“ጠበቆች ከተነሱ ተከሳሾች እንዲነሱ አይገደዱም” ጠበቃ አብዱልጀባር ሁሴን

 

Oromo Federalist Congress leaders.

የኦፌኮ ምክትል ሊቀመንበር በቀለ ገርባን ጨምሮ አራት የድርጅቱ አመራሮች በድጋሜ በችሎት መድፈር ተፈረደባቸው። የፌደራል ከፍተኛ ፍርድ ቤት ልደታ ምድብ 4ኛ ወንጀል ችሎት በእነ ጉርሜሳ አያኖ ክስ መዝገብ የተከሰሱትን ጉርሜሳ አያኖ፣ ደጀኔ ጣፋ፣ አዲሱ ቡላላ እና በቀለ ገርባ ስማቸው በሚጠራበት ወቅት ባለመነሳታቸው ችሎቱን ደፍረዋል በሚል በአራቱም ላይ የ6 ወር የእስር ቅጣት አስተላልፏል። ፍርድ ቤቱ ተከሳሾቹ ካልተነሱ ማንነታቸውን መለየት እንደማይቻል በመግለፅ ጠበቆቻቸው መክረው እንዲያስነሷቸው ጠይቋል።

ሆኖም ተከሳሾቹ “ባለፈው በመናገራችን ተቀጥተናል” በሚል አንነሳም ማለታቸውን በጠበቆች በኩል ለፍርድ ቤቱ ገልፀዋል። ተከሳሾቹ ስማቸው በሚጠራበት ወቅት ባይነሱም እጃቸውን ያወጡ ሲሆን ፍርድ ቤቱ ካልተነሱ የፍርድ ቤቱን ሕግ ስላላከበሩ እርምጃ እንወስዳለን ብሏል።

የተከሳሾቹ ጠበቃ አብዱልጀባር ሁሴን በበኩላቸው በፍርድ ቤት ማንነትን ማረጋገጥ የሚያስፈልገው ክስ ሲነበብ እንደሆነ፣ መዝገቡ ለዛሬ ጥር 28/2010 የተቀጠረው ለክስ መስማት (ማንበብ) ሳይሆን ፍርድ ለመስጠት ስለሆነ ጠበቆቹ ከቆሙ ተከሳሾች እንዲነሱ አይገደዱም ብለዋል።

ሆኖም ፍርድ ቤቱ ተከሳሾች ባለመቆማቸው ምክንያት የፍርድ ቤቱ ሰዓት በ30 ደቂቃ እንደባከኑና ድርጊቱንም ችሎት መድፈር መሆኑን በመግለፅ ውሳኔውን አስተላልፏል። ተከሳሾቹ ጥር 10/2010 በነበረው ቀጠሮውም በችሎት መድፈር በ6 ወር እስር መቀጣታቸውን አስታውሶ፣ ከባለፈው አልተማሩም በሚል ለ2ኛ ጊዜ የ6 ወር እስር ቅጣት ወስኗል። ጥር 10/2010 ዓም ችሎት ደፍራችኋል በተባሉበት ወቅት በፍርድ ቤት የተናገሩት ተከሳሾቹ ስለዛሬው ውሳኔው አልተናገሩም።

በሌላ በኩል 8ኛ ተከሳሽ ጌቱ ግርማ፣ 11ኛ ተከሳሽ በየነ ሩዳ፣ 12ኛ ተከሳሽ ተስፋየ ሊበንና 14ኛ ተከሳሽ ደረጀ መርጋ በቀጠሮው መሰረት ፍርድ ቤት ያልቀረቡ ሲሆን ዛሬ በችሎት መድፈር 6 ወር የተፈረደባቸውን አራቱን አመራሮች ጨምሮ በሁሉም ላይ ፍርድ ለመስጠት ለየካቲት 28/2010 ዓም ቀጠሮ ተይዟል።

ሰላም ባስና ዳሽን ቢራ ከፍተኛ ጉዳት ደረሰባቸው

(ኢሳት ) በኢትዮጵያ የተከሰተውን ሕዝባዊ ተቃውሞ ተከትሎ በተጠራ አድማና ጥቃት ከፍተኛ ጉዳት እንደደረሰባቸው ሰላም ባስና ዳሽን ቢራ አስታወቁ።

የቢቢሲ የአማርኛው አገልግሎት ያነጋገራቸው የሁለቱ ድርጅቶች ሃላፊዎች እንዳሉት በአድማውና በጥቃቱ ምክንያት ከኪሳራ ባሻገር ህዝቡ በአገልግሎታችን እንዳይጠቀም ከፍተኛ ተጽእኖ ፈጥሯል።

ሰላም ባስ በአራት መስመሮች አገልግሎት ማቋረጡን ሲያሳውቅ ዳሽን ቢራ በተለይ በባህርዳር ከፍተኛ የተቀባይነት ቀውስ እንደገጠመው ገልጿል።

ለቢቢሲ አማርኛ ቃለ መጠይቅ የሰጡት የሰላም ባስ አገልግሎት ማህበር ስራ አስኪያጅ አቶ ሀጎስ አባይ ባለፉት ሁለት ዓመታት በተፈጠረው ችግር ምክንያት ህዝቡ በሰላም ባስ ለመጠቀም ፍራቻ አድሮበታል።

በዚህም ምክንያት የገቢ መቀነስ ታይቷል ሲሉ ገልጸዋል።

በቅርቡ ወደቁልቢ ገብርዔል በመጓዝ ላይ በነበሩ አራት የሰላም ባስ አውቶብሶች ላይ ጥቃት ተሰንዝሮ መስታወቶቻቸው መሰባበሩን አቶ ሀጎስ አስታውሰዋል።

ሁለት የሰላም ባሶች በተለያዩ የሀገሪቱ አከባቢዎች መቃጠላቸውንም ስራ አስኪያጁ ጠቅሰዋል።

ሰላም ባስ በመላ ሀገሪቱ በ17 መስመሮች አገልግሎት እንደሚሰጥ የተናገሩት አቶ ሀጎስ በተፈጠረው የተቃውሞ እንቅስቃሴ ምክንያት የአራቱ መስመሮች አገልግሎት መቋረጡን ገልጸዋል።

በዚህም መሰረት በሀረር፣ ድሬዳዋ፣ ጂጂጋና አሶሳ መስመሮች ሲሰጥ የነበረው አገልግሎት ካለፉት ሶስት ወራት ወዲህ መቋረጡን ለማወቅ ተችሏል።

በሌሎች የሀገሪቱ አካባቢዎች ችግር አልገጠመንም ብለው መናገር ያልደፈሩት አቶ ሀጎስ አባይ ከፍተኛ ተጽዕኖ አልደረሰብንም በሚል አልፈውታል።

በጎንደር ህዝባዊ ተቃውሞ በተቀሰቀሰ ጊዜ በርካታ የሰላም ባስ አውቶብሶች ጥቃት የተሰነዘረባቸው መሆኑ ይታወሳል።

በቅርቡም በወሎ ኡርጌሳና በሰሜን ሸዋ አጣዬ መስመር ተመሳሳይ ጥቃትና እገታ በሰላም ባስ ላይ መደረጉን መዘገባችን የሚታወስ ነው።

ስራ አስኪያጁ አቶ ሀጎስ አባይ በገቢ ደረጃም ጉዳት እንደደረሰባቸው ገልጸዋል።

ከባለፈው ዓመት ጋር ሲነጻጻር በዘንድሮ ገቢያችን መቀነሱን አውቀናል ብለዋል።

ሰላም ባስ ከኢትዮጵያ ህዝብ በተዘረፈ ገንዘብ የተቋቋመው የትግራይ መልሶ ማቋቋሚያ ድርጅት ኢፈርት ንብረት በመሆኑ በመላ ሀገሪቱ አድማ እንደተጠራበት ይነገራል።

አቶ ሀጎስ ግን ያስተባብላሉ። በአክሲዮን የሚተዳደር ድርጅት ነው በማለት።

በሌላ በኩል በባህርዳር ከተማ በአንድ ቀን ከ60 በላይ ዜጎች በአጋዚ ሰራዊት መገደላቸውን ተከትሎ አድማ የተጠራበት ዳሽን ቢራም ተመሳሳይ ቀውስ እንደገጠመው እየተነገረ ነው።

የፋብሪካው ምክትል ስራአስኪያጅ አቶ ሙሉጌታ ማሩ ለቢቢሲ አማርኛ እንደተናገሩት ዳሽን ቢራ በተለይ በባህርዳር ከፍተኛ ተጽዕኖ ተፈጥሮበታል።

ኪሳራ ባይገጥመንም ከባለፉት ዓመታት ጋር ሲነጻጸር ትርፋችን ቀንሷል ብለዋል አቶ ሙሉጌታ።

ለጥይት መግዣ ገንዘብ አንሰጥም በሚል አገልግሎታችን ላይ አድማ መመታቱ ተገቢ አይደለም ያሉት አቶ ሙሉጌታ እንደሌሎች ድርጅቶች ለመንግስት የምንክፍለው ግብር ብቻ ነው ሲሉም አስተባብለዋል።

በአማራ ክልል ዳሽን ቢራ የሚያዘጋጃቸው የሙዚቃ ዝግጅቶች በተደጋጋሚ አድማ ተመቶባቸው የተቋረጡ መሆኑን መዘገባችን ይታወሳል።

ቢቢሲ አማርኛ ያነጋገራቸው አንድ የባህርዳር ነዋሪ እንዳሉት በባህርዳር ዳሽን ቢራ መጠጣት አደጋ አለው።

አቶ አባዱላና አቶ በረከት

 

Abadula and Bereket, rescinded their resignation from government.

አቶ አባዱላና አቶ በረከት መልቀቂያቸውን ስበዋል። ወደነበሩበት ተመልሰዋል። የህወሀት ልሳን ሬዲዮ ፋና ትላንት ይሄን ነገረን። የዛሬ ሳምንት ሌላው አፍቃሪ ህወሀት ‘ሪፖርተር’ ጋዜጣ የአቶ አባዱላ መልቀቂያ ተቀባይነት አገኘ ሲል በፊት ገጹ አውጥቶ ነበር። ያኔ ‘ወንድ ልጅ ቆረጠ’ ብለን የአባዱላን ውሳኔ ታዝበን ነበር። ከወራት በፊት አቶ ሃይለማርያም በምክር ቤት ተገኝቶ የአቶ በረከትን መልቀቂያ በተመለከተ ‘በረከት ደክሞታል። እስቲ ይረፍ። ጥያቄውን ተቀብለናል’ ብሎን ነበር።

ሁለቱ ሚዲያዎች ሪፖርተርና ፋና ለህወሀት የስስት ልጆች ናቸው። ቤተኛ ናቸው። አንዱ የስለት ልጅ በሚል ካልተበላለጡ በቀር ከህወሀት አንጻር የሚለያቸው ምንም ነገር የለም። ከፈረሱ አፍ ወሬውን እንደሚያቀብሉ አይጠረጠርም። በአንድ ሳምንት ልዩነት ሁለት ፍጹም ተቃራኒ ወሬዎችን ሲነገሩን ግን የህወሀትን የጤንነት መቃወስ ምን ደረጃ ላይ እንደደረሰ ጥሩ ምልክት እንዲሆነን አድርጓል። በሀወሀት ውስጥ የሃይል መሳሳብ እንዳለ፡ ፍትጊያው እንዳልተቋጨ የሚያረጋግጥም ነው። አንዳንዶች ሆን ብሎ ህዝቡን ለማደናገር፡ የፖለቲካ ቁማር ለመጫወት ነው ብለው የህወሀትን የሴራ ፖለቲካ ከኋላ ተንደርድረው በመነሳት ይተነትናሉ። ህወሀት አሁን ካለበት ጽኑ ህመም አንጻር እንዲህ ዓይነት ጨዋታ አቅሙ ይፈቅድለት ይሆን?

ሃይለማርያም በእርግጥ እንደነገሩት ነው። ደብረጺዮን ደውሎ እንዲህ በል ካለው ከረባቱን ገጭ አድርጎ ማይክ ይዞ ይለዋል። በረከት ጠርቶት እንደዚያ በል ካለው ደግሞ ሌላ ይላል። የነገሩትን ነው። ሀገሪቱ ውስጥ ምን እየተደረገ እንደሆነ የሚያውቅ አይመስለኝም። አንዳንድ ጊዜ ከህዝብ እኩል በቴሌቪዥን የሚሰማ ነው ቢባል ማጋነን አይሆንም። እናም የሃይለማርያምን እንተወው። ከሁለቱ የህወሀት አፈቀላጤዎች ግን የማንን እንመን?

አቶ አባዱላ ”የህዝቤ ክብር ሲነካ ማየት አልቻልኩም” ብሎ በቴሌቪዥን መስኮት ብቅ ያለ ዕለት ያልጠበቁት ሲገረሙ፡ ያልጣማቸው ሲያጣጥሉ፡ ህወሀቶች ደግሞ ሲራገሙ ነበር። አባዱላ በተለይ በጨፌ ኦሮሚያ አዳራሽ የብአዴን ልደት ሲከበር የተናገረው ‘ሰውዬው እውነትም ቆርጧል’ የሚል ስሜት በብዙዎች ዘንድ ፈጥሯል። ወደ ‘ሰውነት ተራ’ ለመመለስ የምሩን ወስኗል በለው የተቀበሉ ጥቂቶች አይደሉም። ባለፈው ሳምንት የኦሮሚያ ልዩ መብት በአዲስ አበባ የሚለው የፓርላማ የህዝብ ውይይት የተበተነ ጊዜ የያዘው አቋም ደግሞ ‘በሽታው ተመለሰበት እንዴ? ሳያገረሽበት አይቀርም’ የሚል አስተያየት እንዲሰጥበት አድርጓል።

አባዱላ መልቀቂያ ካቀረበበት ቀን ጀምሮ የህወሀት የሚዲያና የፌስ ቡክ ሰራዊት የስድብ ናዳውን ማዝነቡን አላቋረጠም። ከሀገር ቤት እስከባህር ማዶ የተጋሩ ማህበራት በሰልፍ አባዱላ ላይ የእርግማን መዓት፡ የውግዘት ጎርፍ ፡ ሲያወርዱ ከርመዋል። ”ምርኮኛውን ወታደር ሰው ባደረግን” ፡ ”ከአፈር አንስተን ስልጣን በሰጠን” እንዴት ተደፈርን ያለው የህወሀት መንደር ‘አባዱላ ይሰቀል’ ብሎ መግለጫ እስከማውጣት ደርሷል። ”የህዝቤ ክብር ተነካ” የሚለው የአባዱላ መግለጫ የተጋሩን ሰፈር በንዴት ማጬሱ እርግጥ ነው። ሁሌም ”የበላይነት” ከአምላክ የተሰጣቸው ክብር፡ ከሰማይ የተቸራቸው ጸጋ፡ የትኛውም ምድራዊ ሰው መግፈፍ የማይችለው ሞገስ አድርገው የሚቆጥሩት የተጋሩ ሰፈር ልጆች በአባዱላ መግለጫ መንጨርጨራቸው የሚጠበቅ ነበር። የአባዱላ ”የህዝቤ ክብር ተነካ” መግለጫ በተጋሩዎች መዝገበ ቃላት ‘ለህወሀት ውርደት’ የሚል ፍቺ አለው። ይህ የተጋሩዎች ጩሀት አባዱላ ላይ ጫና መፍጠሩ አልቀረም።

የህወሀት መሪዎች ከተጋሩ መንደር የሚስተጋባውን ‘አባዱላ ይሰቀል’ እሪታ በዝምታ የሚያልፉት አልነበረም። በዚህም በዚያም ብለው፡ እጅ ጠምዝዘው የአባዱላን ውሳኔ ሊያስቀይሩ የመቻላቸው ዕድል ሰፊ ነው። የአባዱላ አቋም ምን እንደሆነ አሁንም አልሰማንም። ውለታቸው ተሰምቶት፡ የውስኪ ብርጭቆ ሲያጋጭ ለዘመናት ከቆያቸው ህወሀቶች ጋር መፋታት ከብዶት፡ ውሳኔውን ሊቀለብስ ይችላል። ”ከኦነግ በላይ ለኦሮሞ ህዝብ የሚቀርበው ህወሀት ነው” ከሚለው ጥግ የደረሰ አቋሙ በብርሃን ፍጥነት ወደ ”የህወሀት የበላይነት አለ። የህዝቤ ክብር ተነካ” ውሳኔ የተለወጠው አባዱላ በዚያው ፍጥነት ”መንገድም ብርሃንም ህወሀት ነው” ቢል ሊደንቀን አይገባም። የህወሀቶች ነርቭ እስኪነካ ያንቀጠቀጣቸውን መግልጫ አባዱላ የሰጠው በህዝብ ማዕበል፡ በቄሮዎች አመጽ ግፊት መሆኑን መዘንጋት የለብንም። ህዝባዊ ንቅናቄው አሁን ካለበት ደረጃ ይበልጥ ከተፋፋመ አባዱላ ብቻ ሳይሆን ህሊናውን ሆዱ ስር የወሸቀ የህወሀት ተላላኪ በሙሉ ተጠራርጎ ሰልፉን ማሳመሩ የማይቀር ነው።

እንግዲህ ማንን እንመን? ሪፖርተርን ወይስ ሬዲዮ ፋናን? ዛሬ የኢህአዴግ የስራ አስፈጻሚ ኮሚቴ ለሶስት ሳምንት ያደረገውን ዝግ ስብሰባ በተመለከተ መግለጫ ይሰጣል ተብሎ ይጠበቃል። የአባዱላና የበረከት ወደነበሩበት መመለስ በመግለጫው የሚነገረን ከሆነ ከሪፖርተርና ከሬዲዮ ፋና የስለት ልጅ የትኛው እንደሆነ እንለያለን። በእርግጥ ሪፖርተር ህወሀት አደጋ ላይ ሲወድቅ ሰልፉን አስተካክሎ የውሸት መረጃዎች እየለቀቀ ህዝቡን በማደናገር፡ ህወሀትን ለማዳን ምሽግ የሚገባ እንደሆነ በተደጋጋሚ አስመስክሯል። አቶ መለስ የሞተ ጊዜ አስክሬን ከቤት አስቀምጦ ‘መለስ ለእረፍት አሜሪካን መሄዳቸው ታወቀ’ የሚል ዜና በፊት ገጹ ማውጣቱን እናስታውሳለን። ሬዲዮ ፋና የህወሀት ልሳን በመሆኑ እያደረገ ካለው የተለየ ነገር አይጠበቅበትም።

አሁንም ቢሆን መጨረሻውን ማየቱ የተሻለ ነው። ተስማማን አሉ እንጂ ስለመስማማታቸው የሚያረጋግጥ ነገር የለም። ስርዓቱ የሚገኝበት የቀውስ ቁመና በየሰዓቱ በሚዋዥቅ አቋም ከወዲህ ወዲያ ሲወዛወዝ እያየነው ነው። ህወሀት ክፉኛ ቆስሏል። ከዚህ በኋላ ቆሞ ለመራመድ የሚያስችል ስነልቦናም ሆነ አካላዊ ብቃት የለውም። እንደውም የአባዱላና የበረከት የመመለስ ውሳኔ እውነት ከሆነ የሚነግረን ህወሀት የመቃብር ጉዞው ከጠበቅነው በላይ እየፈጠነ መምጣቱን ነው። ሁለቱም ነባር የኢህአዴግ አመራሮች ህወሀትን እንዲታደጉት ተፈልጓል። ተረባርበው፡ በድርጅት ውስጥ ያላቸውን መዋቅራዊ ተቀባይነት ተጠቅመው ህወሀትን ከመቃብር አፋፍ እንዲመልሱት ነው። ከዚህ ያለፈ ሌላ ሚስጢር የለውም። ሰው ጨው አይደለም። አይቀመስም። አባዱላ ምን እንደሚያስብ አናውቅም። ህወሀትን ማዳን ወይስ የኦሮሞ ህዝብን የነጻነት ጥያቄ መደገፍ? ለአባዱላ የቀረቡ ሁለት ምርጫዎች ናቸው። ስለበረከት ብዙም ማለት አያስፈልግም። በረከት ምርጫ የለውም። ከህወሀት ጋር አብሮ አፈር ከመልበስ ውጪ ምን ዕድል አለው?

በኢትዮጵያ የሚጠበቀው ለውጥ ከኢህአዴግ መንደር የሚመጣ ነው ብሎ የሚያምን ጅል የለም። የዝሆኖች ጥል ሞታቸውን ያፋጥናል ከሚል በቅርበት ተከታተልነው እንጂ የእነሱ መንገድ ወደ ነጻነት ይወስደናል ብሎ የጠበቀ ካለ በቶሎ የአእምሮ ህክምና መውሰድ ያለበት ሰው ነው። እነለማ/ገዱ የጀመሩትን እንቅስቃሴ በአወንታዊ ጎኑ የተቀበልነው የህወሀትን ሞት ስለሚያፋጥነው ነው። ከዚያ ያለፈ ምክንያት የለውም። እነሱም ወደዚህ ተስበው የገቡት በህዝቡ የለውጥ እንቅስቃሴ ነው። ህወሀት በባህሪው ውስጣዊ ሽኩቻ ስጋውን ይጨርሰዋል። ነፍሱ ሲጥ እስክትል ይደርሳል።

በኢትዮጵያ የምናንፍቀው ለውጥ ብዙ መስዋዕትነት እንዳያስከፍል ከተፈለገም አገዛዙ መንደር የፈነዳውን ፍጥጫ ወደለየለት ጦርነት እንዲቀየርና እርስ በእርስ ተበላልተው እንዲያልቁ በማድረግ መሆኑ ይታመናል። እነለማ/ገዱ ያን መንገድ ሲጀምሩት ህወሀትም ወደ መቃብሩ የጀመረው ጉዞ በእጥፍ ፍጥነት ቀጥሎ ነበር። ያን ፍጥነቱን ለመቀነስ እየተረባረበ ነው። እነአባዱላን እንዲመለሱ የሚያደርገውም ወደዘላለማዊ ጉድጓዱ መቃረቡ ብርክ ስላዚያዘው መሆኑን መገመት አይከብድም። ግን ደግሞ አይቀርለትም። የተቀጣጠለው የህዝብ እምቢተኝነት የህወሀትን ሞት በቅርቡ ዕውን ማድረጉን ቅንጣት ታህል መጠራጠር አይገባም።

አባዱላ የማያድነው፡ የበረከት መመለስ የማይፈውሰው፡ የእነለማ/ገዱ መለሳለስ የማይሽረው፡ የተጋሩዎች እሪታና ኋይታ የማያስታግሰው ጽኑ ህመም ህወሀትን እያሰቃየው ነው። ከዳር እስከዳር የተቀጣጠለው የህዝቡ የለውጥ ትግል ህወሀትን ገድሎ አፈር ሳያለብስ አይመለስም። ህዝብ ወስኗል። ቆርጧል። ህወሀትን ከነጉድፉ፡ ከነግሳንግሱና ግብስብሱ፡ ተጠራርጎ ከሚወገድበት ስርነቀል ለውጥ ላይ ያደረሰው ህዝባዊው ትግል ወደኋላ የሚመለስ አይደለም።

 

Ethiopia: Oromo youth (Qero) fighting TPLF on the street

Anti-government protests against the brutal Ethiopian regime spreading throughout Ethiopia. This short video clip shows the street fight between the Oromo youth (Qero) and ‘Agazi’ forces (the regime death squads) in the town of Moyale, border of Ethiopia and Kenya.

Ethiopia: Anti-government protests in Moyale

ዳንሻ ወስደው ደብድበውኛል፣ ከዛ ወደ ትግራይ ወሰዱኝ…

ጌታቸው ሽፈራው

Ethiopian political prisoner

“ህዳር 9/2009 ዓም ከእርሻ ስመለስ ነው የያዙኝ። ዳንሻ ወስደው ደብድበውኛል። ከዛ ወደ ትግራይ ወሰዱኝ። ወደ ትግራይ መሆኑን ከመገመት ውጭ ልዩ ቦታውን አላውቀውም። ትልቅ ጉድጓድ ውስጥ አስገቡኝና ግንዱ ላይ በተጠለፈ ገመድ አስረው ጉድጓዱ ውስጥ አስቀመጡኝ። የታሰርኩት ያለ ምግብና ያለ ውሃ ነው።

ከዛም ወደ ሁመራ መለሱኝ። ለረዥም ሰዓት እጆቼን ወደኋላ አስረው ፀሀይ ላይ አስጥተውኝ ዋሉ። ሁመራ ካለው የወታደራዊ ካምፕ ነው። በዱላ ክፉኛ ደብድበውኛል። በዛን ወቅት ነው ብልቴን የመቱኝ። አሞኝ ስለነበር ማዕከላዊ አላስገቡኝም። ያቆዩኝ ባህርዳር ነው። ብልቴን ስለመቱኝ ለረዥም ጊዜ ተሰቃይቻለሁ።

ቂሊንጦ ከመጣሁ በሁዋላ እንኳ ለሶስት ወራት ያህል ህክምና ማግኘት አልቻልኩም ነበር። ቃሊቲ ጤና ጣቢያ ከ5 ጊዜ በላይ ተመላልሻለሁ። ፖሊስ ሆስፒታል ለሶስተኛ ጊዜ ተመላልሻለሁ። ከዛ በኋላ ነው ጥቁር አንበሳ እየታከምኩ ያለሁት። በድብደባው ምክንያት ከብልቴ በተጨማሪ ሆዴ ላይ ጉዳት ደርሶብኝ ነበር። በቀዶ ጥገና ተደርጎልኛል።”

በእነ ሚፍታህ ሸህ ሱሩር 74ኛ ተከሳሽ ፈረደ ክንድሻቶ ይርጋ ከተናገረው የተወሰደ ነው። ፈረደ በደረሰበት ጉዳት ሱሪ መልበስ አይችልም። በጉዳቱ ምክንያትም ያነክሳል።

Ethiopian People Patriotic Front Guard (EPPFG) assembled the year last members meeting in Nürnberg city


By Bikesegn Haileleul and Alemayehu Kidanewold

Photo by Michael Mekonnen
Nürnberg: EPPFG did its last meeting of the year in Nürnberg city on December 02,
2017. The meeting was opened by welcome speech of Mr. Luel Keskis – chairman of
the Ethiopian people patriotic front guard and he has been presented detail Annual
report of the organization to the participants .


Mr. Luel Keskis emphasized on his speech – “EPPFG will continue struggling the
Ethiopian government and beside to that we will increase our help to our brothers
and sisters who suffered as immigrant in different part of the world due to fear of
detention and human rights violation from Weyane .” By continuing his speech
“while we struggle to avoid Weyane ,we do not have any morale obligation to
collaborate with the enemies of our much-loved country Ethiopia and we are not
negotiate to sell our country in any matter to others and let our people in
complicated violation. While some people seems like they are unpretentious to
Ethiopians, they are working for their own agenda and dismantling Ethiopia because
of money. It is known from history that Ethiopia has protection all the time from
genuine citizens.”


One of the sessions of the meeting was current affairs; on this session there was live
discussion between participants based on the article from Graham Pebbles, how
current ethnic conflicts are deliberate government design. The master mind of the
current Ethnic conflict, in different part of the country, is the Ethiopian government
(Weyane) .The government use this tool to divert attention of Ethiopians from their
grievance. It is clearly known that in different part of the country there is uprising of
citizens in different forms.
From stage the discussion chaired by Bikesegn Haileleul (chairman man of EPPFG
in Bayern region) accompanied by Mr. Alemayehu Kidanewold (Chairman of EPPFG
in Würzburg area) and Mr. Yohans Tkaere Getnet ( vice chairman of EPPFG in
Bayern region ). Participants were actively participated on the discussion. And finally
the meeting has been concluded by replaying possible answers from the stage
which have been asked by participants.

የኢህአግ ዘብ /EPPFG/ የዚህን አመት የመጨረሻ መዝጊያ ስብሰባውን አዳሄደ

 

Reported by Alemayehu Kidanewold

Photo by Michael Mekonnen

በኑረንበርግ ከተማ በ 02 /12 /2017 ከቀኑ በ 14.00 ሰአት የኢህአግ ዘብ /EPPFG/ ስብሰባ አቶ ልዑል ቀስቅስ የድርጅቱ ሊቀመንበር በንግግር ከፍተወታል::

አቶ ልዑል በአመቱ የተሰሩትን ጠቅላላ የሰራ ዝርዝር እና በህወሃት መንግስት የመብትና ነጻነት ረገጣ እንዲሁም ሰላም ማጣት የሚሰደደውን ህብረተሰብ በተቻለ መጠን በሰው ሃገር እንግልት እና ችግር እንዳይገጥመው ድርጅቱ ሃልፊነቱን በተጉዋዳኝ እየተወጣና ወደፉት በተጠናከረ መልኩ እንደሚቀጥል አስታውቀዋል::

አቶ ልዑል አስረግጠውም እንደተናገሩት ወያኔን ለማስወገድ ስንታገል ግን ከኢትዮጵያ ጠላቶች ጋር ልንተባበር እንደማንችልና ከማንኛውም ሃገር ጋር ሃገራችንን ለመሸጥ እና ወደባሰ ብጥብጥ እንደትገባ የማድረግ የሞራል በቃት እንደሌለን አሰረደተዋል::

የኢትዮጵያ ወዳጆች መስለው የራሳቸውን አጀንዳ አራምደው ኢትዮጵያን ለማፈራረስ ከጥንትም ጀምሮ ቢሞከርም እስካሁን በሃገር ወዳድ ኢትዮጵያውያን ታፍራና ተከብራ የኖረችውን ሃገር በግልጽ እንደምናያቸው ሰዎች ለስልጣን ጥማትና ለፍርፋሪ ገንዘብ ብለን በምንም መንገድ ድርድር ልናደርግ እንደማንሞክር በስብሰባው ተገልጾዋል::

የህወሃት መንግስት በየጊዜው ቆዳውን እየቀያየረ ዘርን ከዘር ሃይማኖትን ከሃይማኖት በማጋጨት የራሱን የመንደርተኝነትን አስተሳሰብ በህዝቡ ላይ በመርጨት እድሜውን ያራዘመ ቢሆንም ህብረተሰቡ እና ድርጅታችን ይህንን በንቃት በመከታተል ትግሉን አጠናክሮ መቀጠል እንደሚገባው ተገልጾዋል::

በሌላው አጀንዳ በአሁኑ ሰአት በሃገራችን ስላለው ሁኔት የብሄር ግጭት በመንግስት የተወጠነ እና የተሰራ ነው” Grahm P. በጻፉት ጥናታዊ ጽሁፍ በመነሳት አቶ ቢክሰኝ ሰፋ ያለ ማብራርያ ሰተውበታል::

ሰብሰባውንም የባየር ሊቀመንበር አቶ ቢክሰኝ ሃይለ ልኡል ፣ የቩርዝቡርግና አካባቢው ሊቀመንበር አቶ አለማየሁ ኪዳነወልድ እና አቶ ዮሃንስ ትካኤር ጌትነት መርተውታል:: ስብሰባውም 16.00 ሰአት ላይ ተጠናቁዋል::

በግብጽ በተፈጸመ የቦምብ ጥቃት ቢያንስ 235 ሰዎች ተገደሉ

(ኢሳት ዜና)በግብጽ ሳይናይ ግዛት በአንድ መስጊድ ላይ በተፈጸመ የቦምብ ጥቃት ቢያንስ 235 ሰዎች ሲገደሉ 130 ሰዎች ቆስለዋል።

የሟቾቹም ሆነ በጥቃቱ የቆሰሉ ሰዎች ቁጥር ከዚህም በላይ ሊያሻቅብ እንደሚችል መረጃዎች ጠቁመዋል።

የሀገሪቱ ፕሬዝዳንት የሶስት ቀናት ብሔራዊ የሀዘን ቀንም አውጀዋል።

እስካሁንም ለጥቃቱ በይፋ ሃላፊነት የወሰደ አካል የለም ።

በግብጽ ሳይናይ ግዛት ዛሬ በአንድ መስጊድ ላይ በደረሰው የሽብር ጥቃት ይህ ዜና እስከተጠናቀረበት ሰአት ድረስ ቢያንስ 235 ሰዎች ሲገደሉ 130 ሰዎች ላይ ደግሞ ጉዳት ደርሷል።

አርብ እኩለ ቀን ላይ በተፈጸመ በዚህ ጥቃት ቢያንስ ሁለት ፍንዳታዎች ተሰምተዋል።

ከፍንዳታው በኋላ በመስጊዱ በብዛት ለአርብ ስግደት የተገኙ ሰዎች ነፍሳቸውን ለማዳን በሩጫ ለመውጣት በሚሞክሩበት ጊዜ ውጪ ሆነው የሚጠብቁት ጥቃት ፈጻሚዎች ተኩስ ከፍተውባቸዋል።

ፍንዳታው በመስጊዱ ላይም ከፍተኛ ጉዳት እንዳደረሰም ዘገባዎች አመልክተዋል።

የግብጽ የጤና ጥበቃ ሚኒስትር ካሊድ ሙጃሂድ ለሀገሪቱ ቴሌቪዥን ሲናገሩ ጥቃቱን የሽብር ጥቃት ነው ብለውታል።

የሀገሪቱ ፕሬዝዳንት ከጥቃቱ በኋላ ከጸጥታ አማካሪዎቻቸው ጋር ስብሰባ የተቀመጡ ሲሆን የሶስት ቀናት ብሔራዊ ሀዘንም አውጀዋል።

እስካሁን ለጥቃቱ በይፋ ሃላፊነትን የወሰደ አካል ባይኖርም የግብጽ የጸጥታ ሃይሎች ግን በየቀኑ በሚባል ደረጃ ከአይሲስ ጋር ከወገኑ ሃይሎች ጥቃት እንደሚደርስባቸው ይነገራል።

ጥቃቱን ያደረሱት ሰዎችም ለጊዜው ወዴት እንደጠፉና በምን ሁኔታ ላይ እንዳሉ የታወቀ ነገር የለም።

የዛሬው ጥቃት ባሳይናይ ግዛት ከተፈጸሙት ጥቃቶች ሁሉ አስከፊው ነው ተብሏል።

ጥቃት ፈጻሚዎቹ በራት ተሽከርካሪዎች በመሆን ፍንዳታውን ካደረሱ በኋላ በአካባቢው ያሉ ተሽከርካሪዎችን በቦምብ በማጋየት ለአርብ ጸሎት በመስጊድ የተሰበሰቡትን ሰዎች ከአደጋው መውጫ አሳጥተዋቸዋል።

በግብጽ እንደ አውሮፓውያኑ አቆጣጠር በ2013 የሙስሊም ወንድማማቾች በመባል የሚታወቀው እንቅስቃሴ መሪ መሀመድ ሙርሲ ከስልጣን ከተወገዱ በኋላ የእስልምና አክራሪዎች ጥቃት በማድረስ ላይ ናቸው።

በ2014 ፕሬዝዳንት አልሲሲ በግዛቲቱ የአስቸኳይ ጊዜ አዋጅ ሲያውጁ አካባቢው የአሸባሪዎች መፈልፈያ ሆኗል ብለው ነበር።

በሳይናይ ግዛት ከ2014 ጀምሮ ለአይሲስ አጋርነታቸውን ከሚገልጹ ወገኖች በደረሰ ጥቃት በመቶዎች የሚቆጠሩ የጦር አባላትና ሲቪሎች ሕይወታቸውን አጥተዋል።

ለኢትዮጵያ የአባይ ጉዳይ የሞትና የሽረት ጉዳይ ነው ተባለ

(ኢሳት ዜና) የአባይ ጉዳይ ለእኛም የሞትና የሽረት ጉዳይ ነው ሲሉ የኢትዮጵያ ውጭ ጉዳይ ሚኒስቴር ቃል አቀባይ ገለጹ።

ቃል አቀባዩ አቶ መለስ አለም የአባይ ግድብን በተመለከተ ከግብጽ ጋር ውጥረት መከሰቱን አስመልክቶ በሰጡት መግለጫ እንዳሉት ኢትዮጵያ በራሷ አቅም አባይን መገደቧን ትቀጥላለች።

የግብጹ ፕሬዝዳንት አልሲሲ በቅርቡ አንድ የአሳ ፋብሪካን ሲመርቁ አባይ የህይወትና የሞት ጉዳይ ነው ማለታቸው ይታወሳል።

ኢትዮጵያ እየገነባች ባለችው የአባይ ግድብ የተነሳ ግብጽ ሰሞኑን ጠንካራና ጠጠር ያለ ቃላት በመወርወር ላይ ትገኛለች።

ይህ ደግሞ በኢትዮጵያ ፣ግብጽና ሱዳን መካከል የተጀመረው ውይይት እንከን ስለገጠመው መሆኑ ነው የተነገረው።

ግብጽ በሶስትዮሹ ምክክር ከዚህ ቀደሞ የነበሩ የቅኝ ግዛት ውሎች ግምት ውስጥ ይግቡልኝ ስትል ኢትዮጵያና ሱዳን ሀሳቡን አልተቀበሉትም ነበር።

እናም በዚሁ ሳቢያ እሰጣ ገባ የገቡት የሶስቱ ሀገራት የውሃ ሚኒስትሮች በካይሮ ያካሄዱት ውይይት መቋረጡ ለሰጣ ገባው ምክንያት ሆኗል።

የግብጹ ፕሬዝዳንት አልሲሲ ታዲያ የውይይቱን መቋረጥ ተከትሎ ማስጠንቀቂያ አዘል ሀሳብ ሰንዝረዋል።

አልሲሲ በቅርቡ አንድ የአሳ ፋብሪካ በሀገራቸው ሲመርቁ እንዳሉት የአባይ ጉዳይ ለግብጽ የሞትና የሽረት ጉዳይ ነው።

ይህ ጠንከርና ጠጠር ያለው የአልሲሲ ንግግር ታዲያ ኢትዮጵያን ተመሳሳይ ቃላት እንድትሰነዝር አስገድዷታል።

የኢትዮጵያው ውጭ ጉዳይ ሚኒስትር ቃል አቀባይ አቶ መለስ አለም ጉዳዩን አስመልክቶ በሰጡት ጋዜጣዊ መግለጫ የአባይ ጉዳይ ለኢትዮጵያም የሞትና የሽረት ጉዳይ ነው።

እናም ግብጽ የሶስቱን ሀገራት የቀድሞ ስምምነት በሚጥስ መልኩ መግለጫ መስጠቷ የተሳሳተ ነው ብለዋል።

በግብጽ በኩል እየተሰነዘረ ያለው የማስጠንቀቂያ ቃላት ኢትዮጵያ የአባይን ግድብ እውን የምታደርግ ከሆነ የውሃው መጠን ቀንሶ ህልውናችንን ስጋት ውስጥ ይከታል በሚል ነው።

የሕዳሴው ግድብ ተብሎ የሚታወቀውን ግንባታ ከ60 በመቶ በላይ ማጠናቀቋን የምትገልጸው ኢትዮጵያ ግን ስራው እንደሚቀጥል አስታውቃለች።

ሱዳን በበኩሏ ኢትዮጵያ ግድቡን መገደቧ በተፋሰሱ ሀገራት ላይ የሚያስከትለው ችግር አይኖርም ባይ ነች።

በዚህ የሱዳን አቋም ሳቢያም ግብጽ የካርቱም መንግስት ለኢትዮጵያ እያደላ ነው በሚል ቅሬታዋን ገልጻለች።

ግብጽ የአባይ ግድብን ለማስቆም ወታደራዊ አማራጭ የምትከተል ከሆነ አካባቢው ወደ ከፋ ጦርነት ሊሸጋገር ይችላል በሚል ዘገባዎች ስጋታቸውን በመግለጽ ላይ ናቸው።

አጠብቂኝ በቃ!

 

ጠዋ…ት ተነስቼ – እንደ ወፍ በርሬ
እመጣለሁ ያልኩሽ? ተይው በቃ ውዴ
አጠብቂኝ ይቅር! አልመጣም ጨርሶ 
ክረምቱ እስኪያበቃ – ጨለማውን ገፎ::
ይህ ጥቁር ደመና – ጉሙን ያረገዘው
ለሊቱን አርዝሞ – ቀኑን ያሳጠረው
ተበትኖ እስኪጠፋ
አጠብቂኝ በቃ!

ይህ የኔ ህይወት ቀኑን የተቀማ
እንኩዋን ላንቺ ሊሆን ለራሱም ያልቀና
ቢመጣም ችግር ነው ብሶትና ‘ሮሮ
በኑሮ ውጣውረድ ጭንቅላቱ ሰክሮ
አጠብቂኝ በቃ አ..ጠ..ብ..ቂ..ኝ በቃ!

ያ የብርሃን ንጉስ – የጸሃይቱ ጌታ
ስራዬን አይቶልኝ – አሁን አለሁ ሲለኝ!
ፍሬዬን ባርኮልኝ – ዘሬን አብዝቶልኝ
ከዛ አይሻለሁ – በንጋት ገስግሼ
ጨርቄን ማቄን ሳልል – ያለኝን ለብሼ::
እውነት… እ…ውነት ውዴ!
ለኔ በቂዬ ነው የጸሃይዋ ድምቀት
ያኔ ይታየኛል ያንቺ ምስጢርነት::

የሰብዓዊ መብት ጥሰት የሚያስከትል አዲስ የጸጥታ እና የደህንነት ዕቅድ ይፋ ተደረገ 

(ዘ-ሃበሻ) በሰብዓዊ መብት ላይ ከፍተኛ ወንጀል የሚፈጽም አዲስ ዕቅድ ይፋ ተደረገ፡፡ ዕቅዱ የብሔራዊ እና የክልል ደህንነት ጸጥታ ምክር ቤቶች የጋራ ዕቅድ የሚባል ሲሆን፣ ይህን ለማስፈጸምም ራሱን የቻለ አንድ ግብር ኃይል አለው፡፡ በውጭ ዲፕሎማቶች እና በእርዳታ ሰጪ ሀገራት ጫና የአስቸኳይ ጊዜ አዋጁን ለማንሳት ተገዶ የነበረው ገዥው ፓርቲ፣ አሁን ደግሞ ቆዳውን ገልብጦ ሌላ ጸረ ህዝብ አዋጅ ይዞ ብቅ ማለቱም ተነግሯል፡፡

ትላንት በጠቅላይ ሚኒስትር ጽ/ቤት በተደረገው ስበሰባ ላይ የፌደራል እና የከልል የደህንነት አባላት፣ የመከላከያ አዛዦች እና በጸትታ ጉዳይ ላይ የሚሰሩ የገዥው ቡድን ሰዎች ተገኝተው ነበር፡፡ የመከላከያ ሚኒስትሩ እና የብሔራዊ ደህንነት ምክር ቤት ኃላፊ የሆኑት አቶ ሲራጅ ፈጌሳ፣ በውይይቱ ላይ እንደገለጹት፣ አዲስ የወጣው ዕቅድ ለቀጣይ አንድ ዓመት ይቆያል፡፡ ዕቅዱ በፌደራል እና በክልሎች የተቀናጀ ተሳትፎ እንደሚተገበር የገለጹት አቶ ሲራጅ፣ ዕቅዱም ከፌደራል እስከ ቀበሌ ድረስ እንደሚተገበር ተናግረዋል፡፡

በህዝባዊ ተቃውሞ ከፍተኛ ጭንቅት ላይ የሚገኘው አገዛዙ አንዴ የአስቸኳይ ጊዜ አዋጅ፣ ሌላ ጊዜ ደግሞ የብሔራዊ እና የክልል ደህንነት ጸጥታ ምክር ቤት የጋራ ዕቅድ በማለት የህዝብን ተቃውሞ ለማፈን እየሞከረ እንደሚገኝ ታዛቢዎች ይገልጻሉ፡፡ ሀገሪቱ ተረጋግታለች በማለት በጫና የአስቸኳይ ጊዜ አዋጁን አንስቶ የነበረው አገዛዙ፣ አሁን ላይ በድጋሚ አዋጁን መመለስ መሳቂያ መሳለቂያ እንደሚያደርገው አምኗል የሚሉ ታዛቢዎች፣ በዚህም የተነሳ የስም ለውጥ በማድረግ የአስቸኳይ ጊዜ አዋጁን የሚተካ አዲስ ህግ ማውጣቱንም ታዛቢዎቹ ያክላሉ፡፡

በኢትዮጵያ ህዝብ እየተካሔደ ያለው ህዝባዊ ተቃውሞ የስልጣን መናጋት የፈጠረበት አገዛዙ፣ አዲሱን የደህንነት ዕቅድ የተቃውሞ ማብረጃ ለማድረግ እንዳቀደም ታውቋል፡፡ የብሔራዊ ደህንነት ምክር ቤት የተባለው ግብረ ኃይል ውስጥ የመከላከያ፣ የደህንነት፣ የፌደራል እና የክልል የደህንነት አዛዦች የተካተቱበት ሲሆን፣ ግብረ ኃይሉም ህዝባዊ ተቃውሞ በተነሳበት ሰዓት ሁሉ ወታደሮችን እና ፖሊሶችን የማዘዝ ስልጣን አለው፡፡ የአስቸኳይ ጊዜ አዋጁ በስራ ላይ በነበረበት ሰዓት እስከ 60 ሺህ የሚደርሱ ሰዎች መታሰራቸው እና በርካቶችም መገደላቸው ይታወሳል፡፡ አዲሱ ዕቅድም ተመሳሳይ ዓለማ እንዳለው ለመረዳት ተችሏል፡፡

”ኢትዮጵያዊነት ሱስ ነው”! ርዕሰ መስተዳድር አቶ ለማ መገርሳ

ኢትዮጵያዊነት ከደም አልፎ በልብ ውስጥ የተቀመጠ የተከበረ ማንነት ነው- ኢትዮጵያዊነት ሱስ ነው።
ርዕሰ መስተዳድር አቶ ለማ መገርሳ

‹‹ኢትዮጵያዊነት ምን እንደሆነ ዛሬ ባየነው ትዕይንት ትርጉሙ ገብቶኛል፡፡ኢትዮጵያዊነት ልዩ ነው፡፡ አትዮጵያዊነት ሱስ ነው፡፡ከደም አልፎ ልቡ ውስጥ እንዳለ ዛሬ አይተነዋል፡

ማንኛውም ኢትዮጵያዊ የትም ይሁን የት ፣ምን ያህል የኢትዮጵያዊነት ርሀብ እንዳለበት በመላው ዓለም የሚገኙ ሁሉ መምጣታችንን ሲሰሙ ምን ያህል በውስጣቸው እንዳደረ አይተናል፡፡ችግሮቻችንን በጋራ እየፈታን ለእድገታችን የምንሰራበት ጊዜም ነው ብለዋል፡፡ 23131890_1861009617272604_7999216097441461243_n

ለዚች ሀገር ህይወቱን አሳልፎ የሰጠው ይህ ህዝብ ለሀገሩ ፣ለአንድነቱ ነው፡፡ትናንት በተለያዩ አውደ ውጊያዎች ደሙን የገበረው ለኢትዮጵያ ነው፡፡ለሀገራችን አሁንም መስራት ይጠበቅብናል፡፡ወደ ኋላ እያየን ወደፊት ልንጓዝ አንችልም፡፡ያለፈውን እንርሳው ፡፡ለሀገራችን አንድነት በጋራ እንቁም ሲሉ ጥሪያቸውን አቅርበዋል፡፡

ዛሬ አማራ ክልል የተገኘነው እንደምስታፈልጉን ፣እንደምናስፈልጋችሁ ስለምናምን ነው፡፡ለኢትዮጵያችን ሁሉም ብሄሮች ብሄረሰቦች እና ህዝቦች ያስፈልጓታል፡፡ፍቅር ያሸንፋል፡፡ብሄሮች በጋራ ሊቆሙላት ይገባል፡፡ የምስራቅ አፍሪካ ቀጠና ላይ ነው ያለነው፡፡በጎረቤቶቻችን ላይ ያለውን መመልከት ያስፈልጋል፡፡ለምናደርጋቸው ነገሮች ሀላፊነት ሊሰማን ይገባል፡፡

አቶ ለማ አክለውም የሀገሪቱ ተረካቢ ለሆነው ወጣት ስራ ልንፈጥርለት ይገባል፡፡ትውልዱን ለመቅረጽ ደግሞ ቅድሚያ የሚወስደው ቤተሰብ ነው፡፡በመቀጠልም ማህበረሰብ ፤ስለሆነም ለስነ-ምግባር ጉዳይ ቅድሚያ ልንሰጥ ይገባል፡፡አባቶች ፣አባ ገዳዎች ፣የሀገር ሽማግሌዎችና የሀይማኖት አባቶች ስነ-ምግባርን በተመለከተ ትኩረት ልትሰጡት ይገባል ብለዋል ፡፡

 

በእነ ንግስት ይርጋ የክስ መዝገብ ብይን ለመስጠት በሚል በድጋሜ ቀጠሮ ተሰጥቷል

የቃሊቲ ማረሚያ ቤት የፍ/ቤት ትዕዛዝ አላከበረም ተብሏል

የፌደራሉ ከፍተኛ ፍ/ቤት ልደታ ምድብ 4ኛ ወንጀል ችሎት የሽብር ክስ የቀረበባቸውን የእነ ንግስት ይርጋ የክስ መዝገብ የአቃቤ ህግ ማስረጃን መርምሮ ተከሳሾች የቀረበባቸውን የወንጀል ክስ መከላከል ያስፈልጋቸዋል ወይስ መከላከል ሳያስፈልጋቸው በነጻ ሊሰናበቱ ይገባል የሚለውን ብይን ለማሰማት ለዛሬ ጥቅምት 21/2010 ዓ.ም ቀጠሮ ይዞ የነበር ቢሆንም፣ ዳኞች መዝገቡን መርምሮ ለመስራት ተጨማሪ ጊዜ ያስፈልገናል በሚል በድጋሜ ቀጠሮ ሰጥተዋል፡፡

አክቲቪስት ንግስት ይርጋን ጨምሮ ስድስት ተከሳሾችን የያዘው የእነ ንግስት ይርጋ መዝገብ ነሐሴ 12/2009 ዓ.ም ለብይን በሚል ቀጠሮ ከተያዘ በኋላ ብይኑ አልደረሰም በሚል ለዛሬ ተላልፎ እንደነበር ይታወሳል፡፡ ሆኖም ግን ዛሬም መዝገቡ ተመርምሮ ብይኑ ባለመሰራቱ ለሁለተኛ ጊዜ ለህዳር 01/2010 ዓ.ም ተለዋጭ ቀጠሮ ተሰጥቷል፡፡
በሌላ በኩል ቃሊቲ ማ/ቤት የምትገኘው አክቲቪስት ንግስት ይርጋ በእስር ቤት የጥየቃ ሰዓትና የጠያቂ ገደብ ተጥሎብኛል የሚሉና ሌሎች የሰብዓዊ መብት ጥሰቶች አቤቱታ አቅርባ ይህ እንዲስተካከል ፍ/ቤቱ ለቃሊቲ ማ/ቤት አስተዳደር ትዕዛዝ ሰጥቶ የነበር ቢሆንም ማ/ቤቱ ትዕዛዝን አለማክበሩ ተገልጹዋል፡፡

‹‹ሐምሌ 21/2009 ዓ.ም ፍ/ቤቱ ትዕዛዝ ሰጥቶልኝ ነበር፡፡ ሆኖም ማ/ቤት አስተዳደሩ የፍ/ቤቱን ትዕዛዝ አክብሮ መብቶቼን ባለማክበሩ በድጋሜ ነሃሴ 12/2009 ዓ.ም አቤቱታ አቅርቤ፣ ለዛሬ ማ/ቤት አስተዳደር ለምን ትዕዛዙን እንዳላከበረ መልስ እንዲሰጥ ታዝዞ ነበር፡፡ ይባስ ብሎ በማ/ቤቱ አስተዳደር ቢሮ እየተጠራሁ ‹አንቺ ማን ስለሆንሽ ነው ማ/ቤቱን የምትከሽው፣ አንቺ ከማን ትበልጫለሽ እየተባልሁ ማስጠንቀቂያ እየተሰጠኝ ነው›› በማለት ንግስት ይርጋ ስላለው ሁኔታ አቤቱታ አሰምታለች፡፡

ሌሎችም ተከሳሾች አቤቱታ እንዳላቸው ቢገልጹም ፍ/ቤቱ አቤቱታቸውን በጽሁፍ ካቀረቡ ብቻ እንደሚቀበላቸው በመግለጽ እንዳይይገሩ ከልክሏል፡፡

ፍ/ቤቱ የቃሊቲ ማ/ቤት አስተዳደር ቀደም ሲል በንግስት ይርጋ አቤቱታ ላይ የተላለፈውን የፍ/ቤቱን ትዕዛዝ ለምን እንዳላከበረ በቀጣይ ቀጠሮ ቀርቦ እንዲያስረዳ በድጋሜ ትዕዛዝ ሰጥቷል፡፡