Archives

አንጀሊና ጆሊ ኢትዮጵያ ውስጥ የሰራችው ”ድፍረት” ፊልም በፖሊሶች ድፈረት በርካታ ”ትላልቅ” እንግዶች በተገኙበት ሊመረቅ ሲል ታገደ

(አቤ ቶኪቻው) አንጀሊና ጆሊ ኢትዮጵያ ውስጥ የሰራችው ”ድፍረት” ፊልም በፖሊሶች ድፈረት በርካታ ”ትላልቅ” እንግዶች በተገኙበት ሊመረቅ ሲል ታገደ፤ አርቲስቶች አዝነዋል እኛም የጥንቸሏን ተረት አስታውሰናል…

ሜሮን ጌትነት በመሪ ተዋናይነት ሰርታበታለች የተባለው ይህ ፊልም የታገደው በፖሊሶች ቀጭን ትዛዝ ነው። በርካታ አርቲስቶች የዚህ አይነት ነገር ሲያጋጥማቸው ለመጀመሪያ ግዜ መሆኑን ተናግረዋል። እኛ ግን የነጻ ጋዜጠኞች ማህበር ስብሰባ ፖሊስ በትኑ ሲል ሰምተን እናውቃልን እና፣ የተቃዋሚ ፓርቲዎችን ሰብሰባዎች ከተሰበሰቡ በኋላ ብዙ ጊዜ አምቦውሃው መንግስታችን ሲበትነው አየተናልና፣ የባለራዕይ ወጣቶችን ሰላማዊ ስብሰባ በተደጋጋሚ ያለምንም ሀጋዊ ከለላ ሲያገደው አየተናልና… የዳዊት ጸጋዬ ቲያትር ማስመረቂያ አጥቶ ከሰማያዊ ፓርቲዎች ጋር ቦታ ፍለጋ ሲነከራተት መሰንበቱን እናውቃለነና ኧረ ስንቱ…

(በነገራችን ላይ ዘ ዲክታተር የተባለው አስቂኝ ፊልም እንኳ፤ ባንድ ወቅት ርሳቸው ሬሳ ከመሆናቸው በፊት…(ውይ እኔ ደግሞ አንዳንዴ አበዛዋለሁ አቶ መለስ ”ከመሰዋታቸው” በፊት ማለቴ ነው… እና ያኔ ታግዶ ነበር።) ይሄንን ሁሉ ያልሰሙ አርቲስቶች ዛሬ ተደነቁ እንጂ መንግስታችን ማገድ ብርቁ አይደለም።

የጥንቸሏ ተረት ምን መሰላችሁ…

ዝሆን እና ጥንቸል ሲኒማ ቤት ተገናኙ አሉ፤ ከዛ ዝሆን ሆዬ ከጥንቸል ፊት ሄዱ ቁጭ ብሎ ከለላት አይገልጸውም…(ከፊልም ቤት አስወጣት ብንል ይሻላል…ሃሃ) እና ታድያ ጥንⶨሊት ዝሆንን በቡጢ እየደበደበች በሹክሹክታ ”እረ በናትህ ዝሆን አይደብርህም እንዴ ከለልከኝ እኮ…” እያለች ብትወተውት ብትወተውት አለሰማ አላት… (ዝሆን እኮ ጆሮው ትልቅ ነው እንጂ በተልቁ አይሰማም… ) ከዛ ብዚህ የተበሳጨችው ጥንቸል ከፊት ለፊቱ ሄዳ ቁጭ አለች እና ፊልሟን ኮመኮመች በማብቂያው ላይ ዞር ብላ ”አየህ አይደል የመከለል ነገር እንዴት እንደሚያበሳጭ” አለችው አሉ…

አርቲስቶቻችን የመታገን ነገር አያችሁት አየደል እንዴት እንደሚያበሳጭ… በፊልም እና ድራማ ስራ ተወጥራችሁ ልብ አላላችሁትም እንጂ እናንተ ላይ ሀዝቡ ላይ የደረሰው እገታ ዝሆኑ ጥንቸሏን ሲከልላት የነበረው አይነት ነው…!

ይሄንን እና ሌሎች እገታዎችን ለመቃወም እና መጪው አመት ብሩህ እንዲሆን ለመስበክ ነው‪#‎Blackweek‬ ብለን እየዘከርን ያለነው፤

ለማንኛውም እንሆ ፊልሙ በፖሊስ ቀጭን ትዛዝ ሲታገድ የሚያሳይ ቪዲዮ!

አዲሳባ ስልክ ደውዬ ነበር…

577634_559213234123423_137929150_n
አዲሳባ ስልክ ደውዬ ነበር፡፡ “የደወሉላቸውን ደንበኛ አሁን ማግኘት አይችሉም እባክዎ ትንሽ ቆይተው ይሞክሩ” አለችኝ፡፡ ይቺ ሴትዮ ውጤት ተኮር ስራ እንድትሰራ ምናለበት እባክዎ ቆይተው ይሞክሩ ካለች በኋላ ጨመር አድርጋ… “ካልሆነልዎ ደግሞ መልክት ካልዎ ላድርስልዎ እንዴ…” እንድትል ቢያደርጓት… ለማንኛውም እሺ የኔ እመቤት ብዬ ትንሽ ቆይቼ ሞከርኩ፡፡ thenetworkisbusynowpleasediallatter አለችኝ ሌላዋ ደግሞ space በሌለው እንግሊዘኛ፡፡ የዝችኛዋ ደግሞ ንግግሯ በጣም ነው የሚያበሽቀው… የምር ግን ምናለ በየ ቃላቷ መሃል ትንሽ ንትፋሽ እንድትወስድ ቢያደርጓት ብዬ እያሰብኩ እንግዲህ እንዲህ ትንፋሽ የሚያሳጧት ከአንዱ ባለስልጣን ጋር የተቀያየመች ሴትዮ ትሆናለች ስል አስቤ አሳዘነችኝ…

በስንት መከራ ሲሰራልኝ የመጀመሪያው ጥያቄዬ፤ ስልኩ ምን ሆኖ ነው… የሚል ነበር፡፡
ከዛኛው መስመር… ምን ሆነ ቶሎ ሰራልህ እንዴ…
እኔ…. አረ አልሰራ አለኝ!
ከዛኛው መስመር….. ታድያ የኛ ስልክ እኮ ምን ሆነ የሚባለው ሲሰራ ነው እንጂ አለመስራትማ ስራው ነው፡፡

በገና ዋዜማ በርካታ አዲሳቤዎች መብራት ጠፍቶባቸዋል፡፡ ስልክም አብሮ ጠፍቷል፡፡ ዶሮ ጠፍቷል ሳይሆን አጥፍቷል ይሻላል አሉ፡፡ ስጋን እንጃባቱ… ግዜው የስጋት እንጂ የስጋ አይደለም ብለው የሚያሽሟጥጡ መበራከታቸውን ግን ሰምቻለሁ!!! አይሻልህም ግዜው የባዳ ነው እንጂ የስጋ አይደለም….! የሚል ድምፅ ይሰማኛል!

በዚህ ሁሉ መሃል እንኳን ለገና በዓል በሰላም አአደረሳችሁ!