳይና ሴኪዩሪቲ ፖሊሲ ቃል አቀባይዋ ካትሪን ሬይ በኩል ባወጣው መገለጫ አሳስቧል።

flag

የእነ በቀለ ገርባ ክስ ተቋረጠ

የእነ በቀለ ገርባ ክስ የተቋረጠው… በእነ ጃዋር የአመጽ ጥሪ ወይስ በመንግሥት ዕቅድ? እነ ኦቦ ለማ የእነ ኦቦ በቀለ ገርባን ክስ አስቋረጡ ወይስ የፌዴራል መንግሥት አመጹን ተከትሎ ወሰነው?
(የኦሮሞ ሕዝብ፣ የእነ ጃዋር እና የእነ ለማ ፖለቲካዊ አጨዋወት አንድ አቅጣጫን የያዘ ይመስላል። የሚፈልጉት ሁሉ እየሆነ ነውና።)

የሀገራሽን ጉምቱ ጉምቱ ፖለቲከኞችና ጋዜጠኞች ከጠባቡ ወህኒ ቤት እየወጡ ነው። እንኳን በጠባቡ ከመታሰር በሰፊው ወደ መታፈን መጥታችሁ ተቀላቀላችሁን ብለናል።

ብአዴን ስብሰባ ላይ ነው። ብአዴን አማራን እወክላለሁ የሚል ፖለቲካዊ ንቅናቄ ነው። በሚሊዮኖች የሚቆጠሩ የአማራ ተወላጆች አባላት ያሉት ድርጅት ነው። (ቆይ ግን ከዚህ ላይ ብአዴንን ምን አስነሳኝ? 🙂 ) “ብአዴን ቢሰበሰብ ባይሰበሰብ… ቢመክር ባይመክር… ምን ይጠቅማል? ምንስ ለውጥ ያመጣል?” ብሎ ለማቃለል ይከብዳል። ማን ያውቃል… ብአዴንም ተለውጦ የምር የአማራ ሕዝብ ትምክህት ይሆን ይሆናል። ኦህዴድን በዚህ ደረጃ የኦሮም ሕዝብ ልብና ሳንባ ይሆናል ብሎ ማን ገምቶ ነበር??? እና ከብአዴንስ በጎውን ብንመኝ ማን ከልክሎን? አንዳንዴ… በፖለቲካ ዓለም ጠላቴ ያልኸው ነፃ አውጭ ወዳጅህ የመሆን ዕድሉ ዝግ አይደለም።

ለማንኛውም… የሀገሬ ፖለቲካ… ያው የአፍሪካ ፖለቲካ ነው። ከግጭትና ከደም ለመጽዳት ገና ብዙ ዘመናትንና ትውልድን ይጨርሳል።

27749995_1643343012425444_1284994562179587141_n

“ጠበቆች ከተነሱ ተከሳሾች እንዲነሱ አይገደዱም” ጠበቃ አብዱልጀባር ሁሴን

 

Oromo Federalist Congress leaders.

የኦፌኮ ምክትል ሊቀመንበር በቀለ ገርባን ጨምሮ አራት የድርጅቱ አመራሮች በድጋሜ በችሎት መድፈር ተፈረደባቸው። የፌደራል ከፍተኛ ፍርድ ቤት ልደታ ምድብ 4ኛ ወንጀል ችሎት በእነ ጉርሜሳ አያኖ ክስ መዝገብ የተከሰሱትን ጉርሜሳ አያኖ፣ ደጀኔ ጣፋ፣ አዲሱ ቡላላ እና በቀለ ገርባ ስማቸው በሚጠራበት ወቅት ባለመነሳታቸው ችሎቱን ደፍረዋል በሚል በአራቱም ላይ የ6 ወር የእስር ቅጣት አስተላልፏል። ፍርድ ቤቱ ተከሳሾቹ ካልተነሱ ማንነታቸውን መለየት እንደማይቻል በመግለፅ ጠበቆቻቸው መክረው እንዲያስነሷቸው ጠይቋል።

ሆኖም ተከሳሾቹ “ባለፈው በመናገራችን ተቀጥተናል” በሚል አንነሳም ማለታቸውን በጠበቆች በኩል ለፍርድ ቤቱ ገልፀዋል። ተከሳሾቹ ስማቸው በሚጠራበት ወቅት ባይነሱም እጃቸውን ያወጡ ሲሆን ፍርድ ቤቱ ካልተነሱ የፍርድ ቤቱን ሕግ ስላላከበሩ እርምጃ እንወስዳለን ብሏል።

የተከሳሾቹ ጠበቃ አብዱልጀባር ሁሴን በበኩላቸው በፍርድ ቤት ማንነትን ማረጋገጥ የሚያስፈልገው ክስ ሲነበብ እንደሆነ፣ መዝገቡ ለዛሬ ጥር 28/2010 የተቀጠረው ለክስ መስማት (ማንበብ) ሳይሆን ፍርድ ለመስጠት ስለሆነ ጠበቆቹ ከቆሙ ተከሳሾች እንዲነሱ አይገደዱም ብለዋል።

ሆኖም ፍርድ ቤቱ ተከሳሾች ባለመቆማቸው ምክንያት የፍርድ ቤቱ ሰዓት በ30 ደቂቃ እንደባከኑና ድርጊቱንም ችሎት መድፈር መሆኑን በመግለፅ ውሳኔውን አስተላልፏል። ተከሳሾቹ ጥር 10/2010 በነበረው ቀጠሮውም በችሎት መድፈር በ6 ወር እስር መቀጣታቸውን አስታውሶ፣ ከባለፈው አልተማሩም በሚል ለ2ኛ ጊዜ የ6 ወር እስር ቅጣት ወስኗል። ጥር 10/2010 ዓም ችሎት ደፍራችኋል በተባሉበት ወቅት በፍርድ ቤት የተናገሩት ተከሳሾቹ ስለዛሬው ውሳኔው አልተናገሩም።

በሌላ በኩል 8ኛ ተከሳሽ ጌቱ ግርማ፣ 11ኛ ተከሳሽ በየነ ሩዳ፣ 12ኛ ተከሳሽ ተስፋየ ሊበንና 14ኛ ተከሳሽ ደረጀ መርጋ በቀጠሮው መሰረት ፍርድ ቤት ያልቀረቡ ሲሆን ዛሬ በችሎት መድፈር 6 ወር የተፈረደባቸውን አራቱን አመራሮች ጨምሮ በሁሉም ላይ ፍርድ ለመስጠት ለየካቲት 28/2010 ዓም ቀጠሮ ተይዟል።